Vikatan.com

www.vikatan.com would like to send you push notifications.

Notifications can be turned off anytime from browser settings.

‘இதனால் தான் நாங்கள் பெளத்தத்துக்கு மாறினோம்...! ’ தலித் மருத்துவர்கள்


மிழகத்தில் உள்ள  ஓர் அரசு மருத்துவமனையில் அறுவைசிகிச்சைக்காக அனுமதிக்கப்பட்ட ஒருவர், தனக்குத் தேவையான ரத்தத்தை உயர் சாதியைச் சேர்ந்த ஒருவரிடம் இருந்துதான் பெற வேண்டும் என்று அடம்பிடித்திருக்கிறார்.


சாதித் தீண்டாமை

ஆன்டிராய்டு போனில் பாரதியார் app-ல் சாதிகள் இல்லையடி பாப்பா என்று குழந்தைகளுக்கு நாம் கற்றுக்கொடுக்கும் கால கட்டத்திலும் இத்தகையச் சாதித் தீண்டாமைகள் தொடர்ந்து கொண்டுதான் இருக்கின்றன. பல்வேறு துறைகளிலும்  தொழில் சார்ந்த தீண்டாமைகளும் தொடர்கின்றன. நவீனத் தீண்டாமைகளுக்கு எதிராகத் தமிழகத்தைச் சேர்ந்த 47 டாக்டர்கள் பெளத்த மதத்துக்கு மாறி இருக்கின்றனர். மகாராஷ்டிர மாநிலத்தின் நாகபுரியில் 1956-ம் ஆண்டு அக்டோபர்  14-ம் தேதி  ஞாயிற்றுக்கிழமை, அதாவது  60 ஆண்டுகளுக்கு முன்னால், இந்து மதத்திலிருந்து புத்த மதத்துக்கு மாறினார் அம்பேத்கர். இதை நினைவுகூறும் வகையில் கடந்த 16-ம் தேதி சென்னையில் 47 டாக்டர்கள் பெளத்த மதத்துக்கு மாறி இருக்கின்றனர். திருச்சியைச் சேர்ந்த பிரபல புற்றுநோய் மருத்துவர்  டாக்டர் ஜி.கோவிந்த ராஜ், அரசு மருத்துவமனையில் பணிபுரியும் டாக்டர் எம்.வி. தம்பையா,  மயக்கவியல் நிபுணர் டாக்டர் ஜானகிராமன் உள்ளிட்ட 47 பேர் பெளத்த மதத்தில் இணைந்துள்ளனர்


அம்பேத்கரின் கோட்பாடு

இந்த நிகழ்ச்சியை ஒருங்கிணைத்த மக்கள் மருத்துவக் குழுவைச் சேர்ந்த ஆனந்திடம் பேசினோம். 

"நாங்கள் அம்பேத்கரின் கொள்கைகளைப் பின்பற்றுகின்றோம். அவருடைய கோட்பாடுகளை மதிப்பதன் மூலம், ஏற்றுக்கொள்வதன் மூலம் பெளத்த மதத்துக்கு மாறுகின்றோம். கி.பி 2-ம் நூற்றாண்டில் குஷ்ய மித்திர சுங்கன் என்ற மன்னர்,  சதுர்வர்ம முறையை இந்தியாவில் ஏற்படுத்தினார். அப்போது பெளத்த மதத்தைச் சேர்ந்தவர்கள் அவரின் சதுர்வர்ம முறையை ஏற்றுக்கொள்ளவில்லை. எனவே, ஏற்றுக்கொள்ளாதவர்களை ஊரை விட்டு ஒதுக்கி வைத்தனர். அவர்களின் வழி வந்தவர்கள்தான் இப்போது தலித்கள் என்று அழைக்கப்படுகின்றனர். இதை வரலாற்றுப்பூர்வமாக அம்பேத்கர் நிரூபித்துள்ளார்.

தாய் மதம் திரும்புதல்

இதன் காரணமாகத்தான் இப்போது தலித்கள் பெளத்த மதத்துக்கு மாறுகின்றனர். நாங்கள் வரலாற்று ரீதியாக பெளத்த மதத்தைச் சேர்ந்தவர்கள்தான். அம்பேத்கர் இதனை தாய்மதம் திரும்புதல் என்று கூறுகிறார். எனவே நாங்கள் மதம் மாறவில்லை. தாய் மதத்துக்குத் திரும்புகின்றோம்.

ஒரு கோவிலின் பூசாரியாகவோ, அர்ச்சகராகவோ ஆகும் உரிமை தலித்களுக்கு இல்லை. ஆனால், எங்களுடைய தாய் மதமான பெளத்தத்தில் எல்லா உரிமைகளும் உள்ளன. இந்து மதத்தில் இருந்து தீண்டாமை அனுபவிப்பதில் இருந்து விடுபட வேண்டும் என்று நினைக்கின்றோம்.

தலித்கள் மீது  அனைத்துவிதமான தீண்டாமைகளும் கடைபிடிக்கப்படுகின்றன.  நவீன தீண்டாமை, பொருளாதாரத் தீண்டாமை இன்னும் இருக்கிறது. கிராமப்புறங்களில் டாக்டராகப் பணிபுரியும்போது, தங்குவதற்கு வீடு கொடுக்க மாட்டேன் என்கிறார்கள். தலித்கள் மீது கடைபிடிக்கும் தீண்டாமைகள் எங்கள் மீதும் தொடர்ந்து கொண்டு இருக்கின்றன. இதனால்தான் நாங்கள் தாய்மதத்துக்குத் திரும்பினோம்" என்றார்.


- கே.பாலசுப்பிரமணி

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ