Vikatan.com

www.vikatan.com would like to send you push notifications.

Notifications can be turned off anytime from browser settings.

'தே.மு.தி.கவே எங்களோடு வரப் போகிறது!' -கேப்டனுக்கு 'செக்' வைக்கும் ஜூலை 17

அண்மையில் தி.மு.கவில் இணைந்த மக்கள் தே.மு.தி.க நிர்வாகிகள், தற்போது  தீவிர சுற்றுப்பயணத்தில் இருக்கின்றனர். 'சேலம் கோட்டை மைதானத்தில் நடக்க இருக்கும் பிரமாண்டக் கூட்டத்தில், தே.மு.தி.க தலைவர் தவிர, பெரும் எண்ணிக்கையிலான தொண்டர்கள் தி.மு.கவில் இணைய இருக்கிறார்கள்' என்கிறார் சந்திரகுமார்.

மக்கள் நலக் கூட்டணியில் விஜயகாந்த் இணைந்ததற்கு எதிர்ப்பு தெரிவித்து, மக்கள் தே.மு.தி.கவைத் தொடங்கினார் சந்திரகுமார், எஸ்.ஆர்.பார்த்திபன் உள்ளிட்ட தே.மு.தி.கவின் முக்கிய நிர்வாகிகள். இவர்களுக்கு சட்டமன்ற தேர்தலின்போது திமுக கூட்டணியில்  மூன்று இடங்கள் ஒதுக்கப்பட்டன. தேர்தல் முடிவுகளுக்குப் பிறகு தி.மு.க தலைவர் கருணாநிதியை சந்தித்து முறைப்படி அவர்கள் தி.மு.கவில் இணைந்தனர். இதையடுத்து, மாநிலம் முழுவதும் தீவிர சுற்றுப்பயணத்தில் இருக்கிறார் சந்திரகுமார்.

தே.மு.தி.க தலைமையோடு தற்போது அதிருப்தியில் இருக்கும் அனைத்துத் தொண்டர்களையும் சந்தித்துப் பேசி வருகிறார். இவர் செல்லும் இடங்களில் எல்லாம், தே.மு.தி.கவின் நிர்வாகிகளும் சென்று தொண்டர்களை சமாதானப்படுத்தி வருகின்றனர். ' சந்திரகுமார் பேச்சைக் கேட்டு யாரும் தி.மு.கவிற்குச் செல்ல வேண்டாம். கேப்டன் நல்ல முடிவை எடுக்கப் போகிறார். உள்ளாட்சித் தேர்தலில் நமது பலத்தை நிரூபிப்போம்' எனப் பேசி வருகின்றனர். பெரும் எண்ணிக்கையிலான தொண்டர்களை வைத்து, இணைப்பு விழா நடத்தினால் கட்சிக்கு பலவீனமாகிப் போய்விடும் என்பதால், சமரச முயற்சியை தீவிரப்படுத்தியுள்ளனர் தே.மு.தி.க நிர்வாகிகள்.

சுற்றுப்பயணம் குறித்து சந்திரகுமாரிடம் பேசினோம். " தேர்தல் நேரத்தில் என்னிடம் பல மாவட்டங்களில் இருந்து முக்கிய நிர்வாகிகள் பேசி வந்தனர். அவர்களையும் தே.மு.தி.க தொண்டர்களையும் சந்திக்க வேண்டும் என்பதற்காகத்தான் சுற்றுப்பயணம் சென்று வருகிறேன். மண்டல வாரியாக சந்திப்பு நடந்து வருகிறது. ஈரோடு, சேலத்தில் பயணத்தை முடித்துவிட்டோம். தே.மு.தி.கவைத் தவிர வேறு எந்தக் கட்சியிலும் கோலோச்ச முடியாது என நினைக்கும் சிலர் மட்டும்தான், விஜயகாந்த் தலைமையை ஏற்று அங்கு இருப்பார்கள்.

ஏராளமான ஒன்றிய செயலாளர்கள், கிளைக் கழக செயலாளர்கள், பெருவாரியான தொண்டர்கள் எங்கள் பக்கம் இருக்கின்றனர். தொண்டர்கள் விஜயகாந்த் பக்கம் இல்லை என்பது தேர்தல் முடிவுகளில் இருந்தே தெரிந்துவிட்டது. தே.மு.தி.கவில் தற்போது இருக்கும் சில நிர்வாகிகளும், உள்ளாட்சித் தேர்தல் வரையில்தான் விஜயகாந்தோடு இருப்பார்கள். அதன்பின்னர் எங்கள் பக்கம் வருவார்கள். வருகிற 17-ம் தேதி சேலம், கோட்டை மைதானத்தில் மிகப் பிரமாண்டமான இணைப்பு விழாவை நடத்தத் திட்டமிட்டிருக்கிறோம். எவ்வளவு பேர் வருவார்கள் என்பதைப் பற்றி இப்போது சொல்ல முடியாது. விஜயகாந்தைத் தவிர, அனைத்து தொண்டர்களும் தி.மு.க பக்கம் வருவார்கள்" என்றார் உற்சாகத்தோடு.

சட்டமன்றத் தேர்தலில், மக்கள் நலக் கூட்டணியுடன் இணைந்தது குறித்து தொண்டர்களை சமாதானப்படுத்தி வரும் விஜயகாந்தால், அதிருப்தி அணி வீசும் அடுத்தடுத்த அஸ்திரங்களை செயலிழக்க வைக்க முடியவில்லை.

-ஆ.விஜயானந்த்
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ