Vikatan.com

www.vikatan.com would like to send you push notifications.

Notifications can be turned off anytime from browser settings.

சென்னையில் 2 நாட்களில் 161 ரவுடிகள் கைது! -காவல்துறை அதிரடி நடவடிக்கை

சென்னை: சென்னையில் கடந்த 2 நாட்களில் மட்டும் 161 ரவுடிகளை கைது செய்து காவல்துறையினர் அதிரடி நடவடிக்கை எடுத்து உள்ளனர்.

சென்னையில் பெருகி வரும் கொலைச் சம்பவங்களை அடுத்தும், ரவுடிகளின் அட்டகாசம் அதிகரித்து வருவதாக எழுந்த புகார்களை தொடர்ந்தும், ரவுடிகளுக்கு எதிரான நடவடிக்கைகளை தீவிரப்படுத்துமாறு சென்னை பெருநகர காவல் துறைக்கு காவல் ஆணையர் ராஜேந்திரன் உத்தரவிட்டுள்ளார். அதன்படி, ரவுடிகளை ஒடுக்கும் நடவடிக்கையில் போலீசார் தீவிரமாக இறங்கி உள்ளனர்.

இது தொடர்பாக சென்னை காவல் ஆணையர் அலுவலகம் சார்பில் வெளியிடப்பட்டுள்ள செய்திக்குறிப்பில், ''சென்னை பெருநகரில் ரவுடிகள், கொலை வழக்கில் சம்மந்தப்பட்ட ரவுடிகள், முக்கியமாக சட்டம் ஒழுங்குக்கு குந்தகம் விளைவிப்பவர்கள் அல்லது விளைவிக்கக்கூடும் என சந்தேகிக்கும் ரவுடிகளை கண்காணித்து நடவடிக்கை மேற்கொள்ள சென்னை போலீஸ் கமிஷனர் டி.கே.ராஜேந்திரன் உத்தரவிட்டார்.

அதன்பேரில் சென்னையில் 4 மண்டலங்களில், வடக்கு மண்டலத்தில் பூக்கடை, வண்ணாரப்பேட்டை, மாதவரம், தெற்கு மண்டலத்தில் அடையாறு, தியாகராயநகர், புனித தோமையர்மலை, மேற்கு மண்டலத்தில் புளியந்தோப்பு, அம்பத்தூர், அண்ணாநகர், கிழக்கு மண்டலத்தில் கீழ்ப்பாக்கம், திருவல்லிக்கேணி, மயிலாப்பூர் ஆகிய 12 மாவட்டங்களிலும், நான்கு மண்டல இணை கமிஷனர்கள் தலைமையில் சிறப்பு தனிப்படைகள் அமைக்கப்பட்டு பொது அமைதிக்கு குந்தகம் விளைவிக்கும் நபர்கள் மற்றும் கொலை வழக்கில் சம்பந்தப்பட்ட ரவுடிகள் ஆகியோர் கைது செய்யப்பட்டு நடவடிக்கைகள் மேற்கொள்ளப்பட்டு வருகிறது.

மேலும், மத்திய குற்றப்பிரிவு ரவுடிகள் கண்காணிப்பு பிரிவு உதவி கமிஷனர் தலைமையில் காவல் குழுவினர் ரவுடிகளை கண்காணித்து நடவடிக்கைகள் மேற்கொள்ளப்பட்டு வருகின்றன.

கடந்த 2 நாட்களில் மட்டும் சென்னையில் மேற்கூறிய 12 மாவட்டங்களிலும் சிறப்பு தனிப்படையினர் மற்றும் ரவுடிகள் கண்காணிப்பு பிரிவினரால் 161 ரவுடிகள் கைது செய்யப்பட்டு சிறையில் அடைக்கப்பட்டுள்ளனர். அதன்படி, வடக்கு மண்டலத்தில் மேற்கொண்ட ரவுடிகள் தேடுதல் வேட்டையில் மாதவரம் காவல் எல்லையில் 28 பேர், வண்ணாரப்பேட்டையில் 25 பேர் மற்றும் பூக்கடையில் 16 பேர் என மொத்தம் 69 ரவுடிகள் மற்றும் கொலை வழக்கில் சம்பந்தப்பட்ட குற்றவாளிகள் கைது செய்யப்பட்டு சிறையில் அடைக்கப்பட்டனர்.

தெற்கு மண்டலத்தில் நடத்திய சோதனையில் தியாகராயநகர் காவல் எல்லையில் 13 பேர், அடையாறில் 15 பேர் மற்றும் புனித தோமையர்மலையில் 26 ரவுடிகள் மற்றும் பொது அமைதிக்கு பங்கம் விளைவிக்கும் செயல்களில் ஈடுபட்ட 54 நபர் கள் கைது செய்யப்பட்டனர்.

கிழக்கு மண்டலத்தில் சிறப்பு தனிப்படையினர் கண்காணித்து கீழ்ப்பாக்கம் காவல் எல்லையில் 12 பேர், திருவல்லிக்கேணியில் 5 பேர், மயிலாப்பூரில் 2 பேர் என மொத்தம் 19 ரவுடிகளை கைது செய்து சிறையில் அடைத்தனர்..

இதே போல மத்திய குற்றப்பிரிவு உதவி ஆணையர் தலைமையிலான படையினர் 12 ரவுடிகளை கைது செய்து சம்பந்தப்பட்ட காவல் நிலையத்தில் ஒப்படைத்தனர். ரவுடிகளுக்கு எதிரான தேடுதல் வேட்டை தொடர்ந்து துரிதமாக செயல்படுத்த சென்னை பெருநகர காவல்துறை உயரதிகாரிகளுக்கு ஆணையர் ராஜேந்திரன் உத்தரவிட்டுள்ளார்" என்று கூறப்பட்டு உள்ளது.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ