Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

நதிநீர் பிரச்னைக்கு தமிழக ஆளுநர் சொல்லும் காரணம்!

ராமானுஜர் சுவாமிகள் காலத்தில் நதி பிரச்னைகள் இல்லை. இப்போது மழைநீர் பாதுகாக்க தவறியதால், 1000 வருடங்கள் கழித்து கர்நாடகாவுக்கும் தமிழகத்துக்கும் நதிநீர் பிரச்னை வருகிறது என்று தமிழக ஆளுநர் வித்யாசாகர் ராவ் கூறினார்.

ராமானுஜரின், ஆயிரமாவது அவதார ஜெயந்தி விழா, திருச்சி ஸ்ரீரங்கம் கோரத மூளையில் நடந்து வருகின்றது. வரும் 16-ம் தேதிவரை நடக்கும் இந்த விழாவின் முதல்நாளான இன்று, பெரிய ஜீயர் ரெங்க நாராயண ஜீயர், திருப்பதியின் சின்ன ஜீயர்  ஆகியோர் தலைமையில் நடைபெற்ற இந்த விழாவில் தமிழக ஆளுநர் விஜயசாகர் ராவ் கலந்துகொண்டார்.

விழாவில் பேசிய ஆளுநர் விஜயசாகர் ராவ், "ராமானுஜர் சுவாமிகள், ஒடுக்கப்பட்ட, அடித்தட்டு மக்களுக்காக பாடுபட்ட மகான்,  நாடுமுழுவதும் பயணம் செய்த அவர், கர்நாடகாவுக்கு சென்று அங்குள்ள மக்கள் கஸ்டப்படுவதை உணர்ந்து, அவர்களுக்கு உதவி செய்தார். அந்தப் பகுதி முன்னேற்றத்துக்காக அணைகட்டிக் கொடுத்தார். அப்போது நதி பிரச்னைகள் இல்லை. இப்போது மழைநீர் பாதுகாக்க தவறியதால், இப்போது 1000 வருடங்கள் கழித்து கர்நாடகாவுக்கும் தமிழகத்துக்கும் நதிநீர் பிரச்னை வருகிறது. இதுமட்டுமல்லாமல் கோதாவரி, முல்லைப்பெரியாறு உள்ளிட்ட பல நதிகளில் நீர் சிக்கல் இருக்கிறது.

உலகத்தில் உள்ள புத்தம், ஜைனம், சமணம், உள்ளிட்ட பல மதங்கள் இந்தியாவில் தோன்றியவை. அவை வளர்ந்து உலகம் முழுவதும் பரவியுள்ளன. இந்த எல்லா மதங்களும் அன்பையே போதிக்கின்றன. எந்த மதமும் தீவிரவாதத்தை போதிப்பதில்லை. ஆனால் சிலர் வன்முறையை கையிலெடுத்து தீவிரவாதத்தை பரப்புகிறார்கள். அதனால் எங்கோ ஒரு மூளையில் இருக்கும் சாதாரணமானவர்களுக்கும் பாதுகாப்பு இல்லாத நிலை இருக்கிறது. இந்திய பிரதமர் மோடி, முயற்சியால் யோகா தினம் அறிவிக்கப்பட்டது. இதை இப்போது உலகமே கடைபிடிக்கிறது. அதைப்போல் இந்த தேசம் பாரம்பரியமிக்க, கலாசாரம், பண்பாட்டைக் கொண்டது. இதை யாராலும் அழிக்க முடியாது" என்றார்.

விழாவில் ராமாநுஜர் வரலாறு அடங்கிய வாகனம் ஊர்வலமாக வந்தது. நிகழ்ச்சியை முன்னிட்டு அன்னதானம் வழங்கப்பட்டது.

- சி.ய.ஆனந்தகுமார்

படம்: என்.ஜி.மணிகண்டன்

Advertisement
Advertisement
Advertisement
Advertisement
Advertisement

எடிட்டர் சாய்ஸ்

'சாக்கடையில் கலந்த ஜெயலலிதா ரத்தம்!'   -எம்பால்மிங் சீக்ரெட்டை உடைக்கும் மருத்துவர்கள் #VikatanExclusive
placeholder

'இருதயம் செயலிழந்து போனதற்கான காரணம் என்ன? திடீரென்று செயலிழந்து நின்று போன இருதயத்தை ஏன் மீண்டும் செயல்பட வைக்க இயலவில்லை? உலகத் தரம் வாய்ந்த உபகரணங்களையும் நிபுணத்துவத்தையும் தோல்வியைத் தழுவச் செய்த காரணங்கள் யாவை?' என்ற கேள்விகளையே மருத்துவர் பீலேயும் அப்போலோ மற்றும் எய்ம்ஸ் மருத்துவர்களும் தமிழக-இந்திய மருத்துவ உலகத்தாரும் தமிழ்நாடு-மத்திய அரசுகளும் கேட்டிருக்க வேண்டும். அதற்கான பதிலைக் கண்டறிய இயன்றளவில் முயற்சியை மேற்கொண்டிருக்க வேண்டும். ஆனால் அதற்கான ஒரு சிறிய துரும்பு அளவிலான முயற்சியைக்கூட இவர்கள் எவரும் மேற்கொள்ளவில்லை என்பதுதான் உண்மை.

Advertisement

MUST READ

Advertisement
[X] Close