Vikatan.com

www.vikatan.com would like to send you push notifications.

Notifications can be turned off anytime from browser settings.

அரவக்குறிச்சி நெடுஞ்சாலையில் 1600 கோடி ரூபாய்...! - என்ன நடந்தது?

டந்த சட்டமன்ற தேர்தலுக்கு முன், திருப்பூர் அருகே 3 கன்டெய்னர் லாரிகளில் கரன்ஸி நோட்டுகள் கண்டுபிடிக்கப்பட்ட விவகாரத்தினால் ஏற்பட்ட சர்ச்சை இன்னும் ஓய்ந்த பாடில்லை. இதுதொடர்பான வழக்கு சிபிஐ விசாரணைக்கு மாற்றப்பட்ட நிலையில், இந்த விவகாரத்தில் சிக்கிய 3 லாரிகளின் பதிவெண்களும் போலி என்றும், திட்டமிட்டு பணம் கடத்தப்பட்டதாக  சிபிஐ விசாரணையில் தெரியவந்துள்ளதாகவும் தகவல் பரவி பரபரப்பை ஏற்படுத்தியுள்ளது.

இந்நிலையில் கரூர் மாவட்டம்,  அரவக்குறிச்சி - மேல்கோவிலூர் நெடுஞ்சாலையில் தாரக்கொட்டாய் எனும் இடத்தில்,  இன்று காலை  2 கன்டெய்னர் லாரிகள் சாலையோரம் நிற்க, லாரிகளில் பணம் இருப்பதாக அக்கம் பக்கம் உள்ள கிராமங்களுக்கு தகவல் பரவியது.  கூடவே,  'இரண்டு கன்டெய்னர் லாரிகளில் ஆயிரம் கோடி ரூபாய் பணம் கொண்டு போகும்போது ஏதோ ஒரு பிரச்னையால் அந்த  லாரிகள் திடீரென நின்றுவிட்டன' என்பதாக தகவல் கிடைத்து போலீஸார் மற்றும் பத்திரிகையாளர்கள் லாரிகள் நிறுத்தப்பட்ட இடத்திற்கு விரைந்தனர்.

விசாரணையில்,  கர்நாடகா மாநிலம் மைசூரில் உள்ள ரிசர்வ் வங்கியில் இருந்து, திருவனந்தபுரத்தில் உள்ள ரிசர்வ் வங்கிக் கிளைக்கு, புதியதாக அச்சடிக்கப்பட்ட பல கோடி ரூபாய் நோட்டுகள் ,  2 கன்டெய்னர் லாரிகள் மூலம் அனுப்பிவைக்கப்பட்டதாக தெரியவந்தது.  கரூர் தாரக்கொட்டாய்  நெடுஞ்சாலையில் நிற்கும்  2 லாரிகளிலும் ரூ.1600 கோடிகள் இருப்பதாக கூறப்படும் நிலையில், அந்த லாரிகளைச் சுற்றியும் பணத்தை பாதுகாக்க, துப்பாக்கி ஏந்திய போலீசார் நிற்கின்றனர்.

இந்நிலையில் என்ஜின் கோளாறு காரணமாகவே நடுரோட்டில் 2 லாரிகளும் நிறுத்தப்பட்டதாகவும், என்ஜின் கோளாறை சரிசெய்தபின் லாரிகளை திருவனந்தபுரம் கொண்டு செல்ல நடவடிக்கை எடுக்கப்படும் என்றும் காவல்துறை தரப்பில் தெரிவிக்கப்பட்டது.  மேலும் இதுபற்றி தகவலறிந்த மாட்ட எஸ்.பி., வந்திதா பாண்டே, டி.எஸ்.பி., கீதாஞ்சலி ஆகியோர் நேரில் வந்து விசாரணை நடத்தினர்.

விசாரணைக்குப்பின் திருச்சி  டி.ஐ.ஜி. அருண், “ரிசர்வ் வங்கிக்கு சொந்தமான பணம் அது. மத்திய தொழில் பாதுகாப்பு படை வீரர்கள் புடை சூழ லாரிகள் சென்றுகொண்டிருந்தபோது, ஒரு லாரி பிரேக் டவுன் ஆன காரணத்தால் அரவக்குறிச்சி சாலையில் நிறுத்தப்பட்டுள்ளது. தற்போது என்ஜின் கோளாறு சரிசெய்யப்பட்டு வருகிறது. இரண்டு லாரிகளுக்கும் பாதுகாப்பு போட்டுள்ளோம். இது சாதாரணமான சம்பவம்தான்” என விளக்கம் அளித்துள்ளார்.

கரூர்- அரவக்குறிச்சி இடையே நிற்கும் பணம் அடங்கிய லாரியை பார்க்க மக்கள் ஆர்வத்துடன் வருவதால் போலீஸ் பாதுகாப்பு அதிகரிக்கப்பட்டுள்ளது. பணத்தை பாதுகாக்க லாரியைச் சுற்றி துப்பாக்கியுடன் போலீசார் நிற்கின்றனர்.

நடந்து முடிந்த சட்டமன்றத் தேர்தலின்போது பணப்புழக்கம் அதிகமாக இருந்ததாக சொல்லப்பட்டது. இதனிடையே நிறுத்தி வைக்கப்பட்டுள்ள அரவக்குறிச்சி சட்டமன்ற தொகுதிக்கான தேர்தல் விரைவில் நடக்கும் எனும் பேச்சு உள்ள நிலையில், கரன்ஸிக் கட்டுகள் அடுக்கப்பட்ட லாரிகள் நிறுத்தப்பட்டிருப்பது மக்களிடையே கூடுதல் பரபரப்பை ஏற்படுத்தி உள்ளது.

- சி.ய.ஆனந்தகுமார்

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ