Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

காஞ்சியில் ஜெயேந்திரருடன் பிரதமர் மோடியின் தம்பி திடீர் சந்திப்பு...அரசியல் காரணமா?

காஞ்சிபுரம்; பிரதமர் நரேந்திரமோடியின் சகோதரர் தாமோதரதாஸ் மோடி, இன்று பிற்பகல் காஞ்சிபுரம் சங்கரமடத்தின் மடாதிபதிகள் ஜெயேந்திரர் மற்றும் விஜயேந்திரர் இருவரையும் சந்தித்துப் பேசினார்.

பிரதமர் நரேந்திர மோடிக்கு சோமாபாய் தாமோதர தாஸ் மோடி, அமிர்தாபாய் தாமோதரதாஸ் மோடி, பிரகலாத்பாய் தாமோதர தாஸ் மோடி, பங்கஜ்பாய் தாமோதர தாஸ் மோடி என 4 சகோதரர்களும் ஒரு சகோதரியும் உள்ளனர். இவர்கள் அனைவருமே குஜராத்தில் வசித்து வருகின்றனர்.

இவர்களில் பிரகலாத்பாய் தாமோதர தாஸ் மோடி ஆன்மீக விஷயங்களில் அதீத ஈடுபாடு கொண்டவர். இன்று அவர் காஞ்சிபுரம் வருவதாக தகவல் பரவியது. பிற்பகல் 2 .45 மணிக்கு காஞ்சிபுரம் சங்கர மடத்திற்கு அவர் வந்தார். மடத்தில் சங்கராச்சாரியார்கள் ஜெயேந்திரர் மற்றும் விஜயேந்திரர் இருவரையும் சந்தித்து பேசினார். இந்த சந்திப்பு சுமார் அரை மணிநேரம் நீடித்தது. பின்னர் அவர்களிடம் ஆசிபெற்றுக்கொண்டு கிளம்பினார்.

அப்போது பத்திரிகையாளர்களை சந்தித்த அவரிடம், சங்கராச்சாரியார்களை சந்தித்ததில் ஏதேனும் அரசியல் காரணங்கள் உள்ளதா என கேள்வி எழுப்பப்பட்டது.

“நான் அரசியல் விவகாரங்களில் தலையிடுவதில்லை. இது எனது தனிப்பட்ட ஆன்மீகப் பயணம். திருப்பதி சென்று விட்டு அங்கிருந்து தமிழகத்தில் பல ஆன்மீக ஸ்தலங்களுக்கு செல்ல திட்டமிட்டு வந்துள்ளேன். அந்த வகையில் காஞ்சி சங்கராச்சாரியார்களையும் பார்க்க வந்தேன். அவர்களை சந்தித்ததில் பெரும் மகிழ்ச்சி. இப்போது வேலுார் தங்க கோவிலுக்கு செல்லவிருக்கிறேன்” என்றவரிடம் தொடர்ந்து அரசியல் கேள்விகளை எழுப்பினர் பத்திரிகையாளர்கள். அதற்கு சிரித்தபடியே நழுவிச்சென்றார் பிரகலாத்பாய் தாமோதர தாஸ் மோடி.
 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

'சாக்கடையில் கலந்த ஜெயலலிதா ரத்தம்!'   -எம்பால்மிங் சீக்ரெட்டை உடைக்கும் மருத்துவர்கள் #VikatanExclusive
placeholder

'இருதயம் செயலிழந்து போனதற்கான காரணம் என்ன? திடீரென்று செயலிழந்து நின்று போன இருதயத்தை ஏன் மீண்டும் செயல்பட வைக்க இயலவில்லை? உலகத் தரம் வாய்ந்த உபகரணங்களையும் நிபுணத்துவத்தையும் தோல்வியைத் தழுவச் செய்த காரணங்கள் யாவை?' என்ற கேள்விகளையே மருத்துவர் பீலேயும் அப்போலோ மற்றும் எய்ம்ஸ் மருத்துவர்களும் தமிழக-இந்திய மருத்துவ உலகத்தாரும் தமிழ்நாடு-மத்திய அரசுகளும் கேட்டிருக்க வேண்டும். அதற்கான பதிலைக் கண்டறிய இயன்றளவில் முயற்சியை மேற்கொண்டிருக்க வேண்டும். ஆனால் அதற்கான ஒரு சிறிய துரும்பு அளவிலான முயற்சியைக்கூட இவர்கள் எவரும் மேற்கொள்ளவில்லை என்பதுதான் உண்மை.

Advertisement

MUST READ

Advertisement
[X] Close