Vikatan.com

www.vikatan.com would like to send you push notifications.

Notifications can be turned off anytime from browser settings.

கருணாநிதி கேள்விகளை எழுப்பி கொண்டுதான் இருப்பார்: பண்ருட்டி ராமச்சந்திரன்

தி.முக. தலைவர் கருணாநிதி, முதலமைச்சர் ஆகும் வரை கேள்விகளை எழுப்பிக் கொண்டுதான் இருப்பார் என்று அதிமுக செய்தித் தொடர்பாளர் பண்ருட்டி ராமச்சந்திரன் கூறினார்.

அப்போலோ மருத்துவமனையில் சிகிச்சை பெற்று வரும் முதலமைச்சர் ஜெயலலிதாவின் உடல்நிலை குறித்து இன்று விசாரித்து விட்டு செய்தியாளர்களைச் சந்தித்த பண்ருட்டி ராமசந்திரன், முதலமைச்சரின் உடல்நிலையில் நல்ல முன்னேற்றம் காணப்படுவதாகத் தெரிவித்தார். 

காவிரி விவகாரத்தில் அனைத்துக் கட்சி கூட்டம் நடத்த அவசியமில்லை என்று கூறிய அவர், வரும் 17 மற்றும் 18 தேதிகளில் விவசாயிகள் போராட்டம் நடத்துவது அவர்கள் உரிமை என்றார்.

உச்ச நீதிமன்ற தீர்ப்பு தமிழகத்துக்கு சாதகமாக இருக்கும் என்றும், தீர்ப்பின்படி காவிரி  மேலாண்மை வாரியம் அமைப்பதே சரியான தீர்வாக இருக்குமெனவும் கூறினார்.

இலாகாக்கள் நிதியமைச்சர் பன்னீர் செல்வத்திடம் ஒப்படைப்பது தொடர்பான ஆணையில் முதலமைச்சரின் கையெழுத்து குறித்து தி.முக. தலைவர் கருணாநிதி கேள்வி எழுப்பியுள்ளது தொடர்பாக பதிலளித்த பண்ருட்டி ராமசந்திரன், கருணாநிதி முதலமைச்சர் ஆகும் வரை இதுபோன்ற கேள்விகளை எழுப்பிக் கொண்டுதான் இருப்பார் என்றார்.

மேலும், பசும்பொன் மக்கள் கழகத் தலைவர் இசக்கிமுத்து, அப்போலோ சென்று, முதல்வர் ஜெயலலிதா உடல்நிலை குறித்து செய்தியாளர்களுக்கு பேட்டி அளித்தார். அப்போது, ஆமாங்க உண்மையாகவே உள்ளே போனேன். நான் முதல்வர் அனுமதிக்கப்பட்டிருக்கும் இரண்டாவது தளத்திற்கு நேராகவே சென்றேன். மற்ற தலைவர்கள் அந்தத் தளத்துக்குச் சென்றார்களா என்பது எனக்குத் தெரியாது. நான் அங்குச் சென்றேன். இரண்டாம் தளத்தின் லிப்ட் அருகேயே பாதுகாவலர்கள் இருக்கிறார்கள். முதல்வரின் இசட் பிரிவு பாதுகாப்புப் படை வீரர்கள் இருக்கிறார்கள். அங்கு இருக்கும் அறையில்தான் மூத்த அமைச்சர்களான ஓ.பி.எஸ்., எடப்பாடி பழனிச்சாமி உள்ளிட்டவர்களும், அரசு செயலர்கள் ஆகியோர் இருக்கிறார்கள். அவர்களிடம் விசாரித்தேன். 'அம்மா நல்ல இம்ப்ரூவ்மென்ட்ல இருக்காங்க' என்றனர் அமைச்சர்கள். அவர்களின் முகத்தில் நம்பிக்கையைப் பார்த்தேன். மன வருத்தமான சூழல் எதுவும் அங்கு இல்லை. அந்தத் தளத்தில் பாதுகாப்புக் கெடுபிடிகள் எதுவும் இல்லை. தரைத் தளத்தில் மருத்துவமனைக்கு வந்துள்ள பொதுமக்கள் ஏராளமானோர் இருந்தனர். அவர்களுக்குக் கெடுபிடிகள் எதுவும் இல்லை" என்றார்.

- சி.தேவராஜன்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ