Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

உயிரின் விலை ரூ.4,380- கல்விக்கட்டணத்துக்குப் பலியான மாணவன்!

பொழுது போக்குகளுக்காக பல ஆயிரம் ரூபாய்களை யோசிக்காமல் அள்ளித் தெளிக்கும் அளவுக்கு நுகர்வு கலாசாரம் தலைவிரித்தாடும் இதே சமூகத்தில்தான்,  வெறும் 4,380 ரூபாய் பள்ளிக் கட்டணம் கட்ட முடியவில்லை, என்பதற்காக ஒரு இளம் குருத்து தன் வாழ்வை முடித்துக்கொண்ட சோகம் நிகழ்ந்திருக்கிறது.

கொடைக்கானலைச் சேர்ந்த ராஜேஷ்வரனுக்கு அப்பா இல்லை. ஹோட்டலில் கூலி வேலை பார்க்கும் அம்மா மட்டும்தான். கஷ்டப்பட்டு கூலி வேலை பார்த்தாலும் மகனை, படிக்க வைத்து சமூகத்தில் மதிப்புமிக்க மனிதனாக ஆக்க வேண்டும் என போராடிய அந்த தாயின் கனவில் அமிலம் ஊற்றி இருக்கிறது, ஏழ்மை.

ராஜேஷ்வரன் கொடைக்கானலில் உள்ள மேல்நிலைப்பள்ளி ஒன்றில் படித்து வந்தார். பணம் இல்லாததால், இந்தாண்டுக்கான பள்ளிக் கட்டணம் 4,380 ரூபாய் கட்ட முடியாத சூழலில், வழக்கம் போல, நேற்று காலை பள்ளிக்கு சென்றிருக்கிறார்.

பள்ளி பிரேயரில் மற்ற மாணவர்களுக்கு முன்பாக பாக்கித் தொகையை கட்டச் சொல்லி அவமானப்படுத்தியதாக சொல்கிறார்கள். வகுப்புக்கு சென்ற பின்பு, அங்கு வந்த ஆசிரியை ஒருவர், ‘‘பணம் கட்ட முடியலைனா. நீயெல்லாம் ஏன் பள்ளிக்கு வரணும். வேலை வெட்டிக்கு போக வேண்டியதுதானே...? வகுப்பை விட்டு வெளியே போ. பணம் கட்டுன பிறகுதான் உள்ளே வரணும்....’’ என வார்த்தைகளை உதிர்த்ததாக சொல்லப்படுகிறது.

மற்ற மாணவர்கள் முன்பாக ஏற்பட்ட அவமானத்தால் அழுதபடி, தலைகுனிந்து கொண்டே வீட்டுக்கு வந்த ராஜேஷ்வரன், மீண்டும் மீண்டும் அம்மாவை கஷ்டப்படுத்த விரும்பாமல் தனது வாழ்வை முடித்துக் கொள்ள தீர்மானித்து, தூக்கிட்டு தற்கொலை செய்து கொண்டார். தனது உலகமே மகன் என்று வாழ்ந்து வந்த அந்த ஏழைத் தாய், மகனின் இறப்பை ஏற்றுக்கொள்ள முடியாமல் பிரமை பிடித்துப் போயிருக்கிறார். இந்நிலையில், 'பள்ளி மீது நடவடிக்கை எடுக்காமல் பிணத்தை வாங்க மாட்டோம்', என ராஜேஷ்வரனின் உறவினர்கள், கொடைக்கானல் மருத்துவமனையில் உள்ளிருப்பு  போராட்டம் நடத்தி வருகிறார்கள்.

எத்தனையோ அறக்கட்டளைகள், சேவை அமைப்புகள், தொண்டு உள்ளங்கள் வாழும் நாட்டில் கல்வி கட்டணம் கட்டமுடியாமல் ஒரு மாணவன் தற்கொலை செய்து கொண்டிருக்கிறான். கல்விக்கூடங்களே, கல்வி முக்கியம்தான்..அதை விட கருணை மிக முக்கியம்!

- ஆர்.குமரேசன்

Advertisement
Advertisement
Advertisement
Advertisement
Advertisement

எடிட்டர் சாய்ஸ்

'சாக்கடையில் கலந்த ஜெயலலிதா ரத்தம்!'   -எம்பால்மிங் சீக்ரெட்டை உடைக்கும் மருத்துவர்கள் #VikatanExclusive
placeholder

'இருதயம் செயலிழந்து போனதற்கான காரணம் என்ன? திடீரென்று செயலிழந்து நின்று போன இருதயத்தை ஏன் மீண்டும் செயல்பட வைக்க இயலவில்லை? உலகத் தரம் வாய்ந்த உபகரணங்களையும் நிபுணத்துவத்தையும் தோல்வியைத் தழுவச் செய்த காரணங்கள் யாவை?' என்ற கேள்விகளையே மருத்துவர் பீலேயும் அப்போலோ மற்றும் எய்ம்ஸ் மருத்துவர்களும் தமிழக-இந்திய மருத்துவ உலகத்தாரும் தமிழ்நாடு-மத்திய அரசுகளும் கேட்டிருக்க வேண்டும். அதற்கான பதிலைக் கண்டறிய இயன்றளவில் முயற்சியை மேற்கொண்டிருக்க வேண்டும். ஆனால் அதற்கான ஒரு சிறிய துரும்பு அளவிலான முயற்சியைக்கூட இவர்கள் எவரும் மேற்கொள்ளவில்லை என்பதுதான் உண்மை.

Advertisement

MUST READ

Advertisement
[X] Close