Vikatan.com

www.vikatan.com would like to send you push notifications.

Notifications can be turned off anytime from browser settings.

'மகனை கருணை கொலை செய்ய அனுமதியுங்கள்..!' கலெக்டரிடம் கண்ணீர் விட்ட தாய்

னவளர்ச்சி குன்றிய மகனை கருணை கொலை செய்ய அனுமதிக்க வேண்டும் என்று அவனுடைய பெற்றோர் கண்ணீர் மல்க திருப்பூர் மாவட்ட கலெக்டரிடம் மனு கொடுத்த சம்பவம் பெரும் சோகத்தை ஏற்படுத்தியுள்ளது.

திருப்பூர் மாவட்ட கலெக்டர் அலுவலகத்தில் கலெக்டர் எஸ்.ஜெயந்தி தலைமையில் மக்கள் குறைதீர்க்கும் நாள் கூட்டம் நேற்று நடந்தது. அப்போது திருப்பூர் எம்.ஜி.ஆர். நகரில் வசிக்கும் ராஜேந்திரன்–மகேஸ்வரி தம்பதியினர் தங்களது மனவளர்ச்சி குன்றிய மகனுடன் வந்தனர். அவர்கள் தங்கள் மகனை கருணை கொலை செய்ய அனுமதி கேட்டு கலெக்டரிடம் கண்ணீர் மல்க மனு கொடுத்தனர்.

அந்த மனுவில், "நான் திருப்பூரில் உள்ள பிரிண்டிங் நிறுவனத்தில் வேலை செய்து வருகிறேன். எங்களுக்கு கவிகா (14) என்ற மகளும், கருப்பையா (12) என்ற மகனும் உள்ளனர். எனது மகன் கருப்பையா ஒரு வயது வரை நன்றாக இருந்தான். அதன் பிறகு மூளைக்காய்ச்சலால் பாதிக்கப்பட்டதால் அவனுக்கு மனவளர்ச்சி பாதிக்கப்பட்டது. அவன் தனது நிலையை இழந்து, தான் என்ன செய்கிறோம் என்று தெரியாமல் உள்ளான். திடீரென ஆவேசப்படும் அவன், வீட்டை விட்டு வெளியே சென்று, தான் அணிந்திருக்கும் ஆடையை கிழித்து வீசிவிடுகிறான். எனது மகனை பல்வேறு மருத்துவமனைகளுக்கு அழைத்துச்சென்று 10 ஆண்டுகளுக்கு மேலாக ரூ.10 லட்சத்துக்கு மேல் செலவு செய்து சிகிச்சை அளித்து விட்டோம். ஆனால் மருத்துவர்கள் எனது மகனின் நிலையை குணப்படுத்த முடியாது என்று கூறிவிட்டனர்.

எனது மகனால், 9ம் வகுப்பு படிக்கும் எனது மகளின் படிப்பும் கேள்விக்குறியாகும் நிலை உள்ளது. திருப்பூர் மாவட்ட குழந்தைகள் நல அலுவலகத்திற்கு எனது மகனை அழைத்துச் சென்றேன். அவனது நிலையை பார்த்த அதிகாரிகள், அவனை காப்பகத்தில் சேர்த்து பராமரிக்க வாய்ப்பில்லை என்று கூறிவிட்டனர். எங்கள் மகனை வீட்டில் வைத்து பாதுகாத்து பராமரிக்க இயலவில்லை. அவனுடைய நிலையை எங்களால் தாங்கிக்கொள்ள முடியவில்லை. எனவே எனது மகனை ஏதாவது ஒரு காப்பகத்தில் சேர்த்து அவனுக்கு பராமரிப்பு மற்றும் பாதுகாப்பு வழங்க வேண்டுகிறேன். இல்லை என்றால், எங்கள் மகனை கருணை கொலை செய்ய அனுமதி அளிக்கும்படி கேட்டுக்கொள்கிறோம்" என்று கூறப்பட்டு இருந்தது.

மனுவை பெற்றுக்கொண்ட கலெக்டர், கருப்பையாவை மனவளர்ச்சி குன்றிய குழந்தைகள் காப்பகத்தில் சேர்க்க நடவடிக்கை எடுப்பதாக உறுதி அளித்தார். இதைத்தொடர்ந்து அவர்கள் தனது மகனை வீட்டுக்கு அழைத்து சென்றனர். பெற்ற மகனையே கருணை கொலை செய்ய அனுமதி பெற்றோர் அனுமதி கேட்ட சம்பவம் பெரும் அதிர்ச்சியையும், சோகத்தையும் ஏற்படுத்தியுள்ளது.

சில தினங்களுக்கு முன்பு கல்லீரல் பாதிக்கப்பட்ட பெற்ற குழந்தையை காக்க போதிய பணம் இல்லாததால், கருணைக்கொலை செய்ய அனுமதிக்கும்படி நீதிமன்றத்தில் பெற்றோார் மனுதாக்கல் செய்த சம்பவம், ஆந்திராவில் சோகத்தை ஏற்படுத்தியது குறிப்பிடத்தக்கது.
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ