Vikatan.com

www.vikatan.com would like to send you push notifications.

Notifications can be turned off anytime from browser settings.

முதல்வர் நலம் பெற வேண்டி நடந்த ஊர்வலத்தில் பெண் பலியான பரிதாபம் !

திருவண்ணாமலை : தமிழக முதல்வர் ஜெயலலிதா உடல் நலம் பெற வேண்டி நடந்த பால்குட ஊர்வலத்தில் நெரிசல் ஏற்பட்டு, பெண் ஒருவர் பரிதாபமாக உயிரிழந்தார். 8 பேர் மயங்கினர்.

உடல்நலம் குன்றி மருத்துவமனையில் அனுமதிக்கப்பட்டுள்ள தமிழக முதல்வர் ஜெயலலிதா விரைவில் நலம் பெற்று வீடு திரும்பக் கோரி, தமிழகம் முழுவதும் அதிமுகவினர் பலவித வழிபாடுகளில் ஈடுபட்டு வருகின்றனர். அமைச்சர்கள், எம்.எல்.ஏ.க்கள், கட்சி நிர்வாகிகள் அன்றாட பணியாகவே இந்த வழிபாடுகள் மாறி விட்டன.

சிறப்பு பூஜையில் துவங்கி யாகம் வளர்ப்பது, பால் குடம் எடுத்தல், மண் சோறு சாப்பிடுவது என விதவிதமான வழிபாடுகளில் ஈடுபட்டு வருகிறார்கள் அதிமுகவினர். அதன்படி முதல்வர் ஜெயலலிதா உடல்நலம் பெறக்கோரி, திருவண்ணாமலையில் நடந்த பால்குட ஊர்வலத்தில் நெரிசல் ஏற்பட்டு ஒருவர் பலியான சோகம் அரங்கேறியுள்ளது.

தமிழக முதல்வர் ஜெயலலிதா உடல்நலம் பெற்று திரும்ப வேண்டும் என வேண்டி, பால்குட ஊர்வல நிகழ்ச்சிக்கு ஏற்பாடு செய்திருந்தனர் முன்னாள் அமைச்சர் அக்ரி கிருஷ்ணமூர்த்தியின் ஆதரவாளர்கள். அக்ரி கிருஷ்ணமூர்த்தி இந்த பால் குட ஊர்வலத்தில் பங்கேற்றிருந்தார்.

திருவண்ணாமலை பச்சையம்மன் கோயிலிருந்து அருணாச்சலேஸ்வரர் கோயிலுக்கு 5001 பேர் பால் குடம் எடுத்துச் செல்ல ஏற்பாடுகள் செய்யப்பட்டிருந்தன. ஆனால் நெருக்கடி மிகுந்த சாலையில் ஊர்வலம் சென்றதால் நெரிசல் ஏற்பட்டு ஒருவர் மீது ஒருவர் சாய்ந்தனர். இந்த நெரிசலில் சிக்கி, மூச்சுத்திணறல் ஏற்பட்ட பெண்கள் சிலர் மருத்துவமனையில் அனுமதிக்கப்பட்டனர். இதில் கமலாம்பாள் எனும் 60 வயது பெண் மருத்துவமனை கொண்டு செல்லும் வழியில் இறந்தார்.

மேலும் எட்டு பேர், மூச்சுத்திணறலால் மயங்கிய நிலையில் திருவண்ணாமலை அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளனர். இந்த சம்பவம் திருவண்ணாமலையில் பெரும் பரபரப்பையும், சோகத்தையும் ஏற்படுத்தியது.
நெரிசலில் சிக்கி கட்சித் தொண்டர் ஒருவர் இறந்த நிலையிலும் பால் குட ஊர்வலத்தை தொடர்ச்சியாக நடத்தி முடித்தார் அக்ரி கிருஷ்ணமூர்த்தி. வேண்டுதல் முதல்வர் நலம் பெற வேண்டும் என்பது தானே!.

- அ.அச்சணந்தி,

படங்கள்: கா.முரளி

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ