Vikatan.com

www.vikatan.com would like to send you push notifications.

Notifications can be turned off anytime from browser settings.

காதுகள் எத்தனை 'டெசிபல்' ஒலியைத் தாங்கும் ?

          

ந்தியாவில் பத்து பேரில் ஒருவருக்கு காதுகேளாமை கோளாறு உள்ளதாக சமீபத்திய ஆய்வு ஒன்று தெரிவிக்கிறது. இதற்குக் காரணம், நம் நாட்டில் உள்ள வாகன இரைச்சல், நீண்ட நேரம் அதிகச் சத்தத்துடன் டி.வி. பார்ப்பது, இசை கேட்பது போன்றவற்றை சொல்லலாம். அதிலும் தீபாவளி சமயங்களில் அதிகச் சத்தத்துடன் கூடிய பட்டாசுகளை வெடிக்கும்போது காது கேளாமை கோளாறு அதிகரிக்கும் வாய்ப்புகள் ஏற்படுகின்றன.

எனவே குறைந்த ஒலியை எழுப்பும் பட்டாசுகளை வெடிப்பதே காதுகளுக்கு நல்லது. செவிடான பிறகு சிகிச்சை மூலம் குணப்படுத்த முடியாது. காதொலி கருவிகள் பொருத்தினாலும் துல்லியமாகக் கேட்க இயலாது.

 

தமிழகத்தில் ஒவ்வொரு ஆண்டும் போலீசார் தவறாமல் தீபாவளிக்கு சில நாட்கள் முன்பாகவே இதுகுறித்த அறிக்கை ஒன்றை வெளியிடுவதை வழக்கமாகக் கொண்டுள்ளனர். அதில், " தீபாவளி பட்டாசை 125 டெசிபல் ஒலிக்கு அதிகமாக தயாரிக்கவோ, விற்கவோ தடை இருக்கிறது. மீறினால் குறிப்பிட்ட சட்டப்பிரிவுகளில் நடவடிக்கை எடுக்கப்படும்" என்று சொல்லப் பட்டிருக்கும்.

பட்டாசில் இருந்து எழும் சத்தத்தால் காது செவிடாவதைப் போல, அதில் இருந்து வெளியாகும் புகையால் கண், தொண்டை, மூக்கு போன்றவற்றில் பல்வேறு பிரச்சினைகள் ஏற்படுகின்றன. பட்டாசு புகையின் தாக்கம் உடனே தெரியாது. ஒரு வாரகாலம் சென்ற பின்னரே, அந்த தாக்கத்தை உணர முடியும். முதலில் தலைவலியை உண்டாக்கும். பின்னர், மூளையின் செயல்பாடுகளில் அது பாதிப்பை ஏற்படுத்தும். இதயம், நுரையீரல் கோளாறு உள்ளவர்கள் பட்டாசு புகையை சுவாசிப்பதை தவிர்ப்பது மிகவும் நல்லது.

பட்டாசு வெடிக்கும்போது காதில் வலியும், இரைச்சலும் காணப்பட்டால் சாதாரண வலிதானே என்று இருந்து விடுவது நல்லதல்ல. காது, மூக்கு, தொண்டை மருத்துவ  நிபுணரிடம் சென்று பரிசோதனை செய்து கொள்வது நல்லது. ஒருவருடைய காது எந்த அளவுக்கு கேட்கும் திறனைப் பெற்றுள்ளது என்பதை பியூர்டோன் ஆடியோ மெட்ரிக் பரிசோதனை மூலம் கண்டறியலாம்.  நடு காது, உள் காது ஆகியவற்றில் ஏதாவது பிரச்சினையா என்பதையும் கண்டுபிடித்து விடலாம்.

 

ஆஸ்துமா நோய் பாதிப்பு உள்ளவர்கள், பட்டாசு வெடிப்பதைத் தவிர்க்க வேண்டும். பிறர் பட்டாசுகளை வெடித்தாலும் அருகே நின்று பட்டாசு புகையை சுவாசிக்கக் கூடாது. பட்டாசு புகையானது, நல்ல உடல் நலத்துடன் இருப்போருக்குக் கூட ஆஸ்துமாவை உண்டாக்கும் ஆபத்து கொண்டது. சளி, இருமல் அலர்ஜியால் பாதிக்கப் பட்டவர்களும் பட்டாசு புகையை சுவாசிப்பது நல்லதல்ல.

    

80 டெசிபல் ஒலி எழும் அளவுக்கு பட்டாசு வெடிப்பவர்கள் விரைவிலேயே காது கேளாமையின் பிடியில் சிக்க நேரிடும். அதிக ஒலியைக் கேட்கும் சூழலில் இருப்பவர்களுக்கு அதிக ரத்த அழுத்தம், மாரடைப்பு, தூக்கமின்மை, காது கேளாமை கோளாறுகள் ஏற்படும் வாய்ப்புள்ளதாக மருத்துவ நிபுணர்கள் தெரிவிக்கின்றனர். ஒரு மனிதனால் 60 டெசிபல் ஒலி அளவுக்குதான் கேட்க முடியும் என்கின்றனர் அவர்கள். 

அனீமியா, சிறுநீரகக் கோளாறு போன்ற பல்வேறு பாதிப்புகளை ஏற்படுத்தும் பட்டாசுகளை வெடிக்காமல் தவிர்ப்பதே உடல் ஆரோக்கியத்திற்கு உகந்தது. அதிக சத்தமாக வெடிக்கும் பட்டாசுகளை வாங்காமல் தவிர்த்தால் அதிக புகையை சுவாசிப்பதையும் தவிர்க்கலாம்.

தமிழகத்தின் நகரெங்கிலும் இன்றுமுதல் இரண்டு நாட்களுக்கு பட்டாசுகளை வெடிக்கப் போகிறவர்களே, இந்த நாட்களில் வீதிகளில் கால் நடைகளான ஆடு, மாடு, கோழிகள் மற்றும் செல்லப் பிராணிகளான நாய்கள், பூனைகள் உங்கள் கண்ணில் மாட்டுகிறதா பாருங்களேன். அவைகள் பட்டாசுப் பொறிக்கு பயந்து எங்கும் ஓடவில்லை. பட்டாசு வெடிச் சத்தத்தால், தங்களின் காதுகளை காப்பாற்றிக் கொள்ளத்தான் சத்தமே கேட்காத இடமாகப் பார்த்து, பதுங்கிக் கொள்கின்றன. நாமும் பதுங்கத்தான் வேண்டுமா ? பதுங்காமல் இருக்க வேண்டுமானால், நமக்கு நாமே கட்டுப்பாடுகளை விதித்து, ஒலி குறைந்த, சுற்றுச்சூழலுக்கு மாசு ஏற்படுத்தாத பட்டாசுகளை வெடிக்கப் பழகுவோம் !

ந.பா.சேதுராமன்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ