Vikatan.com

www.vikatan.com would like to send you push notifications.

Notifications can be turned off anytime from browser settings.

எய்ம்ஸ் தமிழக மாணவர் மர்மச் சாவில் மத்திய அரசுக்கு நோட்டீஸ்!

எய்ம்ஸ் மருத்துவக்கல்லூரியில் படித்த தமிழகத்தை சேர்ந்த மாணவர் சரவணன் மர்மமான முறையில் உயிரிழந்த வழக்கு விசாரணையை நீதிமன்றம் மேற்பார்வையிடக்கோரி மாணவரின் தந்தை தொடர்ந்த வழக்கில் மத்திய அரசு மற்றும் டெல்லி காவல்துறை பதில் அளிக்க டெல்லி உயர் நீதிமன்றம் நோட்டீஸ் அனுப்ப உத்தரவிட்டுள்ளது.

திருப்பூர் மாவட்டத்தைச் சேர்ந்த சரவணன் (26), எய்ம்ஸ் மருத்துவக் கல்லூரியில் எம்.டி. (மருத்துவ மேல் படிப்பு) படிக்க கடந்த ஜூலை மாதம் சேர்ந்தார். தெற்கு டெல்லி கெளதம் நகரில் தங்கியிருந்த அவர், வலது கையில் ஊசி செலுத்தப்பட்டு மர்மமான முறையில் கடந்த ஜூலை 10ஆம் தேதி உயிரிழந்தார். இச்சம்பவம் தற்கொலையாக இருக்கலாம் என்று முதலில் கருதிய ஹோஸ்காஸ் போலீஸார், பின்னர் "சந்தேக மரணம்' என்ற கோணத்தில் இந்த வழக்கை விசாரித்து வருகின்றனர். எனினும், போதுமான துப்பு இன்னும் துலங்கவில்லை என்று தெரிகிறது.

இந்நிலையில், சரவணன் உயிரிழந்த சம்பவம் தொடர்பாக அவரது தந்தை கணேசன் சார்பில் வழக்கறிஞர் கிருஷ்ணராஜ், டெல்லி உயர் நீதிமன்றத்தில் மனுத் தாக்கல் செய்தார். அதில், எனது மகன் சரவணன், டெல்லி கெளதம் நகரில் மர்மமான முறையில் உயிரிழந்தார். ஆனால், பிரேதப் பரிசோதனை அறிக்கை தாக்கல் செய்யும் முன்பே சரவணன் தற்கொலை செய்து கொண்டதாக போலீஸ் தரப்பில் தெரிவிக்கப்பட்டுள்ளது. சரவணன் உயிரிழந்தது தொடர்பாக இதுவரை எங்களிடம் முதல் தகவல் அறிக்கை (எஃப்ஐஆர்), பிரேதப் பரிசோதனை அறிக்கை போன்ற எதையும் போலீஸார் வழங்கவில்லை. அவற்றின் நகல்களை எங்களிடம் வழங்க நடவடிக்கை எடுக்க வேண்டும்.

இந்த வழக்கை விரைந்து விசாரித்து உண்மையான குற்றவாளிகளைக் கண்டறிந்து கைது செய்யும் வகையில், உரிய அதிகாரியை நியமிக்க காவல் துறைக்கு உத்தரவிட வேண்டும். இந்த வழக்கு விசாரணை உயர் நீதிமன்றம் மேற்பார்வையில் நடைபெற வேண்டும். விசாரணை தொடர்பான அறிக்கையை அவ்வப்போது நீதிமன்றத்தில் தாக்கல் செய்யவும் டெல்லி காவல் துறை ஆணையருக்கு உத்தரவிட வேண்டும். இவ்வழக்கின் தன்மையை கருத்தில் கொண்டு, இந்த விவகாரத்தை அவசரகால வழக்காக விசாரிக்க வேண்டும் என்று மனுவில் குறிப்பிட்டுள்ளார்.

இந்த மனு டெல்லி உயர் நீதிமன்றத்தில் இன்று விசாரணைக்கு வந்தது. அப்போது, மாணவர் சரவணனின் எப்ஐஆர் நகல், பிரேத பரிசோதனை அறிக்கையை 4 வாரத்தில் மனுதாரரிடம் கொடுக்க வேண்டும் என்று உத்தரவிட்ட உயர் நீதிமன்றம், இந்த வழக்கு தொடர்பாக மத்திய அரசு மற்றும் டெல்லி காவல்துறை பதில் அளிக்க நோட்டீஸ் அனுப்ப உத்தரவிட்டு, வழக்கு விசாரணையை நவம்பர் 10ஆம் தேதிக்கு ஒத்திவைத்தது.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ