Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

கடலூர், விழுப்புரம், பெரம்பலூரில் நிலநடுக்கம்? மறுக்கும் புவியியல் ஆய்வு மையம்!

சென்னை: கடலூர், விழுப்புரம் மற்றும் பெரம்பலூர் மாவட்டங்களில் ஆகிய மாவட்டங்களில் நள்ளிரவில் நில அதிர்வை உணர்ந்த மக்கள், நிலநடுக்கம் ஏற்பட்டுவிட்டதாக பீதியடைந்து தெருக்களில் தஞ்சமடைந்தனர். ஆனால், நிலநடுக்கம் ஏதும் ஏற்படவில்லை என்று இந்திய புவியியல் ஆய்வு மையம் தெரிவித்துள்ளது.

கடலூர், விழுப்புரம் மற்றும் பெரம்பலூர் மாவட்டங்களில் நள்ளிரவு சுமார் 1 மணியளவில் நில அதிர்வை உணர்ந்த மக்கள், நிலநடுக்கம் ஏற்பட்டுவிட்டதாக பீதியடைந்து சாலைகளில் தஞ்சம் அடைந்தனர். கள்ளக்குறிச்சி வினைதீர்த்தாபுரம் பங்காரம் கா.அலம்பலம், உளுந்தார்பேட்டை பகுதி, விருத்தாசலம், திட்டக்குடி பகுதிகளில் மற்றும் விழுப்புரம் மாவட்டம் முழுவதும் பல இடங்களில் நில அதிர்வை மக்கள் உணர்ந்ததாக கூறினர்.

மேலும், பெரம்பலூர், துறைமங்கலம், கோனேரிப்பாளையம், எசனை, வேப்பந்தட்டை, கவுள்பாளையம், பேரளி, நன்னை, லப்பைக்குடிகாடு, திருப்பெயர் உள்ளிட்ட இடங்களில் நில அதிர்வை உணர்ந்த மக்களும் தங்களது வீடுகளைவிட்டு வெளியேறிய அச்சத்துடன் தெருக்களில் திரண்டனர். ஒரு மணி நேரத்திற்கும் மேலாக சாலைகளில் கூடியிருந்த மக்கள், நில அதிர்வை தாங்கள் உணர்ந்தது பற்றி ஒருவருக்கொருவர் கூறிக் கொண்டனர். சில வினாடிகள் நீடித்த, இந்த நில அதிர்வினால் எவ்வித சேதமும் ஏற்படவில்லை. இதேபோல், நேற்று ஹரியானா மாநிலம் மற்றும் டெல்லியிலும் லேசான நிலநடுக்கம் ஏற்பட்டது. இது ரிக்டர் அளவு கோலில் 4.1 என்ற அளவில் பதிவானது.

தமிழகத்தில் ஏற்பட்ட நிலநடுக்கம் பற்றி இந்திய வானிலை ஆய்வுத்துறையின் கீழ் இயங்கி வரும் நிலநடுக்கப் பிரிவின் இயக்குநர் என்.மீனாட்சிநாதன் கூறும்போது, ''சென்னை, கொடைக்கானல் மற்றும் சேலம் ஆகிய மூன்று இடங்களிலும் நில அதிர்வுகளைப் பதிவு செய்யும் கருவிகளை நாங்கள் அமைத்துள்ளோம். ஆனால், நள்ளிரவு ஏற்பட்ட நில அதிர்வானது, இந்த மூன்று இடங்களிலுமே எங்கும் பதிவாகவில்லை.

இந்தக் கருவிகள் மூலம் பெறப்படும் தகவல்கள் அனைத்தும், டெல்லியில் இருக்கும் வானிலை ஆய்வு மையத்தால் ஒவ்வொரு வினாடியும் பெறப்பட்டு, கண்காணிக்கப்படும். ஆனால், அங்கும் இந்த நில அதிர்வு குறித்த எந்தத் தகவலும் பதிவு செய்யப்படவில்லை. இதனை நள்ளிரவே நாங்கள் சோதனை செய்துவிட்டோம். இது மிகவும் சிறிய அளவிலான நில அதிர்வுதான். இதனால் மக்கள் அச்சப்படத் தேவையில்லை.

இதேபோல், நேற்று டெல்லியில் ஏற்பட்ட நிலநடுக்கமும் சிறிய அளவிலான நிலநடுக்கம்தான். அது ரிக்டர் அளவில் 4.1 ஆக பதிவாகி உள்ளது. அந்த நிலநடுக்கம் ஏற்பட்ட நேரமும், தமிழகத்தில் நிலஅதிர்வு ஏற்பட்ட நேரமும் வெவ்வேறு என்பதால் அதற்கும், இதற்கும் எவ்விதத தொடர்பும் இல்லை. மிகவும் சிறிய அளவிலான நில அதிர்வுகள் உண்டாகும்போது, அவை அப்பகுதி மக்களால் மட்டுமே உணர முடியும். நிலநடுக்கத்தை அளக்கும் கருவிகளில் அவை பதிவாகாது. அந்தப் பகுதியை சுற்றியிருக்கும் குவாரிகள் போன்றவற்றால்கூட இவை ஏற்பட்டிருக்கலாம். அதனால், மக்கள் எந்தவித அச்சமும் கொள்ளத் தேவையில்லை" என்றார்.

-ஞா.சுதாகர்

இது தொடர்பா வேற என்னலாம் நடந்திருக்குனு தெரிஞ்சுக்கலாமா?

Advertisement
Advertisement
Advertisement
Advertisement
Advertisement

எடிட்டர் சாய்ஸ்

'சாக்கடையில் கலந்த ஜெயலலிதா ரத்தம்!'   -எம்பால்மிங் சீக்ரெட்டை உடைக்கும் மருத்துவர்கள் #VikatanExclusive
placeholder

'இருதயம் செயலிழந்து போனதற்கான காரணம் என்ன? திடீரென்று செயலிழந்து நின்று போன இருதயத்தை ஏன் மீண்டும் செயல்பட வைக்க இயலவில்லை? உலகத் தரம் வாய்ந்த உபகரணங்களையும் நிபுணத்துவத்தையும் தோல்வியைத் தழுவச் செய்த காரணங்கள் யாவை?' என்ற கேள்விகளையே மருத்துவர் பீலேயும் அப்போலோ மற்றும் எய்ம்ஸ் மருத்துவர்களும் தமிழக-இந்திய மருத்துவ உலகத்தாரும் தமிழ்நாடு-மத்திய அரசுகளும் கேட்டிருக்க வேண்டும். அதற்கான பதிலைக் கண்டறிய இயன்றளவில் முயற்சியை மேற்கொண்டிருக்க வேண்டும். ஆனால் அதற்கான ஒரு சிறிய துரும்பு அளவிலான முயற்சியைக்கூட இவர்கள் எவரும் மேற்கொள்ளவில்லை என்பதுதான் உண்மை.

Advertisement

MUST READ

Advertisement
[X] Close