Vikatan.com

www.vikatan.com would like to send you push notifications.

Notifications can be turned off anytime from browser settings.

கோவையில் மருத்துவ மாணவி மாடியில் இருந்து குதித்து தற்கொலை; பேராசிரியர் திட்டியது காரணமா...?

கோவை:  கோவை பி.எஸ்.ஜி மருத்துவக் கல்லூரியில் முதுகலை மருத்துவ மாணவி,  4 வது மாடியில் இருந்து குதித்து தற்கொலை செய்து கொண்டார். பேராசிரியர் திட்டியதாலேயே  அம்மாணவி மனமுடைந்து இந்த முடிவை தேடிக்கொண்டதாக கூறப்படுகிறது.

கோவை பீளமேடு பகுதியில் உள்ள பி.எஸ்.ஜி மருத்துவக் கல்லூரி மருத்துவமனையில் முதுகலை மருத்துவப் படிப்பு படித்து வந்தவர் லட்சுமி (26). கேரள மாநிலம், கொச்சியை சேர்ந்தவர்.

இன்று வகுப்புக்கு வந்த லட்சுமி, மருத்துவக் கல்லூரியின் 4 வது மாடியில் இருந்து திடீரென குதித்தார். இதில் பலத்த காயமடைந்த அவர், உடனடியாக தீவிர சிகிச்சைப் பிரிவில் அனுமதிக்கப்பட்டார். ஒருமணி நேரத்துக்கும் மேலாக மாணவி லட்சுமிக்கு மருத்துவக் குழுவினர் சிகிச்சை அளித்தனர். ஆனால் சிகிச்சை பலனின்றி மாணவி லட்சுமி உயிரிழந்தார்.

முன்னதாக இன்று காலை வகுப்பறையில்  மாணவி லட்சுமியை, பேராசிரியர் ஒருவர் திட்டியதாகவும், இதனால் மனமுடைந்தே அவர் இந்த முடிவை மேற்கொண்டதாகவும் கூறப்படுகிறது.

மருத்துவமனை நிர்வாகம் சார்பில் இது குறித்து பேட்டியளித்த துணை இருப்பிட மருத்துவ அலுவலர் ரகுபதி, ''மாணவி லட்சுமி 4 வது மாடியில் இருந்து குதித்ததாகவும் தீவிர சிகிச்சை அளித்தும் மாணவியை காப்பாற்ற முடியவில்லை'', எனவும் தெரிவித்தார். பேராசிரியர் திட்டியதால் மனமுடைந்த மாணவி மாடியில் இருந்து குதித்ததாக வெளியான தகவல் குறித்து பதில் அளிக்க மறுத்து விட்டார்.
மாணவியின் தற்கொலை தொடர்பாக மருத்துவமனை வளாகத்தில் விசாரணை மேற்கொண்ட பீளமேடு காவல் துறையினர் மாணவியின் உடைமைகளை சோதனையிட்டனர். பின்னர் மாணவியின் அப்பா நரேந்திரன் ,அம்மா சுதா ஆகியோரிடம் விசாரணை மேற்கொண்டு வருகின்றனர். மாணவி லட்சுமி சமீபகாலமாக சரியாக படிக்காமல் இருந்து வந்ததாகவும் கல்லூரி தரப்பில் கூறப்படுகிறது. மருத்துவமாணவி தற்கொலை செய்து கொண்ட சம்பவம் கோவையில் பரபரப்பை ஏற்படுத்தியுள்ளது.

- ச.ஜெ.ரவி,

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ