Vikatan.com

www.vikatan.com would like to send you push notifications.

Notifications can be turned off anytime from browser settings.

'ஜெகத்ரட்சகன் வீட்டில் இருந்து 40 கிலோ தங்கம், ரூ.18 கோடி பறிமுதல்!'

முன்னாள் மத்திய அமைச்சர் ஜெகத்ரட்சகன் வீட்டில் இருந்து கணக்கில் வராத 40 கிலோ தங்கம் மற்றும்  18 கோடி ரூபாய் பணம் பறிமுதல் செய்யப்பட்டுள்ளது.

தி.மு.க. முன்னாள் மத்திய  அமைச்சர் ஜெகத்ரட்சகன் மீது, வருமான ஏய்ப்பில் ஈடுபட்டதாக புகார் எழுந்தது. இதையடுத்து சென்னை  அடையாறு, நுங்கம்பாக்கம், மகாலிங்கபுரத்தில் உள்ள ஜெகத்ரட்சகனின் வீடுகள், தி.நகர் அலுவலகம், அவர் நடத்தி வரும் மதுபான ஆலைகள், மருத்துவக் கல்லூரி, நட்சத்திர விடுதி   உள்ளிட்ட 40 இடங்களில் ஒரே நேரத்தில் வருமான வரித்துறையினர் சோதனை மேற்கொண்டனர். மேலும், சொத்து, பணப் பரிமாற்ற ஆவணங்களைக் கைப்பற்றியும் விசாரணை செய்தனர்.

இந்தச் சோதனையில், ரூ.18 கோடியை வருமான வரித்துறையினர் பறிமுதல் செய்துள்ளதாகச் செய்திகள் வெளியாகியுள்ளன. மேலும் 40 கிலோ தங்கம் அவரது வீட்டில் இருந்து பறிமுதல் செய்யப்பட்டுள்ளதாகவும் சொல்லப்படுகிறது. ஜெகத்ரட்சகன் ரூ.430 கோடி அளவிற்கு வரி ஏய்ப்பில் ஈடுபட்டதாக வருமான வரித்துறையினர் குற்றஞ்சாட்டி உள்ளனர்.

ஜெகத்ரட்சகன் கடந்த 2009 முதல் 2012 ஆம் ஆண்டு வரை காங்கிரஸ் அரசில் செய்தித் தொலை தொடர்புத் துறையின் இணை அமைச்சராக இருந்தவர்.

இதற்கிடையே தி.மு.க. தலைவர் கருணாநிதி விடுத்துள்ள அறிக்கையில், ''சட்டத்துக்கு புறம்பாக கடந்த 3 நாட்களாக ஜெகத்ரட்சகளை வீட்டிற்குள் அடைத்து வைத்து சிறைக் கைதி போல நடத்துகின்றனர். வருமான வரித்துறையினர் சோதனை நடத்துவது தவறு இல்லை.

அதே வேளையில் அவரது அன்றாடப் பணிகளை முடக்கும் வகையில் வீட்டிற்குள்ளேயே அடைத்து வைத்திருப்பது நியாயம் இல்லை. வருமான வரித்துறையின் இந்த செயலுக்குச் அரசியல் பின்புலம் இருக்குமோ என்ற சந்தேகத்தை எழுப்புகிறது" என கூறி உள்ளார்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ