Vikatan.com

www.vikatan.com would like to send you push notifications.

Notifications can be turned off anytime from browser settings.

யுவராஜ் கைதில் 7 மர்மங்கள்..!


யுவராஜிக்கு வழங்கப்பட்ட நிபந்தனை ஜாமீனுக்கு உச்ச நீதிமன்றம் தடை விதித்த பிறகும், அவரை உடனடியாக காவல்துறை கைது செய்யாமல் 12 நாள் கழித்து கைது செய்துள்ளது. மேலும், உயர் அதிகாரிகளுக்கு தெரிவிக்காமல் யுவராஜ் கைது செய்யப்பட்டிருப்பது பெரும் சர்ச்சையை ஏற்படுத்தியுள்ளது.

கோகுல்ராஜ் கொலை வழக்கில் “தீரன் சின்னமலை கவுண்டர் பேரவை” தலைவர் யுவராஜ் தேடப்பட்டார். இந்த வழக்கை விசாரித்த டி.எஸ்.பி. விஷ்ணுபிரியா தற்கொலை செய்த பிறகு அதிரடியாக யுவராஜ் கைது செய்யப்பட்டார். அவர் கைது செய்யப்படுவதற்கு முன்பு வாட்ஸ்அப்பில் ஆடியோ வெளியிட்டு பிரபலமானார். பிறகு நீதிமன்றம் மூலம் அவருக்கு நிபந்தனை ஜாமீன் கிடைத்தது.

இந்த சமயத்தில் சென்னை நுங்கம்பாக்கம் ரயில் நிலையத்தில் இன்ஜினீயர் சுவாதி படுகொலை செய்யப்பட்டார். அது தொடர்பாக ஜாமீனிலிருக்கும் யுவராஜ், ஒரு வாட்ஸ் அப் ஆடியோவை வெளியிட்டார். அது பெரும் பரபரப்பையும், சர்ச்சையையும் ஏற்படுத்தியது. இதனால் அவருக்கு வழங்கப்பட்ட நிபந்தனை ஜாமீனுக்கு உச்ச நீதிமன்றம் ஆகஸ்ட் 12ம் தேதி தடை விதித்தது. ஆனால் இந்த தகவலை போலீஸார் கண்டுக்கொள்ளவில்லை. அடுத்து தடை வழங்கப்பட்ட நகல் ஆன் லைனில் ஆகஸ்ட் 20ம் தேதி வெளியிடப்பட்டது. அதன்பிறகும் போலீஸார் யுவராஜை கைது செய்ய ஏனோ ஆர்வம் காட்டவில்லை. இதுபோல 7 சந்தேகங்கள் எழுந்துள்ளன.

ஒருவழியாக ஆகஸ்ட் 24ம் தேதி போலீஸார் உயரதிகாரிகளுக்கு தகவல் தெரிவிக்காமல் சென்னை பெரியமேட்டிலிருந்த யுவராஜை கைது செய்தனர். இப்போது சிக்கலில் சம்பந்தப்பட்ட போலீஸார் மாட்டியுள்ளனர். 

இதுகுறித்து போலீஸ் வட்டாரங்கள் கூறுகையில், "யுவராஜிக்கு வழங்கப்பட்ட நிபந்தனை ஜாமீனுக்கு தடை விதிக்கப்பட்டதும் அவரை கைது செய்ய நடவடிக்கை எடுக்கப்பட்டது. ஆனால் அவர் தலைமறைவாகி விட்டார். ஆகஸ்ட் 24ம் தேதி தான் அவர் சென்னை பெரியமேட்டில் பதுங்கி இருந்த தகவல் தெரிந்ததும் அவரை கைது செய்தோம். ஆனால் அவசரத்தில் இந்த தகவல் சி.பி.சி.ஐ.டி போலீஸ் உயரதிகாரிகளுக்கு தெரிவிக்கவில்லை. இதுதொடர்பாக விசாரணை நடந்து வருகிறது" என்றனர். 
 
எஸ்.மகேஷ்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ