Vikatan.com

www.vikatan.com would like to send you push notifications.

Notifications can be turned off anytime from browser settings.

காங்கிரசிலும் களையெடுப்பு: 7 மாவட்டத் தலைவர்கள் மாற்றம்!

சென்னை: அ.தி.மு.க, தி.மு.க.வைத் தொடர்ந்து காங்கிரசிலும் 7 மாவட்டத் தலைவர்கள் நீக்கப்பட்டு, புதிய தலைவர்கள் நியமிக்கப்பட்டுள்ளனர்.

நடந்து முடிந்த சட்டமன்ற தேர்தலில் அ.தி.மு.க தோல்வி அடைந்த பகுதிகளின் பல்வேறு மாவட்டச் செயலாளர்கள் மற்றும் நிர்வாகிகளை மாற்றி அக்கட்சியின் பொதுச் செயலாளரும், தமிழக முதல்வருமான ஜெயலலிதா உத்தரவிட்டார்.

இதைத்தொடர்ந்து, தி.மு.க.விலும் சேலம், நாமக்கல், திருநெல்வேலி ஆகிய மாவட்டச் செயலாளர்கள் நீக்கம் செய்யப்பட்டு, புதிய மாவட்டச் செயலாளர்கள் நியமனம் செய்யப்பட்டனர்.

இந்நிலையில், காங்கிரஸ் கட்சியைச் சேர்ந்த 7 மாவட்டத் தலைவர்களை மாற்றி, அக்கட்சியின் தமிழக தலைவர் ஈ.வி.கே.எஸ்.இளங்கோவன் உத்தரவிட்டுள்ளார்.

இதுகுறித்து அவர் விடுத்துள்ள அறிக்கையில், ''மாவட்ட காங்கிரஸ் கமிட்டித் தலைவர்கள் பூவை பீ.ஜேம்ஸ், வெங்கடாசலம், எஸ்.ராஜ்குமார், கே.ராம்நாத், எஸ்.கே.டி.பி.காமராஜ், வி.பாலையா, கே.டி.ராஜாகுமாரவேல் ஆகியோர் நீக்கப்பட்டு, புதிதாக பொறுப்பாளர்கள் நியமிக்கப்பட்டுள்ளார்கள். புதிதாக நியமிக்கப்பட்டுள்ள கீழ்க்கண்ட பொறுப்பாளர்களுக்கு காங்கிரஸ் கட்சியினர் அனைவரும் ஒத்துழைப்பு வழங்கும்படி கேட்டுக்கொள்கிறேன்.

1. திருவள்ளூர் தெற்கு - ஜெ.பாலமுருகன்
2. திருப்பூர் புறநகர் - கே.தென்னரசு
3. நாகப்பட்டினம் வடக்கு - டி.சொக்கலிங்கம்
4. திருநெல்வேலி மேற்கு - எஸ்.பழனி நாடார்
5. திருநெல்வேலி மாநகர் - டி.எல்.உமாபதி சிவன்
6. கன்னியாகுமரி கிழக்கு - ஆர்.ராதாகிருஷ்ணன்
7. கிருஷ்ணகிரி - எஸ். நாராயணமூர்த்தி''

எனக் கூறியுள்ளார்.

எடிட்டர் சாய்ஸ்

MUST READ