Vikatan.com

www.vikatan.com would like to send you push notifications.

Notifications can be turned off anytime from browser settings.

ஓ.பி.எஸ் விசுவாசிக்கு கார்டனின் ‘கல்தா’!  -காஞ்சி களையெடுப்பு

காஞ்சிபுரத்தில் தொடர் குற்றச்சாட்டுகளுக்கு ஆளான முன்னாள் எம்.எல்.ஏ தண்டரை மனோகரன், கட்சிப் பதவிகளில் இருந்து ஓரம்கட்டப்பட்டுள்ளார்.‘ ஓ.பி.எஸ் துணையோடு கட்சி நிர்வாகிகளை ஆட்டிப் படைத்தார் மனோகரன். அவருடைய எதிர்முகாமில் இருந்தவர்களுக்குப் பதவி கொடுத்து அழகு பார்த்திருக்கிறார் அம்மா’ என உற்சாகத்தோடு பேசுகின்றனர் கட்சி நிர்வாகிகள். 

திருப்போரூர் தொகுதியின் முன்னாள் எம்.எல்.ஏ தண்டரை மனோகரன் மீது ஏராளமான புகார்களை கார்டனுக்கு அனுப்பி வந்தனர் கட்சித் தொண்டர்கள். அவர் மீதான புகார்களின் மீது நடவடிக்கை எதுவும் எடுக்கப்பட்டதில்லை. பாலியல் புகாரில் தொடங்கி கட்சித் தொண்டர்களை அவமதிப்பது வரையில் காஞ்சி மாவட்டத்தில் மனோகரன் அளவுக்கு யாரும் குற்றச்சாட்டுக்கு ஆளானதில்லை. அவருக்குப் பின்னால் நிதி அமைச்சர் ஓ.பன்னீர் செல்வத்தின் ஆசி இருந்ததால், அனைத்துப் புகார்களில் இருந்தும் தப்பித்து வந்தார். “ கார்டன் உதவியாளர் முதற்கொண்டு அம்மா வரையில் எனக்குள்ள செல்வாக்கை யாராலும் பறிக்க முடியாது’ என நிர்வாகிகளை அதட்டி வந்தார் மனோகரன். இந்நிலையில், இன்று திருப்போரூர் ஒன்றிய செயலாளராக காஞ்சிபுரம் எம்.பி மரகதத்தின் கணவர் குமரவேலை நியமித்து உத்தரவிட்டுள்ளது அ.தி.மு.க தலைமை. “ இந்த நடவடிக்கையால் கட்சியில் இருந்து ஒட்டுமொத்தமாக ஓரங்கட்டப்பட்டுவிட்டார் மனோகரன்” என்கின்றனர் அ.தி.மு.கவினர். 

காஞ்சி மாவட்ட அ.தி.மு.க நிர்வாகி ஒருவர் நம்மிடம், “ சட்டசபைத் தேர்தலுக்கு முன்பாக ஓ.பன்னீர்செல்வத்தை அழைத்து வந்த பிரமாண்டக் கூட்டம் நடத்தினார் மனோகரன். ஐந்தாண்டு சாதனைகளுக்காக கூட்டப்பட்ட கூட்டம் என்றாலும், மீண்டும் திருப்போரூரில் போட்டியிட சீட் வாங்குவதற்காகத்தான் ஓ.பி.எஸ்ஸை அழைத்து வந்தார். ஓ.பி.எஸ்ஸின் தீவிர விசுவாசியாகவே தன்னைக் காட்டிக் கொண்டார். தேர்தல் நேரத்தில் ஓ.பி.எஸ் மீதான கார்டன் விசாரணை தீவிரமடைந்ததால், தண்டரை மனோகரனுக்குப் பதிலாக கோதண்டபாணிக்கு சீட் கொடுத்தார் முதல்வர். இதை மனோகரன் ஆதரவாளர்கள் விரும்பவில்லை. திருப்போரூர் ஒ.செ பதவியை தன்னுடைய விசுவாசியான பொன்னுரங்கத்திற்குக் கொடுத்து, தனது அலுவலகத்திலேயே அமர வைத்துக் கொண்டார் மனோகரன். 

அதேநேரம், கட்சியில் தீவிரமாக வளர்ந்து கொண்டிருந்த குமரவேலுக்கு எதிராக, கார்டனுக்கு தினம்தினம் புகார்களை அனுப்பிக் கொண்டிருந்தனர் மனோகரன் ஆதரவாளர்கள். அதையும் தாண்டி, குமரவேலின் மனைவி மரகதத்திற்கு எம்.பி சீட் கிடைத்ததையும் மனோகரனால் ஏற்றுக் கொள்ள முடியவில்லை. இந்தநிலையில், இன்று அறிவிக்கப்பட்ட புதிய நிர்வாகிகள் பட்டியிலில், குமரவேலுக்கு திருப்போரூர் ஒன்றிய செயலாளர் பொறுப்பு வழங்கியிருக்கிறார் அம்மா. தேர்தல் முடிந்த நேரத்திலேயே மனோகரனின் மாவட்ட செயலாளர் பதவியை திருக்கழுகுன்றம் ஆறுமுகத்திற்கு வழங்கியது கட்சித் தலைமை. இப்போது மனோகரனுக்கும் பதவியில்லை. அவருடைய ஆதரவாளர்களுக்கும் பதவியில்லை. காஞ்சி மாவட்டமே இப்போதுதான் சுத்தமாக இருக்கிறது. அந்தளவுக்கு காண்ட்ராக்ட், கமிஷன், பாலியல் புகார் என எல்லை மீறிச் செயல்பட்டார் மனோகரன்” எனக் கொந்தளிக்கின்றனர். 

‘ பதவியில் இருந்தபோது, கட்சி விசுவாசிகளுக்கு மதிப்பு கொடுத்திருந்தால், மனோகரனுக்கு இப்படி நிலைமை வந்திருக்காது’ என ஆதங்கப்படுகின்றனர் காஞ்சி மாவட்ட அ.தி.மு.க நிர்வாகிகள். 

-ஆ.விஜயானந்த்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ