Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

காவிரியில் தண்ணீர் திறக்க கர்நாடகாவுக்கு உச்ச நீதிமன்றம் புது உத்தரவு!

காவிரியில் இருந்து செப்டம்பர் 20ஆம் தேதி வரை தண்ணீர் திறக்க கர்நாடகா அரசுக்கு உச்ச நீதிமன்றம் உத்தரவிட்டுள்ளதோடு, தமிழகத்திற்கு நாள்தோறும் 12 ஆயிரம் கனஅடி தண்ணீரைத் திறக்க வேண்டும் என்று கூறியுள்ளது.

காவிரியில் 50 டிஎம்சி தண்ணீர் திறந்து விட கர்நாடக அரசுக்கு உத்தரவிடக் கோரி தமிழக அரசு மனுத் தாக்கல் செய்திருந்தது. இந்த மனுவை விசாரித்த உச்ச நீதிமன்றம். காவிரியில் நாள்தோறும் 15 ஆயிரம் கன அடி வீதம் 10 நாட்களுக்கு தண்ணீர் திறக்க கர்நாடக அரசுக்கு கடந்த 5ஆம் தேதி உச்ச நீதிமன்றம் உத்தரவு பிறப்பித்தது.

மேலும், காவிரி கண்காணிப்புக் குழுவை தமிழக அரசு 3 நாட்களில் அணுக வேண்டும். தங்களது கோரிக்கையை தமிழகம் 3 நாட்களில் குழுவிடம் அளிக்க வேண்டும். 3 நாட்களுக்குப் பிறகு கர்நாடக அரசின் நிலையை குழு கேட்டறிய வேண்டும். இரு மாநில நிலைமைகளையும் கேட்டறிந்து 4 நாட்களில் ஆய்வறிக்கையை தாக்கல் செய்ய வேண்டும் என்றும் உத்தரவிட்டிருந்தது.

அதன்படி, கர்நாடகா அரசு தமிழகத்திற்கு தண்ணீர் திறந்துவிட்டது. இதற்கு கர்நாடகாவில் கடும் எதிர்ப்பு தெரிவித்து போராட்டங்கள் நடைபெற்று வருகிறது. மேலும், முழு அடைப்பு போராட்டமும் நடைபெற்றது.

இதனிடையே, தமிழகத்திற்கு தண்ணீர் திறக்க வேண்டும் என்ற உத்தரவை ரத்து செய்ய கோரி கர்நாடகா அரசு உச்ச நீதிமன்றத்தில் மனுத் தாக்கல் செய்தது. இந்த மனு இன்று உச்ச நீதிமன்றத்தில் விசாரணைக்கு வந்தது. அப்போது, கர்நாடக அரசின் மனுவை நிராகரித்த உச்ச நீதிமன்றம், காவிரியில் இருந்து செப்டம்பர் 20ஆம் தேதி வரை தினந்தோறும் 12 ஆயிரம் கனஅடி தண்ணீரைத் திறக்க வேண்டும் என்று உத்தரவிட்டது.

இந்த நிலையில் உச்ச நீதிமன்றம் அறிவுறுத்தலின்படி டெல்லயில் இன்று காவிரி மேற்பார்வை குழு கூட்டம் நடைபெற்று வருகிறது. இந்த கூட்டத்தில் தமிழ்நாடு, கர்நாடகா, கேரளா, புதுச்சேரி ஆகிய மாநில தலைமைச் செயலாளர்கள் பங்கேற்றுள்ளனர்.

இதனிடையே, காவிர் நீர் திறப்பில் இன்றைய உத்தரவை திருத்தம் செய்யக்கோரிய கர்நாடகா மனுவை உச்ச நீதிமன்றம் நிராகரித்துள்ளது.

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close