Vikatan.com

www.vikatan.com would like to send you push notifications.

Notifications can be turned off anytime from browser settings.

மீனவர் வலையில் பல்சர் பைக்! - வலை விரிக்கும் சந்தேகங்கள்

திருச்சி: புதுக்கோட்டை மணமேல்குடி அருகே கடலில் மீனவர் வலையில் சிக்கிய பல்சர் பைக், தீவிரவாதிகள் பயன்படுத்தி வீசி எறிந்ததா, என்ற கோணத்தில் விசாரணை நடைபெற்றுவருகிறது. இது அப்பகுதியில் பரபரப்பை ஏற்படுத்தியிருக்கிறது.

தமிழகம் முழுக்க மாவோயிஸ்டுகள் வேட்டை நடைபெற்று வருகின்றது. இதுவரை நான்கு பெண்கள் உட்பட 5 பேர் கைது செய்யப்பட்டுள்ளனர். இந்த அதிரடி நடவடிக்கைகளால் மாவோயிஸ்டுகளின் 'ஆப்ரேஷன் முச்சந்தி' தடுக்கப்பட்டுள்ளது என்கிறார்கள் போலீசார்.

புதுக்கோட்டை மாவட்டம் மணமேல்குடியை அடுத்த கிருஷ்ணாஜி பட்டினத்தை சேர்ந்த ராஜா முகமது, சுல்தான் ஆகியோர் கடந்த இரண்டு நாட்களுக்கு முன் மீன்பிடிப்பதற்காக நாட்டுப் படகுடன், கடலுக்கு சென்றுள்ளனர். வழக்கம்போல கடலில் வலையை வீசிவிட்டு மீன் சிக்குவதற்காக அவர்கள் இருவரும் அன்று இரவு வரை காத்திருந்துள்ளனர். அப்போது வலையில் கனமான பொருள் ஒன்று சிக்கியது. மீன் என நினைத்து வீசிய வலையை இழுத்திருக்கின்றனர்.

ஆனால், அவர்களால் வலையை இழுக்க முடியவில்லை. வலையை மேலே இழுக்க முடியாததால் மீனவர் ராஜா முகமது, கடலுக்குள் குதித்து வலையில் என்ன சிக்கி இருக்கிருக்கிறது என தேடிப் பார்த்திருக்கிறார். அப்போது, வலையில் ஒரு பல்சர் மோட்டார் சைக்கிள் சிக்கியிருந்ததைப் பார்த்து அதிர்ச்சி அடைந்தார்.

பதறிப்போன சுல்தானும், ராஜா முகமதுவும், மீனவர் உதவி இலவச தொலைபேசி எண்ணான 1093-ஐ அழைத்துத் தகவல் தெரிவித்திருக்கின்றனர். இதைத் தொடர்ந்து, மணமேல்குடி கடலோர பாதுகாப்புப் படை போலீஸ் இன்ஸ்பெக்டர் கிருஷ்ணராஜ், சப்–இன்ஸ்பெக்டர் ஜவஹர் தலைமையிலான போலீசார் உடனடியாகக் கடலுக்குள் சென்று வலையில் சிக்கி இருந்த மோட்டார் சைக்கிளை மீட்டு கரைக்குக் கொண்டு வந்துள்ளனர்.

வலையில் சிக்கியது  சிவப்பு நிற புதிய பல்சர் பைக். ஆனால் அதில் பதிவு எண் இல்லை. அதிகம் பயன்படுத்தப்படாத அந்த பைக், ஏன் கடலில் கிடந்தது என்று போலீசார் விசாரணை மேற்கொண்டு வருகின்றனர். மேலும். சமீபகாலமாக தீவிரவாத ஊடுருவல் கடலோரப் பகுதிகளில் அதிகம் உள்ளது என்ற குற்றச்சாட்டு உள்ள நிலையில், அந்த பைக்கை கடல் வழியாக வந்த தீவிரவாதிகள், கரைக்கு வந்ததும் பயன்படுத்துவதற்காக படகில் கொண்டு வந்திருக்கலாம்.

அப்போது போலீசாரோ, கடற்படையோ எதிர்பட்டதால் பைக்கை மட்டும் கடலுக்குள் தள்ளிவிட்டு அவர்கள் தப்பித்தார்களா, அல்லது இந்த பைக்கிற்கு சொந்தமான நபர் யாரையாவது கொலை செய்துவிட்டு கடலுக்குள் வீசி எறிந்துவிட்டு, தடயத்தை மறைக்க மோட்டார் பைக்கையும் கடலுக்குள் வீசிவிட்டு சென்றார்களா என பல கோணங்களில் கடலோர பாதுகாப்புப் படை போலீசார் தீவிர விசாரணை மேற்கொண்டு வருகின்றனர்.

முதற்கட்டமாக, கடலுக்குள் இருந்து மீட்கப்பட்ட பைக்கில் பதிவு எண் இல்லாததால், பைக்கின் என்ஜின் எண்ணை வைத்து, அந்த பைக் யாரால், எப்போது, எங்கு வாங்கப்பட்டது என்பதைத் தெரிந்துகொள்ளும் முயற்சியில் போலீசார் இறங்கி உள்ளனர்.

சி.ய.ஆனந்தகுமார்
படம்:
தே.தீட்ஷித்

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ