Vikatan.com

www.vikatan.com would like to send you push notifications.

Notifications can be turned off anytime from browser settings.

சென்னையில் ஆம் ஆத்மி ஒருங்கிணைப்பாளர் வசீகரன் திடீர் கைது

ஜெயலலிதாவின் பொய்யான தேர்தல் அறிக்கைகள் என்கிற வாசகங்கள் அடங்கிய துண்டுப்பிரசுரத்தை தீயிட்டு கொளுத்திய ஆம் ஆத்மி கட்சியின் தமிழக ஒருங்கிணைப்பாளர் வசீகரன் உள்பட 40 பேரை காவல்துறையினர் கைது செய்தனர்.

ஆம் ஆத்மி கட்சியின் தமிழக ஒருங்கிணைப்பாளர் வசீகரன் கடந்த 10 நாட்களாக பெரவள்ளூரில் உள்ள கட்சியின் தலைமை அலுவலகத்தில் உண்ணாவிரதம் இருந்து வந்தார். தமிழகத்தில் லோக் அயுக்த - வை கொண்டு வரவேண்டும் என்பது அவரது கோரிக்கை. ஆனால், தமிழக அரசு இவரது உண்ணாவிரதப் போராட்டத்தை கண்டுகொள்ளாமல் இருந்து வந்தது.

இந்த நிலையில், போயஸ்கார்டனை முற்றுகையிடப்போவதாக இன்று அறிவித்தார். அதையடுத்து, போலீஸார் அவரை கைது செய்ய வந்தனர். மக்களை ஏமாற்றும் முதல்வர் ஜெயலலிதாவின் பொய்யான தேர்தல் அறிக்கைகள் என்கிற வாசகங்கள் அடங்கிய துண்டுப்பிரசுரத்தை வசீகரனின் ஆதரவாளர்கள் தீயிட்டு கொளுத்தினார். அப்போது போலீஸாருடன் தள்ளுமுள்ளு ஏற்பட்டது. அதைதொடர்ந்து வசீகரனும் அவரது ஆதரவாளர்கள் 40 பேர்களும் கைது செய்யப்பட்டனர்.


 - ஜெ. அன்பரசன்
படங்கள்: பி.சரவணகுமார்

 .

எடிட்டர் சாய்ஸ்

MUST READ