Vikatan.com

www.vikatan.com would like to send you push notifications.

Notifications can be turned off anytime from browser settings.

தி.மு.க. நகர செயலாளர் வெட்டிக்கொலை! - விழுப்புரத்தில் பரபரப்பு

விழுப்புரம்: விழுப்புரத்தில் இன்று காலை தி.மு.க. நகர செயலாளர், மர்ம நபர்களால் வெட்டி படுகொலை செய்யப்பட்ட சம்பவம் பெரும் பரபரப்பை ஏற்படுத்தி உள்ளது.

விழுப்புரம் தி.மு.க. நகர செயலாளராக இருப்பவர் செல்வராஜ் (43). ரியல் எஸ்டேட் தொழிலும் செய்து வந்த இவர், விழுப்புரம் மாவட்ட தளபதி மன்ற செயலாளராகவும் இருந்து வந்தார். செல்வராஜூக்கு ஜெய பாரதி (38) என்ற மனைவியும், விக்னேஷ் என்ற மகனும் உள்ளனர்.

விழுப்புரம் கே.கே.ரோடு கணபதி குடியிருப்பு பகுதியில் குடும்பத்துடன் வசித்து வந்த செல்வராஜ், தினமும் காலையில் விழுப்புரம் வடக்கு ரயில்வே குடியிருப்பு பகுதியில் ‘வாக்கிங்’ செல்வது வழக்கம். அதேபோல் இன்று காலையும் அவர் வாக்கிங் செல்வதற்காக, விழுப்புரம் காந்தி சிலை அருகே உள்ள தி.மு.க. கட்சி அலுவலகம் அருகே தனது காரை நிறுத்தி இருக்கிறார்.

அதன்பின் அங்கிருந்து விழுப்புரம் வடக்கு ரயில்வே குடியிருப்பு பகுதியில், கீழ்பெரும்பாக்கம் கட்டபொம்மன் நகர் பகுதியைச் சேர்ந்த செந்தில், ஜெயப்பிரகாஷ் உள்பட 5 தி.மு.க. தொண்டர்களுடன் அவர் வாக்கிங் சென்றுள்ளார். ரயில்வே மருத்துவமனை அருகே செல்வராஜ் சென்றபோது, 2 மோட்டார் சைக்கிளில் 5 வாலிபர்கள் பின்தொடர்ந்து வந்துள்ளனர்.

அந்த வாலிபர்கள், திடீரென்று செல்வராஜை வழிமறித்து தங்களது மோட்டார் சைக்கிளை நிறுத்திவிட்டு செல்வராஜூக்கு வணக்கம் சொல்லி இருக்கின்றனர். அப்போது, அந்த வாலிபர்களில் ஒருவர், தனது முதுகின் பின்னால் மறைத்து வைத்திருந்த வீச்சரிவாளை வெளியே எடுத்துள்ளார். அந்த நேரத்தில், மற்ற வாலிபர்கள், செல்வராஜூடன் வந்தவர்களை மிரட்டி அங்கிருந்து விரட்டி இருக்கின்றனர்.

இதை கண்டு அதிர்ச்சி அடைந்த செல்வராஜ், ஏதோ விபரீதம் நடக்கப்போகிறது என்பதை உணர்ந்து அங்கிருந்து தப்பிச்செல்ல ஓடி இருக்கிறார். ஆனால் கண் இமைக்கும் நேரத்தில் அந்த வாலிபர்கள், செல்வராஜை சுற்றி வளைத்து வீச்சரிவாளால் அவரின் கழுத்து, வலது கையை வெட்டி இருக்கின்றனர். உடனே செல்வராஜ், ரத்த வெள்ளத்தில் சம்பவ இடத்திலேயே சரிந்து விழுந்து பரிதாபமாக உயிரிழந்துள்ளார்.

இதை கண்டு செல்வராஜுடன் வந்த ஜெயப்பிரகாஷ், ஓடி வந்து அந்த மர்ம வாலிபர்களை தடுக்க முயன்றுள்ளார். ஆனால், அவரையும் அந்த கும்பல் வெட்டி உள்ளது. இதனால், ஜெயப்பிரகாசுக்கும் கையில் பலத்த காயம் ஏற்பட்டது. மேலும், செல்வராஜ் இறந்ததை உறுதி செய்ததும் அந்த மர்ம கும்பல் அங்கிருந்து தப்பிச் சென்றுள்ளது.

கொலையுண்ட செல்வராஜ் தி.மு.க. ஆட்சியின் போது உயர் கல்வி அமைச்சராக பொன்முடி இருந்தபோது அவரின் தனி உதவியாளராக பணியாற்றியவர். தி.மு.க.நகர செயலாளர் செல்வராஜ் கொலை செய்யப்பட்டதை தொடர்ந்து, விழுப்புரத்தில் பதட்டம் ஏற்பட்டுள்ளது. இதை தொடர்ந்து, புதிய பஸ்நிலையம், பழைய பஸ்நிலையம், வடக்கு ரயில்வே குடியிருப்பு பகுதிகளில் போலீசார் குவிக்கப்பட்டுள்ளனர்.

செல்வராஜை கொலை செய்த மர்ம கும்பல் யார்? அவரை எதற்காக அந்த மர்ம கும்பல் கொலை செய்தது? ஏதாவது முன்விரோதம் காரணமா? அல்லது தொழில் போட்டி காரணமா? என்று போலீசார் விசாரித்து வருகின்றனர். மேலும், செல்வராஜை கொன்றது கூலிப்படையாக இருக்கலாம் என்று சந்தேகிக்கும் போலீசார், கொலையாளிகளை பிடிக்க தனிப்படை அமைத்துள்ளனர்.

படங்கள்: தே.சிலம்பரசன்

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ