Vikatan.com

www.vikatan.com would like to send you push notifications.

Notifications can be turned off anytime from browser settings.

'உங்களுக்கு பிடிக்கவில்லையா... புத்தகத்தை படிக்காதீர்கள்!'- மாதொருபாகன் விவகாரத்தில் நீதிமன்றம் அதிரடி

மாதொருபாகன் புத்தகத்துக்கு தடை விதிக்க முடியாது என திட்டவட்டமாக தெரிவித்துள்ள சென்னை உயர் நீதிமன்றம், ' உங்களுக்கு பிடிக்கவில்லையென்றால் அந்த புத்தகத்தை  படிக்காதீர்கள்' என்றும் அதிரடியாக கருத்து வெளியிட்டுள்ளது.

எழுத்தாளர் பெருமாள் முருகன் எழுதிய மாதொருபாகன் புத்தகத்துக்கு தடை விதிக்கக் கோரி, சென்னை உயர் நீதிமன்றத்தில் வழக்கு தொடரப்பட்டிருந்தது. இந்த வழக்கு, இன்று நீதிபதிகள் சஞ்சய் கிஷான் கவுல், புஷ்பா சத்யநாராயணா அடங்கிய அமர்வு முன் விசாரணைக்கு வந்தது.

வழக்கை விசாரித்த நீதிபதிகள், மாதொருபாகன் புத்தகத்துக்கு தடை விதிக்க முடியாது என தங்கள் தீர்ப்பில் தெரிவித்தனர்.இது தொடர்பாக திருச்செங்கோடு மாவட்ட வருவாய் அதிகாரி தலைமையில் நடந்த கூட்டத்தில் எடுக்கப்பட்ட முடிவுகளையும், திருச்செங்கோடு மக்கள் மன்றம் தொடர்ந்த வழக்கையும் தள்ளுபடி செய்து நீதிபதிகள் உத்தரவிட்டுள்ளனர்.

படைப்பாளிகளுக்கு  பாதுகாப்பு அளிப்பது தொடர்பாக புதிய விதிமுறைகளை உருவாக்கவும் உத்தரவிட்டதோடு, மாதொருபாகன் நாவலின் புத்தகங்களை பெருமாள் முருகன் திரும்பப்பெற வேண்டிய அவசியமில்லை எனக் கூறி, அவர் மீது கிரிமினல் வழக்கு தொடரக் கோரிய மனுவையும் ரத்து செய்து அறிவித்தனர்.

அத்துடன் தங்கள் தீர்ப்பில், ’’எழுத்தாளர்களுக்கென்று ஒரு தனி சிந்தனை, சுதந்திரம் இருக்கிறது. அதனை புரிந்துகொள்ள வேண்டும், ஏற்றுக்கொள்ள வேண்டும். இலக்கிய தரமான எழுத்துகள் உங்களுக்கு ஆத்திர மூட்டும் விதத்தில் இருந்தால்,  அந்த புத்தகத்தை வாங்காதீர்கள், அதனை படிக்காதீர்கள். இந்த விவகாரத்தில் எழுத்தாளர் பெருமாள் முருகன் பயம் கொள்ள வேண்டிய அவசியம் இல்லை.

அவர் தொடர்ந்து எழுதலாம். அதற்கு எந்தத் தடையும் இல்லை. சாகும் வரை அவர் எழுத்து பணியைத் தொடரலாம். ஏனென்றால், அவராக 'நான் இனி எழுதப்போவதில்லை' என்ற முடிவுக்கு வரவில்லை. அதற்கான சூழல் உருவாக்கப்பட்டது. காலம் எந்த ஒரு கோபத்தின் வேகத்தையும் குறைக்கும் ஆற்றல் கொண்டது. அதற்கான சூழல் உருவகும் வாய்ப்பு இரு தரப்புக்கும் அளிக்கப்பட்டுள்ளது" எனக் கூறினர்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ