Vikatan.com

www.vikatan.com would like to send you push notifications.

Notifications can be turned off anytime from browser settings.

அந்த தப்புக்கு இதுதான் தண்டனை..! ராதாபுரத்தை அதிர வைத்த கொடூரம்

பெண்களிடம் தவறாக நடப்பவர்களுக்கு அரபுநாடுகளில்தான் இத்தகைய கொடூர தண்டனைகள் கொடுக்கப்படும். அத்தகைய தண்டனை நெல்லை மாவட்டம், ராதாபுரத்தில் பிச்சைக்காரர் ஒருவருக்கு வழங்கப்பட்டுள்ளது.

நெல்லை மாவட்டம், ராதாபுரம் போலீஸ் எல்லைக்குட்பட்ட பகுதியில் இளையநயினார்குளத்தில் நிர்வாண நிலையில் ஆண் சடலம் கடந்த 27.8.2016-ல் கிடந்தது. அந்த உடலில் ஆண் உறுப்பு அறுக்கப்பட்டிருந்தது. இதைப்பார்த்ததும் பெண்கள் விவகாரத்தில் கொலை நடந்திருப்பதாக  போலீஸார் சந்தேகித்தனர். இதுதொடர்பாக சவுந்திரபாண்டியபுரம் கிராம நிர்வாக அலுவலர் வேலுத்தாய், ராதாபுரம் போலீசில் புகார் கொடுத்தார். அதன்பேரில் போலீஸார் விசாரணை நடத்தி வந்தனர்.  விசாரணையில் இறந்து கிடந்தவர் நெல்லை மாவட்டம், பணகுடி அருகே உள்ள பாம்பன்குளத்தைச் சேர்ந்த ரமேஷ் என்றும், பிச்சை எடுப்பவர் என்பதும் தெரியவந்தது. ரமேஷ் எதற்காக கொடூரமாக கொலை செய்யப்பட்டார் என்பது போலீஸாரின் கேள்வியாக இருந்தது. அவரை கொலை செய்தது யார் என்று போலீஸார் விசாரணையை மேற்கொண்டனர்.

இந்த சமயத்தில் ரமேஷ் கொலையில் கடந்த சில தினங்களுக்கு முன்பு துப்புதுலங்கியது. அவரைக் கொலை செய்தது தூத்துக்குடியைச் சேர்ந்த மகாராஜன் என்பது தெரிந்தது. இதனால் அவரை பிடித்த போலீஸார் மகாராஜனிடம் விசாரணை மேற்கொண்டனர். அப்போது திடுக்கிடும் தகவல்கள் வெளியாகின. 

இதுகுறித்து போலீஸ் உயரதிகாரி ஒருவர் கூறுகையில், "பாம்பன் குளத்தைச் சேர்ந்த ரமேஷ், வேலைக்கு எங்கும் செல்லாமல் ஊரைச் சுற்றி வந்துள்ளார். மது அருந்தும் பழக்கமும் உள்ளது. இவருக்குச் சில ஆண்டுகளுக்கு முன்பு மனநிலை பாதிக்கப்பட்டுள்ளது. இதற்காக நாகர்கோவில் அருகே உள்ள ராஜாவூரில் உள்ள சர்ச்சுக்கு அழைத்துச் சென்றுள்ளனர். அங்கு அவருக்கு மனநலம் பாதிப்பு சரியாகி விட்டது. ஆனால் அதேநேரத்தில் மனநலம் பாதிக்கப்பட்ட சமயத்தில் அவர் பிச்சை எடுக்கும் பழக்கத்தைக் கற்றுள்ளார். பிறகு அதையே தொழிலாக மாற்றியுள்ளார். இந்த சூழ்நிலையில் ரமேசுக்கு பல பெண்களுடன் பழக்கம் ஏற்பட்டுள்ளது. அவர்களிடம் அவர் எல்லை மீறியதாகவும் தெரிகிறது.

கடந்த சில மாதங்களுக்கு முன்பு  பாம்பன்குளம் வந்த ரமேஷ், மகாராஜனின் மகளிடம் தவறாக நடக்க முயன்றுள்ளார். இந்த ஆத்திரத்தில் ரமேஷை, மகாராஜன் கொடூரமாக கொலை செய்துள்ளார். போலீஸ் பிடியில் இருக்கும் மகாராஜன் மீது தூத்துக்குடி தாளமுத்துநகரில் 2010, 2014 ஆகிய ஆண்டுகளில் கொலை வழக்கும் நிலுவையில் உள்ளது. இதுதவிர திருட்டு வழக்குகளும் உள்ளன. இவர் ஒரு கட்சியில் பணகுடி நகர துணைச் செயலாளராகவும் உள்ளார்.

ரமேஷ் மீது கன்னியாகுமரி மாவட்டத்தில் பிச்சைக்காரனுக்குள் நடந்த மோதலில் சகாயம் என்பவரை கொலை செய்த வழக்கும் உள்ளது. ரமேஷ், சில பெண்களுடன் குடும்பமும் நடத்தியுள்ளார். பிச்சையாக கிடைக்கும் பணத்தில் மதுஅருந்திவிட்டு இதுபோல அவர் வாழ்ந்துள்ளார்" என்றார்.

போலீஸ் வட்டாரங்கள் கூறுகையில், "ரமேஷின் உடல் கிடந்த நிலையைப் பார்த்ததும் பெண் தொடர்பில் இந்த கொலை நடந்திருப்பதாக நாங்கள் சந்தேகித்தோம். அது இப்போது உறுதியாகி இருக்கிறது. ரமேஷுடன் பழக்கத்தில் இருந்த பெண்கள் அனைவரும் பிச்சை எடுக்கும் கும்பல். இதனால் பெரியளவில் பிரச்னை ஏற்படவில்லை. தூத்துக்குடியைச் சேர்ந்த மகாராஜன்,  பாம்பன்குளத்தைச் சேர்ந்த பெண்ணை திருமணம் செய்து அங்கேயே குடியிருந்து வருகிறார். இவருக்கு 3 வயதில் பெண் குழந்தை உள்ளது. மகாராஜனின் மகள் விவகாரத்தில்தான் ரமேஷுக்கும், அவருக்கும் இடையே பிரச்னை ஏற்பட்டுள்ளது. ரமேஷ் மீதுள்ள கொலை வழக்கும் பெண் தொடர்புடையதாக எங்களுக்கு தெரியவந்துள்ளது. அதுதொடர்பாக விசாரணை நடத்தி வருகிறோம். ரமேஷிக்கு தெரிந்த பெண்களிடம் விசாரணை நடத்தினோம். அப்போது அவர் குறித்த தகவல்களை அந்தப் பெண்கள் தெரிவித்துள்ளனர். ஆனால் இந்த கொலையில் அவர்களுக்கு எந்தவித தொடர்பும் இல்லை. இதனால் அவர்களை விட்டுவிட்டோம். ரமேஷ், பெண்கள் விஷயத்தில் ஒருமாதிரி என்பது மட்டும் இப்போதைக்கு தெரியவந்துள்ளது. தொடர்ந்து விசாரணை நடக்கிறது. விசாரணை முடிந்த பின்னர் மகாராஜன் கைது செய்யப்பட்டு நீதிமன்றத்தில் ஆஜர்படுத்தப்படுவார்" என்றனர்.

- எஸ்.மகேஷ்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ