Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சிந்துவுக்கு முன்கூட்டியே வாழ்த்து சொன்னாரா கருணாநிதி?

ரியோ ஒலிம்பிக்கில் பாட்மிண்டன் போட்டியில் வெள்ளிப் பரிசு பெற்ற பி.வி.சிந்துவுக்கு, அடுத்த சில நிமிடங்களில் தமது ட்விட்டர் பக்கத்தில் தி.மு.க தலைவர் கருணாநிதி, ''சிந்துவின் ஆட்டம் துல்லியமாக இருந்தது'' என்று கூறி இருந்தார்.

விளையாட்டுப் பிரியரான கருணாநிதி, தொலைக்காட்சிகளில் கிரிக்கெட் உள்ளிட்ட போட்டிகளைத் தொடர்ந்து பார்த்துவருவது வழக்கம். இதைத்தான் ட்விட்டரில் இப்படிக் கூறி இருந்தார்.

"சிந்துவின் காலிறுதி, அரை இறுதி மற்றும் இறுதிப்போட்டிகளை நான் தொலைக்காட்சியில் கண்டேன். அவரது ஆட்டம் மிகவும் துல்லியமாக அமைந்திருந்தது."இதுதான், அவர் ட்விட்டரில் போட்ட செய்தி. இதை அவர், 19-ம் தேதி இரவு சிந்து வெள்ளிப் பரிசு பெற்ற உடன் போட்டிருக்கிறார். ஆனால், ட்விட்டரில் 19-ம் தேதி காலை 9.13-க்கே கருணாநிதி வாழ்த்துச் சொன்னதுபோல நேரம் பதிவாகி இருக்கிறது.
 
இதனால், வாட்ஸ்அப் உள்ளிட்ட சமூக வலைதளங்களில் சிலர், 'சிந்து விளையாடத் தொடங்கும் முன்பே கருணாநிதி வாழ்த்துத் தெரிவித்துவிட்டார்' என்று சர்ச்சையைக் கிளப்பிவிட்டனர். வாட்ஸ்அப்பில் காலை 9.13 என்று பதிவாகியிருந்ததை, சர்ச்சை கிளப்பிய நபர் இரவு 9.13 என தன்னுடைய வாட்ஸ்அப் கார்டில் மாற்றியிருக்கிறார். அதே நேரத்தில் ஃபேஸ்புக்கில் பி.வி.சிந்துவுக்கு கருணாநிதி விரிவாகப் பாராட்டுத் தெரிவித்துள்ளார். அந்த ஃபேஸ்புக் பக்கத்தில், 15 மணிநேரத்துக்கு முன்பு அவர் பதிவுசெய்திருப்பதாக நேரம் அப்டேட் ஆகி இருக்கிறது. ஃபேஸ்புக்கில் இந்திய நேரத்தை அப்டேட் செய்திருக்கின்றனர்.

 

தி.மு.க தரப்பில் கருணாநிதியின் ட்விட்டர் தளத்தை அப்டேட் செய்யும் நவீனிடம் பேசினோம். ''19-ம் தேதி இரவுதான் இந்தப் பதிவு போடப்பட்டது. ஆனால், அதில் உள்ள சர்வதேச நேரம் காரணமாக இவ்வாறு நேரம் காட்டுகிறது. இந்த விமர்சனங்களை நாங்கள் பொருட்படுத்தப்போவதில்லை. வாட்ஸ்அப்பில் தலைவர் கலைஞரை விமர்சனம் செய்து பதிவுபோட்ட நபர் இப்போது இதற்காக வருத்தம் தெரிவித்துள்ளார்" என்றார்.  

- கே.பாலசுப்பிரமணி

Advertisement
Advertisement
Advertisement
Advertisement
Advertisement

எடிட்டர் சாய்ஸ்

'சாக்கடையில் கலந்த ஜெயலலிதா ரத்தம்!'   -எம்பால்மிங் சீக்ரெட்டை உடைக்கும் மருத்துவர்கள் #VikatanExclusive
placeholder

'இருதயம் செயலிழந்து போனதற்கான காரணம் என்ன? திடீரென்று செயலிழந்து நின்று போன இருதயத்தை ஏன் மீண்டும் செயல்பட வைக்க இயலவில்லை? உலகத் தரம் வாய்ந்த உபகரணங்களையும் நிபுணத்துவத்தையும் தோல்வியைத் தழுவச் செய்த காரணங்கள் யாவை?' என்ற கேள்விகளையே மருத்துவர் பீலேயும் அப்போலோ மற்றும் எய்ம்ஸ் மருத்துவர்களும் தமிழக-இந்திய மருத்துவ உலகத்தாரும் தமிழ்நாடு-மத்திய அரசுகளும் கேட்டிருக்க வேண்டும். அதற்கான பதிலைக் கண்டறிய இயன்றளவில் முயற்சியை மேற்கொண்டிருக்க வேண்டும். ஆனால் அதற்கான ஒரு சிறிய துரும்பு அளவிலான முயற்சியைக்கூட இவர்கள் எவரும் மேற்கொள்ளவில்லை என்பதுதான் உண்மை.

Advertisement

MUST READ

Advertisement
[X] Close