Vikatan.com

www.vikatan.com would like to send you push notifications.

Notifications can be turned off anytime from browser settings.

ராம்குமார் உடல் நலத்துடன் பேசக்கூடிய நிலையில் உள்ளார்! -மருத்துவமனை டீன்

சென்னை: சுவாதி படுகொலை தொடர்பாக கைது செய்யப்பட்டுள்ள ராம்குமார் நல்ல உடல் நலத்துடன் பேசகூடிய நிலையில் உள்ளார் என்று ராயப்பேட்டை அரசு மருத்துவமனை டீன் தெரிவித்து உள்ளார்.

சென்னை மென்பொறியாளர் சுவாதி படுகொலை வழக்கில் தேடப்பட்டு வந்த நெல்லை மாவட்டத்தை சேர்ந்த ராம்குமார் என்ற இளைஞர், போலீஸார் பிடிக்க சென்றபோது, அவர் தற்கொலை முயற்சியில் ஈடுபட்டிருக்கிறார். இதை தொடர்ந்து அவருக்கு நெல்லை அரசு மருத்துவமனையில் தீவிர சிகிச்சை அளிக்கப்பட்டு வந்தது.

அதன் பின் ராம்குமாரின் உடல்நிலையில் முன்னேற்றம் ஏற்பட்டதையடுத்து, ஆம்புலன்ஸ் மூலம் பலத்த போலீஸ் பாதுகாப்புடன் நெல்லையில் இருந்து இன்று அதிகாலை சென்னை கொண்டு வரப்பட்டார். சென்னை கொண்டுவரப்பட்ட ராம்குமார், ராயப்பேட்டை அரசு மருத்துவமனையில் அனுமதிக்கப்பட்டு தீவிர சிகிச்சை அளிக்கப்பட்டு வருகிறது.

இந்நிலையில், ராம்குமாரை பரிசோதனை செய்த ராயப்பேட்டை அரசு மருத்துவமனை டீன் நசீர் அகமது, ''ராம்குமாருக்கு தற்போது 7 பேர் கொண்ட மருத்துவர்கள் குழு சிகிச்சை அளித்து வருகிறது. அவர் நலமாக உள்ளார்.

நெல்லையில் அவருக்கு சிகிச்சை அளிக்கப்பட்டபோது திரவ உணவு அளித்துள்ளனர். ஆனால் இன்று திடவ உணவு கொடுக்கும் வகையில் முன்னேற்றம் ஏற்பட்டுள்ளது. அதனால், இன்று காலை ராம்குமாருக்கு இட்லி மற்றும் இடியாப்பம் வழங்கப்பட்டது.

பேசகூடிய நிலையில் அவரது உடல்நிலை தேறி வருகிறது. ராம்குமார் இப்போது நன்றாக பேசுகிறார். அவர் குரலில் வேறு எந்த பிரச்னையும் ஏற்படவில்லை. கழுத்தில் பிளேடால் ஆழமாக வெட்டி உள்ளதால் 18 தையல் போட்டுள்ளனர். அந்த தையல் போட்ட பகுதியில் ரத்த கசிவு எதுவும் இல்லை. அந்த காயம் மிகவும் வேகமாக ஆறி வருகிறது.

தையலை எப்போது பிரிப்பது என்பது பற்றி இன்னும் முடிவு செய்ய வில்லை. ராம்குமார் உடல் நிலை தொடர்ந்து நல்ல முன்னேற்றமாக இருப்பதால் விரைவில் கழுத்தில் போடப்பட்டுள்ள தையல் பிரிக்கப்படும் மருத்துவர்களின் அறிவுரைக்குப் பின், அடுத்தகட்ட சிகிச்சை குறித்து முடிவு செய்யப்படும்" என்று தெரிவித்து உள்ளார்.

இதனிடையே ராயப்பேட்டை மருத்துவமனையில், ராம்குமார் தங்கவைக்கப்பட்டு உள்ள சிறப்பு வார்டில், அனைத்து நடவடிக்கைகளும் பாதுகாப்பாக உள்ளதா என்று காவல்துறை இணை ஆணையர் ஆய்வு நடத்தினார்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ