Vikatan.com

www.vikatan.com would like to send you push notifications.

Notifications can be turned off anytime from browser settings.

தொடர்ந்து மனஇறுக்கம்..! ராம்குமாருக்கு சிறையில் கவுன்சலிங்


சுவாதி கொலை வழக்கில் கைது செய்யப்பட்டு புழல் சிறையில் அடைக்கப்பட்டுள்ள ராம்குமார் யாரிடமும் பேசாமல் தொடர்ந்து மன இறுக்கத்தில் இருந்து வருவதால் அவருக்கு மருத்துவர்கள் கவுன்சலிங் கொடுத்து வருவதாக சிறைத்துறை வட்டாரம் தெரிவிக்கிறது.

சென்னை நுங்கம்பாக்கம் ரயில் நிலையத்தில்  சுவாதி கொலை செய்யப்பட்ட வழக்கில் நெல்லை மாவட்டம், செங்கோட்டையை சேர்ந்த ராம்குமாரை போலீஸார் கைது செய்தனர். புழல் சிறையில் அடைக்கப்பட்ட ராம்குமார், அங்கு யாரிடமும் பேசாமல் அமைதியாகவே இருந்து வருகிறார். அவரது அறையில் இரண்டு கைதிகளை சிறை நிர்வாகம் அடைத்துள்ளது. அவர்களிடமும் மனம் விட்டு ராம்குமார் பேசவில்லை.

இந்நிலையில் ராம்குமார் சிறையில் அடைக்கப்பட்ட பிறகு அவரது உறவினரும், வழக்கறிஞருமான ராமராஜ் மட்டுமே சந்தித்து பேசியுள்ளார். ராம்குமாரின் பெற்றோர், சகோதரிகள் மற்றும் உறவினர்கள் அவரை சந்திக்கவில்லை. இந்த வருத்தம் ராம்குமாருக்கு அதிகளவில் இருக்கிறது. இதனால் அவர், மன இறுக்கத்தில் இருப்பதாக சிறைத்துறை வட்டாரங்கள் தெரிவிக்கின்றன.

ராம்குமாருக்கு ஏற்பட்டுள்ள மன அழுத்தத்தை குறைக்கும் வகையில் அவருக்கு சிறையில் உள்ள உளவியல் டாக்டர்கள் கவுன்சலிங்  கொடுத்துள்ளனர். ராம்குமாரின் மனநிலைக்கு ஏற்றவாறே டாக்டர்கள்பேசியுள்ளனர். மன அழுத்தத்தைக் குறைக்க சில தியான முறைகளையும் ராம்குமாருக்கு அவர்கள் சொல்லி கொடுத்துள்ளனர். பல கேள்விகளை கேட்ட டாக்டர்களுக்கு ஒற்றை வரியிலேயே ராம்குமார் பதிலளித்துள்ளார்.

சிறையில் மற்ற கைதிகளுக்கு வழங்கப்படும் உணவே ராம்குமாருக்கும் கொடுக்கப்படுகிறது. அதை சாப்பிட்டு விட்டு சிறையிலேயே அமைதியாகவே இருக்கிறார் ராம்குமார். ஜூலை 11ம் தேதி ராம்குமாரை அவரது பெற்றோர் சந்திக்க ஏற்பாடுகளை வழக்கறிஞர்கள் குழு செய்து வருகிறது.அப்போது ராம்குமார், பெற்றோரிடம் அல்லது வழக்கறிஞர்களிடம் கூடுதல் தகவல் சொல்லலாம் என்ற எதிர்பார்ப்பு ஏற்பட்டுள்ளது.

இதற்கிடையில் சுவாதியின் நெருங்கிய நண்பர் முகமது பிலால் சித்திக்கும், அவரது வழக்கறிஞருமான புகழேந்தி ஆகியோர் நுங்கம்பாக்கம் ரயில் நிலையத்துக்கு வந்து சில விவரங்களை சேகரித்துள்ளனர். சுவாதி வழக்கை விசாரிக்கும் தனிப்படை போலீஸாரும் விரைந்து செயல்பட்டு வருகின்றனர். இவ்வாறு பல கோணங்களில் சுவாதி வழக்கு சூடுபிடிக்க தொடங்கியுள்ளது.

எஸ்.மகேஷ்

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ