Vikatan.com

www.vikatan.com would like to send you push notifications.

Notifications can be turned off anytime from browser settings.

மவுலிவாக்கத்தில் நாளை 11 மாடி அடுக்குமாடி கட்டடம் இடிப்பு: மின்தடை இடங்கள் அறிவிப்பு

மவுலிவாக்கத்தில் நாளை 11 மாடி அடுக்குமாடி கட்டடம் இடிக்கப்படுவதையொட்டி பிற்பகல் 12 முதல் மின்சாரம் தடை செய்யப்படுவதாக காஞ்சிபுரம் மாவட்ட ஆட்சியர் விஜயலட்சுமி அறிவித்துள்ளார்.

கடந்த 2014-ம் ஆண்டு ஜூன் 28-ம் தேதி சென்னை மவுலிவாக்கத்தில் இருந்த இரண்டு 11 மாடி கட்டடங்களில் ஒன்று இடிந்து விழுந்தது. இதில் 61 பேர் உயிரிழந்தனர். இதனிடையே, அருகில் இருந்த மற்றொரு 11 மாடி கட்டடத்தை இடிக்க கோரி உச்ச நீதிமன்றத்தில் வழக்கு தொடரப்பட்டது. இந்த வழக்கை விசாரித்த உச்ச நீதிமன்றம், கட்டடத்தை ஆய்வு செய்ய உத்தரவிட்டது. இதைத் தொடர்ந்து ஆய்வு குழுவினர் கட்டடத்தை ஆய்வு செய்து அறிக்கையை உச்ச நீதிமன்றத்தில் தாக்கல் செய்தனர். அதில், கட்டடத்தை இடிக்கலாம் என்று கூறப்பட்டிருந்தது. இதைத் தாெடர்ந்து கட்டடத்தை இடிக்க உச்ச நீதிமன்றம் உத்தரவிட்டது. ஆனால், கட்டடம் இடிக்காமல் தமிழக அரசு தாமதப்படுத்தி வந்தது.

இந்த நிலையில், மவுலிவாக்கம் 11 மாடி கட்டடத்தை இடிக்க தமிழக அரசு முடிவு செய்துள்ளது. அதன்படி கட்டடம் நாளை மாலை இடிக்கப்படுகிறது. இதைத் தொடர்ந்து மவுலிவாக்கம் சுற்றுபுறப் பகுதிகளில் நாளை பிற்பகல் 12 முதல் கட்டடத்தை இடித்து முடிக்கும் வரை மின்சாரம் தடை செய்யப்படுவதாக காஞ்சிபுரம் மாவட்ட ஆட்சியர் கஜலட்சுமி தெரிவித்துள்ளார். 

போரூர்- குன்றத்தூர் ரோடு, மவுலிவாக்கம், மாதாநகர், கெருகம்பாக்கம் உள்ளிட்ட பகுதிகளிலும், தொழிற்சாலைகள் உள்ள பழனி நகரிலும் மின் தடை அமலில் இருக்கும் என்று அறிவித்துள்ளார்.
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ