Vikatan.com

www.vikatan.com would like to send you push notifications.

Notifications can be turned off anytime from browser settings.

81 ஆண்டுகளாக தொடரும் யோகா..! 109 வயதிலும் அசத்தும் முதியவர்

விருதுநகர் மாவட்டம், ஸ்ரீவில்லிபுத்தூரில் 109 வயது முதியவர் ஒருவர் 81 ஆண்டுகளாக யோகா பயிற்சி செய்து அசத்தி வருகிறார்.

ஸ்ரீவில்லிபுத்தூர் ஊரணிபட்டி தெருவைச் சேர்ந்தவர் குருசாமி. (வயது 109). இவருக்கு 3 மகள்களும், 2 மகன்களும் உள்ளனர். ஞானமணி என்ற மகன் வீட்டில் தற்போது குருசாமி வசித்து வருகிறார். இவருக்கு யோகாசனங்கள் கற்றுக்கொள்ள வேண்டும் என்ற ஆர்வம் சிறு வயதில் ஏற்பட்டுள்ளது. இதனால் கீழப்பட்டி தெருவை சேர்ந்த கோபால் என்பவரிடம் முறையாக யோகாசனங்களைக் கற்றுக்கொண்டார்.

பின்னர் அங்குள்ள நகராட்சி அலுவலகம் எதிரே பொன்னையா செட்டியார் யோகா நிலையம் ஒன்றை ஆரம்பித்தார். 40 ஆண்டுகளாக யோகா பயிற்சியை இலவசமாக கற்றுத் தருகிறார் குருசாமி. சிறுவர்கள், இளைஞர்கள் இங்கு யோகாசனம் செய்து வருகின்றனர்.

81 ஆண்டுகளாக யோகாசனங்கள் செய்து வரும் குருசாமி, முதுமை காரணமாக பயிற்சி அளிப்பதை கடந்த ஓராண்டாக நிறுத்தியுள்ளார். ஆனாலும், வீட்டில் தினமும் யோகாசனம் செய்து வருகிறார்.

இது குறித்து குருசாமி கூறுகையில், "அனைவரும் யோகாசனங்களை முறையாக கற்று தினமும் பயிற்சி செய்யலாம். இது உடலுக்கு வலிமையையும், சுறுசுறுப்பையும் தரும். ஆரோக்கியமாக வாழ மருத்துவம் மட்டும் போதாது. முறையான உடற்பயிற்சி, ஆசனங்கள் செய்வது அவசியம்" என்றார்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ