Vikatan.com

www.vikatan.com would like to send you push notifications.

Notifications can be turned off anytime from browser settings.

அந்தம்மா பாட... மேயர் தாளம் போட... கச்சேரி சபையான மாநகராட்சி

சென்னை மாநகராட்சி மன்ற கூட்டம் மேயர் சைதை துரைசாமி தலைமையில் இன்று நடந்தது. நாடாளுமன்றத்தில் பாட்டுப்பாடிய அ.தி.மு.க எம்.பி.க்களைத் தொடர்ந்து சென்னை மாநகராட்சி கூட்டத்திலும் அ.தி.மு.க கவுன்சிலர்கள் பாட்டிப்பாடி தி.மு.க கவுன்சிலர்களை வெறுப்பேற்றி இருக்கிறார்கள்.

அ.தி.மு.கவை சேர்ந்த கவுன்சிலர்கள் சரோஜா, கோவிந்தசாமி, வேளாங்கண்ணி ஆகியோர் அம்மா புகழ் பாடும் பாடல்களைப் பாடியுள்ளனர். வழக்கமாக சரோஜா, பாட்டுப்பாடி அசத்துவார். அதுபோல இந்த முறையும் அவர் தனக்கே உரிய குரலில் 'பசுமை நிறைந்த நினைவுகளே, பாடித்திரிந்த பறவைகளே' என்ற பாடலை பாடினார். அதற்கு சக கவுன்சிலர்கள் பெஞ்சில் தாளம் போட்டனர். சிலர் உற்சாகத்தில் ஆட்டமும் போட்டனர். இதையெல்லாம் வேறுவழியின்றி தி.மு.க கவுன்சிலர்கள் சகித்துக் கொண்டு அரங்கில் அமைதியாக இருந்தனர்.

இந்த பாடலைத் தொடர்ந்து சரோஜா, 'சின்னப்பயலே, சின்னப்பயலே சேதி கேளடா' என்ற பாடலை பாடினார். அப்போது, வேலையற்ற வீணர்களின் மூளையற்ற வார்த்தைகளை... என்ற வரியை மேயர் சைதை துரைசாமி, தி.மு.க,வினரைப் பார்த்து பாடினார். கோவிந்தசாமி, 'சிரித்து வாழ வேண்டும் பிறர் சிரிக்க வாழ்ந்திடாதே' என்ற பாடலை பாடினார்.

கவுன்சிலர் வேளாங்கண்ணி, 'மாமா.... மாமா' என்ற சினிமா பாடலை அப்படியே 'அம்மா.... அம்மா' என்று ரீமேக் செய்து பாட.... உற்சாகத்தில் மேயர் சைதை துரைசாமி உள்பட அனைத்து அ.தி.மு.க. கவுன்சிலர்களும் தாளம் போட்டனர். இதன்பிறகு மு.க.ஸ்டாலினை தொடர்பான குற்றச்சாட்டை மேயர் சைதை துரைசாமி சொல்ல.... அதற்கு எதிர்ப்பு தெரிவித்து தி.மு.க. கவுன்சிலர்கள் வெளிநடப்பு செய்தனர். 

இதுகுறித்து தி.மு.க கவுன்சிலர் போஸிடம் பேசினோம். "மக்கள் பிரச்னை பேச வேண்டிய இடத்தில் இப்படி பாட்டுப்பாடி மன்ற கூட்டத்தையே கேலி கூத்தாக்கி விட்டார்கள். எங்கள் தளபதியை விமர்சனம் செய்ததால் வெளிநடப்பு செய்துள்ளோம். அவர்களது கட்சித் தலைமையை பாராட்ட வேண்டும் என்றால் கூட்டத்துக்கு வெளியே பாட்டுப்பாடலாம். இதையெல்லாம் மக்கள் பார்த்துக் கொண்டு தான் இருக்கிறார்கள்" என்றார். 

எஸ்.மகேஷ்

படங்கள்: ப.சரவணகுமார்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ