Vikatan.com

www.vikatan.com would like to send you push notifications.

Notifications can be turned off anytime from browser settings.

சர்ஜிக்கல் ஸ்ட்ரைக் பற்றி கருத்து தெரிவித்த சிதம்பரத்துக்கு கொலைமிரட்டல்...!


காங்கிரஸ் கட்சியின் மூத்த தலைவர்களில் ஒருவரும் முன்னாள் அமைச்சருமான ப.சிதம்பரம் மஹாராஷ்டிர மாநிலத்தில் இருந்து ராஜ்யசபா உறுப்பினராகத் தேர்ந்தெடுக்கப்பட்டு செயல்பட்டு வருகிறார்.

மும்பையிலிருந்து வெளியாகும் இந்தியன் எக்ஸ்பிரஸ் நாளிதழில், ஞாயிறுதோறும் சிறப்புக் கட்டுரைகளை எழுதி வரும் ப.சிதம்பரம் கடந்த 16-ம் தேதி  'சர்ஜிக்கல் அட்டாக்' பற்றிய கருத்துக்களை பதிவு செய்திருந்தார்.

இந்திய ராணுவம் கடந்த சில தினங்களுக்கு முன் பாகிஸ்தான் எல்லைக்குள் புகுந்து தீவிரவாதிகள் மீது தாக்குதல் நடத்தி திரும்பியது. இந்தத் தாக்குதலை ராணுவத்தினர் 'சர்ஜிக்கல் அட்டாக்' என்று வர்ணித்தனர்.

'சர்ஜிக்கல் அட்டாக் நடத்தி நமது ராணுவம் பாகிஸ்தான் தீவிரவாதிகளுக்கு பதிலடி கொடுத்துவிட்டது' என மத்திய அரசு பெருமைப்பட்டுக் கொள்கிறது. ஆனால், ஆம் ஆத்மி, காங்கிரஸ் உள்ளிட்ட கட்சியினர் இந்தத் தாக்குதல் குறித்துப் பல்வேறு விமர்சனங்களை எழுப்பி வருகிறார்கள்.
இந்த வகையில்தான் ப.சிதம்பரமும் சர்ஜிக்கல் அட்டாக் குறித்து தனது விமர்சனத்தை கட்டுரையாக எழுதியிருந்தார். அதில், 'இது முதல்முறையாக இந்திய ராணுவம் மேற்கொண்டதுபோல், மத்திய அரசு பேசிவருகிறது. ஆனால் இதுபோன்ற சர்ஜிக்கல் அட்டாக்கினை ஏற்கெனவே பல முறை நமது ராணுவம் நடத்தியுள்ளது. அதைப் பற்றிய விஷயங்களை வெளியிடுவது அவசியமில்லை. ஆனால், இதையும்கூட இப்போது மத்திய அரசு அரசியலாக்கி வருகிறது' என்ற ரீதியில் குறிப்பிட்டு இருந்தார். இந்தக் கட்டுரை இணைய தளத்தில் வெளியான சில மணித்துளிகளில், ராஜகோபாலன் என்ற பெயரில், ப.சிதம்பரத்துக்கு கொலை மிரட்டல் விடும் தொனியில் ஒரு ட்விட்டர் பதிவு வெளியிடப்பட்டுள்ளது.

அந்தப் பதிவில், 'ஜனநாயகத்தைக் காப்பாற்ற வேண்டும் என்றால் ப.சிதம்பரத்தையும் அவரது குடும்பத்தையும் கொல்வதுதான் சிறந்த வழி' என்று குறிப்பிட்டுள்ளார் அந்த மர்ம நபர்.

இந்தப் பதிவு சிதம்பரம் தரப்பினருக்கு கடும் அதிர்ச்சியை ஏற்படுத்தியுள்ளது. ப.சிதம்பரத்தின் மகனான கார்த்திக் சிதம்பரம் உடனடியாக சட்ட நிபுணர்களுடன் ஆலோசனை செய்துள்ளார். இதையடுத்து ட்விட்டர் பதிவைப் அப்படியே புகைப்படம் எடுத்த காங்கிரஸ் கட்சியின் மாநில பொதுச்செயலாளர் அருள்பெத்தையா, சென்னை மாநகர ஆணையர் ஜார்ஜிடம் புகார் அளித்துள்ளார்.

சைபர் க்ரைம் போலீஸாரிடம் இந்த வழக்கு ஒப்படைக்கப்பட்டுள்ளதால், சம்பந்தப்பட்ட ட்விட்டர் பக்கத்தை அவர்கள் முழுமையாக ஆய்வு செய்துவருகின்றனர் . இந்த மிரட்டல் விடுத்த ராஜகோபாலன் சென்னையைச் சேர்ந்தவர் என்பது தற்போது கண்டுபிடிக்கப்பட்டுள்ளது. ''இவர் ஐ.டி துறையில் பணிபுரியும் நபராக இருக்கலாம் என்று சந்தேகிக்கிறோம். இன்னும் ஓரிரு நாட்களில் ராஜகோபாலனைப் பிடித்துவிடுவோம்'' என்கின்றனர் காவல்துறையினர்.

முதல்வரின் உடல்நிலைக் குறித்து வதந்தி பரப்பியவர்களை கைது செய்து வரும் சூழ்நிலையில், இப்போது அடுத்த அதிரடியாக இவ்விவகாரம் பரபரக்கிறது!

- அ.சையது அபுதாஹிர்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ