Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

அவமானம், போலீஸ் டார்ச்சர்..! 3 பேர் உயிர் பறிபோன சோகம்


வேலை வாங்கித் தருவதாக கூறி ஒரு கோடி ரூபாய்க்கு மேல் பணம் வாங்கி ஏமாற்றிய வழக்கில் கைதான ஓய்வு பெற்ற அரசு அதிகாரியின் மனைவி, மகள்கள் இன்று காலை தற்கொலை செய்து கொண்டனர்.

கடலூர் மாவட்டம், சிதம்பரத்தை சேர்ந்தவர் தேவராஜன். இவர் சிதம்பரத்தில் வருவாய் ஆய்வாளராக இருந்து ஓய்வு பெற்றவர். பணியிலிருக்கும் போது மின்சார வாரியத்தில் வேலை வாங்கித் தருவதாக பலரிடம் ஒரு கோடி ரூபாய்க்கு மேல் பணம் வாங்கியதாக, தேவராஜன் மீது கடலூர் மாவட்ட குற்றப்பிரிவு போலீஸில் புகார் கொடுக்கப்பட்டுள்ளது. கூட்டுறவு துறையில் பணியாற்றும் விரிவாக்க அலுவலர் மனோகரன் என்பவர், தேவராஜன் மீது புகார் கொடுத்துள்ளார். அதில், தேவராஜன் மின்சார வாரியத்தில் வேலை வாங்கித் தருவதாக கூறியதன் பேரில் 40 லட்சம் ரூபாயை அவரிடம் கொடுத்தாக கூறியுள்ளார். இந்த புகாருக்குப் பிறகு தேவராஜன் குடும்பத்தினருடன் தலைமறைவாகி விட்டார்.

சென்னையில் உறவினர் வீட்டில் தங்கி இருந்த தேவராஜனை கடலூர் போலீஸார் கடந்த 3ம் தேதி கைது செய்தனர். அப்போது அவரது மனைவி உஷாராணி, மகள்கள் கலைவாணி, விஜயலட்சுமி ஆகியோரிடம் போலீஸார் விசாரித்துள்ளனர். அவமானம் தாங்க முடியாமலும், போலீஸ் விசாரணை என்ற பெயரில் நடந்த டார்ச்சர் காரணமாகவும் உஷாராணி, கலைவாணி, விஜயலட்சுமி ஆகிய மூவரும் ஒரே அறையில் இன்று காலை துப்பட்டாவால் தூக்குப்போட்டு தற்கொலை செய்து கொண்டனர். நீண்ட நேரமாகியும் அவர்கள் தங்கி இருந்த அறை திறக்கப்படாததால் உறவினர்கள் உள்ளே சென்று பார்த்துள்ளனர். அப்போது, மூவரும் தூக்கில் தொங்கி கொண்டிருப்பதைப் பார்த்து அதிர்ச்சி அடைந்தனர். இதுகுறித்து எம்.ஜி.ஆர் நகர் போலீசுக்கு தகவல் தெரிவித்தனர். போலீஸார் விரைந்து வந்து மூவரின் உடலை கைப்பற்றி விசாரணை நடத்தி வருகின்றனர். ஒரே குடும்பத்தில் மூன்று பேர் தற்கொலை செய்து கொண்ட சம்பவம் அந்த பகுதியில் பெரும் பரபரப்பை ஏற்படுத்தியுள்ளது.

தேவராஜனுக்கு சிவபாலன் என்ற மனவளர்ச்சி குன்றிய மகன் உள்ளார். மூவரும் தற்கொலை செய்ய முடிவு செய்த போது சிவபாலனை மட்டும் அவர்கள் விட்டுவிட்டனர். சிவபாலன் தூங்கிய பிறகு அவர்கள் மூவரும் தற்கொலை செய்துள்ளனர். ஆதரவற்ற நிலையில் சிவபாலன் இப்போது அங்கு இருக்கிறார். தற்கொலை செய்த கலைவாணியும், விஜயலட்சுமியும் முதுகலை பட்டதாரி என்பது விசாரணையில் தெரியவந்துள்ளது. சிறையில் அடைக்கப்பட்டுள்ள தேவராஜனுக்கு தற்கொலை தகவலை போலீஸார் சொல்லி இருக்கிறார்கள். அவர், சிறையிலேயே மனம் உடைந்து கதறி அழுதார்.

அரசு அதிகாரியாக தேவராஜன் பணியாற்றினாலும், தகுதிக்கு மீறி பணம் சம்பாதிக்க ஆசைப்பட்டதால் அவரது குடும்பமே தற்கொலை செய்து கொண்டனர் என்கிறது காவல்துறை வட்டாரம்.

எஸ்.மகேஷ்

Advertisement
Advertisement
Advertisement
Advertisement
Advertisement

எடிட்டர் சாய்ஸ்

'சாக்கடையில் கலந்த ஜெயலலிதா ரத்தம்!'   -எம்பால்மிங் சீக்ரெட்டை உடைக்கும் மருத்துவர்கள் #VikatanExclusive
placeholder

'இருதயம் செயலிழந்து போனதற்கான காரணம் என்ன? திடீரென்று செயலிழந்து நின்று போன இருதயத்தை ஏன் மீண்டும் செயல்பட வைக்க இயலவில்லை? உலகத் தரம் வாய்ந்த உபகரணங்களையும் நிபுணத்துவத்தையும் தோல்வியைத் தழுவச் செய்த காரணங்கள் யாவை?' என்ற கேள்விகளையே மருத்துவர் பீலேயும் அப்போலோ மற்றும் எய்ம்ஸ் மருத்துவர்களும் தமிழக-இந்திய மருத்துவ உலகத்தாரும் தமிழ்நாடு-மத்திய அரசுகளும் கேட்டிருக்க வேண்டும். அதற்கான பதிலைக் கண்டறிய இயன்றளவில் முயற்சியை மேற்கொண்டிருக்க வேண்டும். ஆனால் அதற்கான ஒரு சிறிய துரும்பு அளவிலான முயற்சியைக்கூட இவர்கள் எவரும் மேற்கொள்ளவில்லை என்பதுதான் உண்மை.

Advertisement

MUST READ

Advertisement
[X] Close