Vikatan.com

www.vikatan.com would like to send you push notifications.

Notifications can be turned off anytime from browser settings.

தமிழர்களுக்கு எதிராக போராட்டம் நடத்தினோமா? திருமாவளவன் 

கர்நாடகாவில் தமிழர்களுக்கு எதிராக விடுதலை சிறுத்தைகள் கட்சி போராட்டம் நடத்தவில்லை. சமூகவலைதளங்களில் பரவி வருபவை பழைய புகைப்படங்கள் என்று விடுதலை சிறுத்தைகள் கட்சியின் தலைவர் தொல்.திருமாவளவன் விளக்கம் அளித்தார். 

தமிழகத்திற்கு காவிரியில் 10 நாட்களுக்கு 15 ஆயிரம் கனஅடி தண்ணீர் திறந்து விட வேண்டும் என கர்நாடக அரசுக்கு உச்ச நீதிமன்றம் அண்மையில் உத்தரவிட்டது. இந்த உத்தரவை ஏற்று கர்நாடக அரசு தமிழகத்திற்கு தண்ணீர் திறந்துவிட்டது. இதற்கு கர்நாடகாவில் கடும் எதிர்ப்பு தெரிவித்து போராட்டங்கள், தமிழக முதல்வர் உருவபொம்மை எரிப்பு போன்ற சம்பவங்கள் தொடர்ந்து நடந்து வருகின்றன.

இந்த நிலையில், தமிழகத்திற்கு தண்ணீர் திறந்துவிடக்கூடாது என்பதை வலியுறுத்தி கர்நாடகாவில் உள்ள விடுதலை சிறுத்தைகள் கட்சியினர் ஆர்ப்பாட்டத்தில் ஈடுபட்டதாக சமூகவலைதளங்களில் படங்களுடன் செய்திகள் வந்தன. இதனை பார்த்து தமிழகத்தில் உள்ள விடுதலை சிறுத்தைகள் கட்சியினர் அதிர்ச்சி அடைந்தனர். மேலும், அந்த செய்தி தமிழகத்தில் பெரும் அதிர்வலையை ஏற்படுத்தியது.

இதனிடையே கோவையில் இன்று செய்தியாளர்களிடம் பேசிய விடுதலை சிறுத்தைகள் கட்சித் தலைவர் தொல்.திருமாவளவன், தமிழகத்திற்கு எதிராக கர்நாடகாவில் விடுதலை சிறுத்தைகள் கட்சி போராடவில்லை. 
சமூகவலைதளங்களில் பரவி வருபவை பழைய படங்கள் என்றார்.

4 மாநில முதல்வர்கள் கூட்டத்தை கூட்ட வேண்டும் என பிரதமருக்கு கர்நாடக முதல்வர் சித்தராமையா கடிதம் எழுதியிருப்பது வரவேற்கதக்கது என்று கூறிய திருமாவளவன், நதிநீர் பிரச்னையில் சட்டரீதியில் மட்டுமின்றி அரசியல் ரீதியாகவும் தீர்வு காண வேண்டும் என்றார். 

மேலும், கோவை, சிவகங்கையில் தலித்கள் மீது நடத்தப்பட்ட தாக்குதல் கண்டிக்கத்தக்கது என்றார் திருமாவளவன்.

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

எடிட்டர் சாய்ஸ்

பரப்பன அக்ரஹாரா சிறை முதல் அப்போலோ அறை வரை...! - ஜெயலலிதாவின் இரண்டு வருட டைம்லைன் #2YearsOfBangaloreVerdict
placeholder

தமிழகமே எதிர்பார்த்துக்கொண்டிருந்த வழக்கில், இரண்டு ஆண்டுகளுக்கு முன் இதே நாளில்தான் தீர்ப்பு வந்தது. வருமானத்துக்கு அதிகமாகச் சொத்து சேர்த்ததாகத் தொடரப்பட்ட அந்த வழக்கில், அ.தி.மு.க பொதுச் செயலாளர் ஜெயலலிதாவுக்கு, நான்கு ஆண்டுகள் சிறைத் தண்டனையும், 100 கோடி ரூபாய் அபராதமும் விதித்து, பெங்களூரு சிறப்பு நீதிமன்றம் தீர்ப்பு அளித்தது. தீர்ப்பு வந்து 731 நாட்கள் ஆகிவிட்டன. அந்த வழக்கிலிருந்து அவர் விடுதலையும் செய்யப்பட்டு, அதன்பின் ஒரு பொதுத் தேர்தலில் மீண்டும் வென்று முதல்வராகவும் பொறுப்பேற்றுவிட்டார். எல்லாம் அவருக்கு நன்றாகப் போய்க்கொண்டிருந்தபோது, ஒரு வியாழக்கிழமை இரவு உடல்நிலை சுகவீனம் அடைந்து அப்போலோவில் அனுமதிக்கப்பட்டார்.

MUST READ