Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஏழை பெண்களின் கல்விக்காக சென்னையில் மாரத்தான் ஓட்டம்!

சென்னை தீவுத்திடலில் ஏழை பெண்களின் கல்விக்கு உதவும் விதமாக, மாரத்தான் ஓட்டம் எம்.ஓ.பி. வைஷ்ணவா கல்லூரி மாணவிகளால் ஏற்பாடு செய்யப்பட்டு வெற்றிகரமாக நடத்தப்பட்டு உள்ளது.

இன்று காலை ஆறு மணிக்கு தொடங்கிய இந்த ஓட்டம், ஆறு ஐம்பது மணியளவிற்கு நிறைவடைந்தது. நடிகரும், தென்னிந்திய நடிகர் சங்க பொதுச் செயலாளருமான விஷால், கொடி அசைத்து இந்த ஓட்டத்தை தொடக்கி வைத்தார். ஐந்து கி.மீ., பத்து கி.மீ. என்ற இரண்டு பிரிவுகளில் மாரத்தான் ஓட்டம் நடைபெற்றது. தீவுத்திடலில் துடங்கி, சென்னை லைட் ஹவுஸ் வரை சென்று பின் தீவுத்திடலுக்கு திரும்புவதே இந்த மாரத்தான் ஓட்டத்தின் இலக்கு.

மற்ற மாரத்தான் ஓட்டம் போன்று இல்லாமல், இந்த மாரத்தான் ஓட்டத்தில் ஈட்டப்படும் வருவாய் அனைத்தும் ஏழை பெண்களின் கல்விக்கு உதவும் வகையில் பயன்படுத்தப்பட உள்ளது. "ஒரு ஆணை படிக்க வைத்தால் ஒரு மனிதனை படிக்க வைப்பார். ஒரு பெண்ணை படிக்க வைத்தால் ஒரு குடும்பத்தை படிக்க வைப்பாள்" என்பது போல பெண்களின் கல்விக்கு முக்கியத்துவம் கொடுத்து, பெண்களாலேயே ஏற்பாடு செய்யபட்டதுதான் இந்த மாரத்தானின் சிறப்பு.

"நான் ஓடுவதால் அவள் படிப்பாள் (I run, She learns)", "பெண்களின் படிப்பிற்காக ஓடுகிறோம் (Run to Educate)", என்பது போன்ற வாசகங்கள் தீவுத்திடல் எங்கும் காணப்பட்டன. தங்களால் பெண்களின் படிப்பு முன்னேற்றம் அடைய போகிறது என்ற உற்சாகத்தில், சிறுவர்கள் முதல் முதியவர்கள் வரை அனைவரும் இந்த மாரத்தானில் பங்கேற்றனர். இந்த மாரத்தான் ஓட்டத்தால், தீவுத்திடலே விழாக்கோலம் பூண்டு இருந்தது. மாரத்தான் ஓட்டம் ஓடுபவர்களுக்கு "வார்ம் அப்" செய்யும் வகையில் "ஃபிட்நெஸ் பட்ரோல்" அணி பயிற்சி அளித்தது. விழா முடிந்ததும் ஆண்கள், பெண்கள் என்று இரண்டு பிரிவினருக்கும் பரிசுகள் வழங்கப்பட்டன.

விருதுகளை வைஷ்னவா கல்லூரி முதல்வர், இணைச் செயலாளர் மற்றும் லண்டன் ஒலிம்பிக்ஸில் டென்னிஸ் போட்டியில் இந்தியாவிற்காக விளையாடிய ருஷ்மி சக்கரவர்த்தியும் வழங்கினர். பத்து கி.மீ. ஆண்கள் பிரிவில் சென்னையை சேர்ந்த யோகேஷ், மனோ, விக்டர் சாமுவேல் ஆகியோர் முதல் மூன்று இடத்தை பிடித்தனர். பெண்கள் பிரிவில் சென்னையை சேர்ந்த அர்ச்சனா, கலிபோர்னியாவை சேர்ந்த க்ரேஸ், சென்னையை சேர்ந்த ரிதன்சா ஆகியோர் முதல் மூன்று இடத்தை பிடித்தனர். அதில் மூன்றாம் இடத்தை பிடித்த ரிதன்சா தன் பரிசான ஐந்தாயிரம் ரூபாயை பெண்கள் கல்விக்காக திரும்ப வழங்கினார்.

ஆண்கள் ஐந்து கி.மீ. பிரிவில் சென்னையை சேர்ந்த அஜித் குமாரும், பழநிவேலும் முதல் மற்றும் இரண்டாம் இடத்தை பிடித்தனர். ஐந்து கிலோமீட்டர் பெண்கள் பிரிவில் அமெரிக்காவை சேர்ந்த ரெபேக்கா, சென்னையை சேர்ந்த தமிழ் அழகி ஆகியோர் முதல் இரண்டு இடத்தை பிடித்தனர்.

இந்த மாரத்தான் ஓட்டம் பற்றி அஜித் குமார் கூறும்போது, "பெண்கள் கல்வி மிகவும் முக்கியம். அதற்கான மாரத்தானில் பரிசு பெற்றது மிகவும் பெருமையாக உள்ளது. ஐ.பி.எஸ். அதிகாரி ஆக வேண்டும் என்பது எனது ஆசை. அப்படி ஆனால், பெண்கள் பாதுகாப்பிற்காக என்னால் முடிந்ததை செய்வேன்" என்றார்.

நடிகர் விஷால் செய்தியாளர்களிடம் கூறும்போது, ''இந்த கல்லூரியின் முயற்சி பாராட்டத்தக்கது. கல்வி கற்க வேண்டும் என்று பல பெண்கள் ஆசை படுகிறார்கள். அனால், எல்லோருக்கும் வாய்ப்பு கிடைப்பதில்லை. இதுபோன்ற முயற்சியால் நிறைய பெண்கள் உதவி பெறுவார்கள். ஒரு பெண்ணை படிக்க வைப்பது உன்னதமான செயல். நான் ஞாயிற்று கிழமை என்றுகூட பார்க்காமல் காலை ஆறு மணிக்கே அதற்காகத்தான் இங்கு வந்தேன். என்னால் முடிந்த அளவிற்கு பெண் கல்விக்கு பங்களிப்பேன்" என்றார்.

- ம.சக்கர ராஜன்
படங்கள்: கெசன்ட்ரா இவாஞ்சலின்
(மாணவ பத்திரிக்கையாளர்கள்)

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close