Vikatan.com

www.vikatan.com would like to send you push notifications.

Notifications can be turned off anytime from browser settings.

'மாவட்டத்துக்கு இவ்வளவு தாங்க...!' அதிகாரிகளுக்கு 'வரி' போட்டாரா அமைச்சர்?

சென்னை, கோவை, சேலம் ஆகிய மூன்று மாவட்ட வணிகவரித்துறையில் பணியாற்றும் முக்கியமான சில உயர் அதிகாரிகளுக்கு தேர்தல் செலவுக்காக குறிப்பிட்ட தொகை வரை வசூலித்துத் தர வேண்டும் என்று வாய்மொழி உத்தரவு பிறப்பிக்கப்பட்டுள்ளது.

தமிழகத்தில் திருப்பரங்குன்றம், தஞ்சாவூர், அரவக்குறிச்சி ஆகிய தொகுதிகளில் வரும் 19-ம் தேதி தேர்தல் நடத்தப்படுகிறது. இந்த தேர்தலில் அ.தி.மு.க., தி.மு.க.வினருக்கு இடையே கடும் போட்டி நிலவுகிறது. திருப்பரங்குன்றம் அ.தி.மு.க எம்.எல்.ஏ சீனிவேல், மரணமடைந்ததால் அங்கும் இடைத்தேர்தல் நடத்தப்படுகிறது. முதல்வர் ஜெயலலிதா, அப்போலோ மருத்துவமனையில் சிகிச்சை பெற்று வருவதால் அவர் பிரசாரத்துக்குச் செல்லவில்லை. இருப்பினும் இந்த 3 தொகுதிகளிலும் ஜெயிக்க வேண்டும் என்ற குறிக்கோளாடு களமிறங்கியுள்ளனர் ஆளுங்கட்சியான அ.தி.மு.க.வினர்.

முதல்வர் ஜெயலலிதா, மருத்துவமனையில் இருப்பதால் நிச்சயம் இந்த தேர்தலில் வெற்றி பெற வேண்டும் என்று இலக்கோடு தி.மு.க.வினரும் களமிறங்கியுள்ளனர். தஞ்சை, அரவக்குறிச்சி தொகுதிகளில் கடந்த முறை அ.தி.மு.க மற்றும் தி.மு.க வேட்பாளர்கள் வெற்றி பெற வேண்டும் என்று பணத்தை அள்ளி வீசியதால் தேர்தலை ரத்து செய்தது தேர்தல் ஆணையம். இடைத்தேர்தலிலும் அதே வேட்பாளர்கள், அ.தி.மு.க.விலும், தி.மு.கவிலும் களமிறங்கப்பட்டுள்ளனர். இதற்கு எதிர்ப்பு தெரிவித்து நீதிமன்றத்தில் தாக்கல் செய்யப்பட்ட மனுவும் தள்ளுபடி செய்யப்பட்டது.

இந்நிலையில். அ.தி.மு.க.வில் ஒவ்வொரு தொகுதிக்கும் அமைச்சர்கள் பொறுப்பாளராக நியமிக்கப்பட்டுள்ளனர். இதில் தமிழகத்தின் கஜானாவை நிரப்பும் துறைகளில் முக்கியமான ஒரு துறையாக வணிகவரித்துறை உள்ளது. இந்த துறையில் உள்ள உயர் அதிகாரிகளிடம் தேர்தல் செலவுக்கு என்று குறிப்பிட்ட தொகையை வசூலித்து கொடுக்க வேண்டும் என்று கூறப்பட்டுள்ளதாக அந்த துறையினர் தெரிவித்தனர்.

இதுகுறித்து வணிகவரித்துறை வட்டாரங்கள் கூறுகையில், "கடந்த சில தினங்களுக்கு முன்பு சென்னையில் எங்கள் துறையின் ஆய்வு கூட்டம் நடந்தது. கூட்டம் முடிந்த பிறகு வரிவசூல் மற்றும் துறையின் முக்கியமான பொறுப்பில் இருக்கும் அலுவலர்களுக்கு வாய்மொழியாக ஒரு உத்தரவு பிறப்பிக்கப்பட்டது. அதில் நம்முடைய துறையில் முக்கியமான பொறுப்பில் 30 உயர் அதிகாரிகள் உள்ளனர். இதில் 22 அதிகாரிகள் பணியாற்றும் இடங்களில் வசூல் மழை கொட்டுகிறது. இதனால் அவர்கள் வசூலுக்கு ஏற்ப தலா 10 லட்சம் முதல் 30 லட்சம் ரூபாய் வரை தேர்தல் செலவுக்கு வழங்க வேண்டும். வசூல் குறைவாக உள்ள 8 அதிகாரிகளுக்கு தலா 5 லட்சம் ரூபாய் கொடுக்க வேண்டும். இந்த பணத்தை 7ம் தேதிக்குள் (இன்று) ஏற்பாடு செய்ய வேண்டும் என்று துறையின் முக்கியமானவர் தரப்பிலிருந்து தெரிவிக்கப்பட்டது. இதைக்கேட்ட வணிகவரித்துறையில் சில உயர் அதிகாரிகள் அதிர்ச்சியில் உறைந்ததோடு தங்களுக்குள் புலம்பிக் கொண்டனர். வேறு வழியின்றி அந்த உயர் அதிகாரிகளும் தங்களுக்கு நிர்ணயிக்கப்பட்ட தொகையை ஏற்பாடு செய்து கொடுத்துள்ளனர். குறிப்பாக சென்னை, கோவை, சேலம் ஆகிய வணிகவரித்துறையில் பணியாற்றும் அதிகாரிகளிடமிருந்து 30 லட்சம் ரூபாய் வரை வசூலிக்கப்பட்டுள்ளதாக கூறப்படுகிறது. இவ்வாறு வணிகவரித்துறையில் நடக்கும் அடாவடி வசூல் குறித்து யாரிடமும் முறையிட முடியாமல் நாங்கள் தவிக்கிறோம்.

இடைத்தேர்தலை தவிர்த்து ஒவ்வொரு ஆண்டும் ஏற்றுமதியில் ஈடுபடும் வணிகர்களுக்கு அவர்கள் வரியாக செலுத்திய தொகை முழுவதும் திரும்ப கொடுக்கப்படும். இது ஆண்டுக்கு 2 ஆயிரம் கோடி ரூபாயிலிருந்து 6 ஆயிரம் ரூபாய் கோடி வரை பணம் வணிகர்களுக்கு கொடுக்கப்பட்டு வருகிறது. இந்த தொகையிலும் 10 சதவிகிதம் கமிஷன் தங்களுக்கு வேண்டும் என்று துறையின் முக்கியமானவர்கள் வணிகவரித்துறை உயர்அதிகாரிகளிடம் தெரிவித்துள்ளனர். இவ்வாறு வணிகவரித்துறையில் நிலவும் பிரச்னைகளுக்கு நடவடிக்கை எடுக்காமல் வசூலில் மட்டும் அந்த தரப்பு ஆர்வம் காட்டுகிறது" என்றனர்.

இதுகுறித்து வணிகவரித்துறை அமைச்சர் கே.சி.வீரமணியிடம் பேசினோம். "வணிகவரித்துறையிடமிருந்து தேர்தல் செலவுக்காக பணம் வசூலிப்பது குறித்து எனக்கு எதுவும் தெரியாது. மீட்டிங்கில் வெளிப்படையாக யாராவது பணம் கேட்பார்களா. மீட்டிங் எப்போது, எங்கே நடந்தது. தற்போது நான் தேர்தல் பணியில் உள்ளேன். பணத்தை யார் வசூலிக்கச் சொன்னது என்பதை என்னிடம் சொல்லுங்கள். நான் நடவடிக்கை எடுக்கிறேன்" என்றார்.

நமது நிருபர்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ