Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

கருணாநிதி கேள்விக்கு, முதல்வர் கொடுத்த அதிரடி..! பற்ற வைத்த பாலாறு


பாலாற்றின் குறுக்கே ஆந்திர அரசு தடுப்பணை கட்டிவருவதை தடுக்க முதல்வர் நடவடிக்கை எடுக்க வேண்டும் என்று திமுக தலைவர் கருணாநிதி அறிக்கை விட்ட சில மணி நேரத்தில், ஆந்திர முதல்வருக்கு தமிழக முதலமைச்சர் ஜெயலலிதா உடனடியாக கடிதம் எழுதியுள்ளார்.

ஆந்திர அரசு, பாலாற்றின் குறுக்கே தடுப்பணையின் உயரத்தை 10 அடியாக உயர்த்தும் பணி, 45 இலட்சம் ரூபாய்ச் செலவில் துவக்கப்பட்டு, கடந்த சில நாட்களாக தீவிரமாக நடந்து வருவதாகவும், இதனை தமிழக அரசு நடவடிக்கை எடுக்க வேண்டும் என்று திமுக தலைவர் கருணாநிதி கூறியிருந்தார். மேலும், "முதலமைச்சர் ஜெயலலிதா எதற்கெடுத்தாலும் மற்றவர்கள் மீது குறை சொல்லித் தப்பிக்கும் போக்கினை கை விட்டு, காவேரி மேலாண்மை வாரியம், ஒழுங்காற்றுக் குழு அமைக்கும் பிரச்சினை ஆனாலும், முல்லைப் பெரியாறு பிரச்னை ஆனாலும், பாலாற்றுப் பிரச்னை ஆனாலும் உடனடியாக சம்பந்தப்பட்டவர்களுடன் பேசி தமிழகத்திலே உள்ள விவசாயிகள் நிம்மதியாக வாழ்வதற்கான வழிவகைகளைக் காண வேண்டும்" என்று வலியுறுத்தியிருந்தார்.

கருணாநிதி அறிக்கை வெளியிட்டு சில மணி நேரத்தில், "பாலாற்றின் குறுக்கே கட்டப்பட்டுள்ள தடுப்பணையின் உயரத்தை உயர்த்தக்கூடாது" என்று வலியுறுத்தி ஆந்திர முதல்வர் சந்திரபாபு நாயுடுக்கு, முதல்வர் ஜெயலலிதா கடிதம் எழுதினார்.

அந்த கடிதத்தில், "ஆந்திர மாநிலம் சித்தூர் மாவட்டத்தில் பெரும்பள்ளம் கிராமத்தில் பாலாற்றின் குறுக்கே கட்டப்பட்டுள்ள தடுப்பணையின் உயரத்தை 5 அடியில் இருந்து 12 அடியாக அதிகரிக்கும் நடவடிக்கையில் ஆந்திர நீர்ப்பாசனத்துறை ஈடுபட்டுள்ளதை தங்களின் கவனத்திற்கு கொண்டு வருகிறேன். பாலாறு மாநிலங்களுக்கிடையே ஓடும் ஆறு என்பதால் ஆந்திர அதிகாரிகளின் ஒருதலைப்பட்சமான நடவடிக்கை தமிழகத்தில் அச்ச உணர்வை ஏற்படுத்தியுள்ளது.

பாலாறு மாநிலங்களுக்கிடையே ஓடும் ஆறு என்பதால் அட்டவணை ‘அ’-வில் 1892 ஆண்டின் ஒப்பந்தத்தில் இணைக்கப்பட்டுள்ளது. இந்த ஒப்பந்தத்தின் 2-வது உட்பிரிவின் படி மேல் பாசன மாநிலங்கள் கீழ் பாசன மாநிலங்களின் அனுமதியின்றி ஆற்றின் குறுக்கே புதிய அணைகளையோ அல்லது ஆற்றின் நீரை திருப்பும், தடுக்கும், சேமிக்கும் எந்த விதமான கட்டுமானங்களையோ கட்டக் கூடாது என்று குறிப்பிடப்பட்டுள்ளது. எனவே பாலாற்றின் குறுக்கே அணை கட்டுவது 1892-ல் போடப்பட்ட ஒப்பந்தத்தை மீறும் செயல் என்பதால், இதனை எதிர்த்து தமிழக அரசு சார்பில் 2006ல் உச்ச நீதிமன்றத்தில் வழக்கு தொடரப்பட்டது.

இந்த சூழ்நிலையில், பெரும்பள்ளம் கிராமத்தில் பாலாற்றின் குறுக்கே கட்டப்பட்டுள்ள தடுப்பணையின் உயரத்தை அதிகரிக்கும் ஆந்திர அரசின் ஒருதலைப்பட்சமான நடவடிக்கைக்கு தமிழக அரசு தனது கடும் எதிர்ப்பை தெரிவிக்கிறது. அத்துடன், இந்த விஷயத்தில் தாங்கள் உடனடியாக தலையிட்டு, தடுப்பணையை உயர்த்தும் நடவடிக்கையை தடுக்கவும், தடுப்பணையில் நீர்மட்டத்தைக் குறைக்கவும் சம்பந்தப்பட்ட அதிகாரிகளுக்கு உத்தரவிட வேண்டும்" என்று கூறப்பட்டுள்ளது.

Advertisement
Advertisement
Advertisement
Advertisement
Advertisement

எடிட்டர் சாய்ஸ்

'சாக்கடையில் கலந்த ஜெயலலிதா ரத்தம்!'   -எம்பால்மிங் சீக்ரெட்டை உடைக்கும் மருத்துவர்கள் #VikatanExclusive
placeholder

'இருதயம் செயலிழந்து போனதற்கான காரணம் என்ன? திடீரென்று செயலிழந்து நின்று போன இருதயத்தை ஏன் மீண்டும் செயல்பட வைக்க இயலவில்லை? உலகத் தரம் வாய்ந்த உபகரணங்களையும் நிபுணத்துவத்தையும் தோல்வியைத் தழுவச் செய்த காரணங்கள் யாவை?' என்ற கேள்விகளையே மருத்துவர் பீலேயும் அப்போலோ மற்றும் எய்ம்ஸ் மருத்துவர்களும் தமிழக-இந்திய மருத்துவ உலகத்தாரும் தமிழ்நாடு-மத்திய அரசுகளும் கேட்டிருக்க வேண்டும். அதற்கான பதிலைக் கண்டறிய இயன்றளவில் முயற்சியை மேற்கொண்டிருக்க வேண்டும். ஆனால் அதற்கான ஒரு சிறிய துரும்பு அளவிலான முயற்சியைக்கூட இவர்கள் எவரும் மேற்கொள்ளவில்லை என்பதுதான் உண்மை.

Advertisement

MUST READ

Advertisement
[X] Close