Vikatan.com

www.vikatan.com would like to send you push notifications.

Notifications can be turned off anytime from browser settings.

'சேலம் குலுங்க... குலுங்க...!'- மாரியப்பனை சிலிர்க்க வைத்த சொந்த ஊர்

பாராலிம்பிக்கில் தங்கப்பதக்கம் வென்ற மாரியப்பன் இன்று சொந்த ஊர் சென்றார். அவருக்கு தாரை தப்பட்டை முழங்க பொதுமக்கள், நண்பர்கள், உறவினர்கள் வரவேற்பு அளித்தனர்.

பிரேசிலின் ரியோ டி ஜெனீரோ நகரில் அண்மயில் நடந்த மாற்றுத் திறனாளிகளுக்கான பாராலிம்பிக்கில் இந்தியா சார்பில் கலந்து கொண்ட சேலம் மாவட்டம், பெரியவடகம்பட்டி கிராமத்தை சேர்ந்த மாரியப்பன் உயரம் தாண்டுதலில் தங்கப்பதக்கம் வென்று அசத்தினார். பாராலிம்பிக்கில் உயரம் தாண்டுதலில் தங்கம் வென்ற முதல் இந்தியர் என்ற வரலாற்று பெருமையுடன் நேற்று முன்தினம் டெல்லி வந்தார். பிரதமர் நரேந்திர மோடி சந்தித்து மாரியப்பன் வாழ்த்து தெரிவித்தார். பின்னர் டெல்லியில் இருந்து விமானம் மூலம் நேற்று சென்னை வந்து இறங்கினார்.

விமான நிலையத்தில் அவரை அமைச்சர்கள் மாபா பாண்டியராஜன், பா.பெஞ்சமின், தமிழக விளையாட்டு துறை செயலாளர் ராஜேந்திரகுமார் உள்ளிட்டோர் மலர்கொத்து கொடுத்து வரவேற்றனர். விமான நிலையத்தின் வெளியே வந்த அவருக்கு, நேரு விளையாட்டு அரங்கில் இருந்து வந்திருந்த வீரர், வீராங்கனைகள் உற்சாகமாக வரவேற்பு அளித்தனர்.

பின்னர் செய்தியாளர்களிடம் பேசிய மாரியப்பன், "இந்தியாவுக்கும், தமிழகத்திற்கும் தங்கப்பதக்கம் வென்று தந்தது மிகுந்த மகிழ்ச்சியை அளிக்கிறது. எனக்கு ஆதரவாக இருந்த மத்திய-மாநில அரசுகள், மத்திய விளையாட்டு ஆணையம், இந்திய பாரா ஒலிம்பிக் சங்கம், பயிற்சியாளர், பெற்றோர், நண்பர்களுக்கு எனது நன்றி. 2020, 2024-ம் ஆண்டுகளில் நடைபெறும் பாரா ஒலிம்பிக் போட்டிகளிலும் பங்கேற்று மீண்டும் தங்கப்பதக்கம் வென்று பெருமை சேர்ப்பேன். பாராலிம்பிக் போட்டிகளில் முக்கியத்துவம் குறைவாக உள்ளது. மேலும் பலருக்கு ஊக்கம் தந்தால் பல பதக்கங்களை வெல்லலாம். சாதனை படைப்பதற்கு ஊனம் ஒரு தடையல்ல" என்று கூறினார்.

இந்த நிலையில், சொந்த ஊருக்கு வந்த மாரியப்பனை சேலம் மாவட்ட எல்லையான தொப்பூரில் கலெக்டர் சம்பத் பூங்கொத்து கொடுத்து வரவேற்றார். பின்னர் அங்கிருந்து தமிழக மாற்றுத்திறனாளிகள் நலத்துறைக்கு சொந்தமான வாகனத்தின் மேற்கூரையில் மாரியப்பன் அமர்ந்தார். அவருடன் அவரது தாயார் சரோஜா மற்றும் நண்பர்கள் அமர்ந்திருந்தனர். பாதுகாப்புக்கு காவலர்கள் இருவர் உடன் இருந்தார். மாரியப்பனை சாலையின் இருமடங்கிலும் நின்று பொதுமக்கள் வரவேற்றனர். நண்பர்கள், உறவினர்கள் மாரியப்பனை சிறிது நேரம் தோளில் தூக்கிச் சென்றனர். பின்னர் அங்கிருந்து வரவேற்புடன் சொந்த ஊர் வந்தடைந்தார். அங்கு தாரைப்தப்பட்டை முழங்கவும், மேளதாளத்துடனும் மாரியப்பனை ஊர்மக்கள் வரவேற்றனர். கிராமத்தில் மாரியப்பனின் பிளெக்ஸ் பேனர் வைத்து ஊர் மக்கள் அமர்க்களப்படுத்தினர். தங்க மகன் மாரியப்பன் வருகையால் சொந்த கிராமமே விழாக்கோலம் பூண்டது. 



சகாயராஜ்
- படங்கள்: வீ.கே.ரமேஷ்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ