Vikatan.com

www.vikatan.com would like to send you push notifications.

Notifications can be turned off anytime from browser settings.

ஜஸ்ட் மிஸ்ஸான ஆட்டோ. அண்ணா மேம்பால விபத்தின் சிசிடிவி வீடியோ

சென்னை அண்ணாசாலையில் உள்ள அண்ணா மேம்பாலத்திலிருந்து நேற்றிரவு தறிகெட்டு ஓடிய லாரி 15 அடி உயரத்திலிருந்து தலைகுப்புற கீழே விழுந்தது. இந்த சம்பவம் அருகில் உள்ள சி.சி.டி.வி கேமராவில் பதிவானது. அந்த வீடியோ தற்போது வெளியாகியுள்ளது.

 திருவொற்றியூரிலிருந்து தாம்பரத்துக்கு சென்ற டிப்பர் லாரி, சென்னை அண்ணாசாலையில் உள்ள அண்ணாமேம்பாலத்தில் 8ம் தேதி அதிகாலை 1.30 மணியளவில் வந்தது. இந்த லாரி மேம்பாலத்தில் சென்ற போது திடீரென கட்டுப்பாட்டை இழந்து தறிக்கெட்டு ஓடத்தொடங்கியது. டிரைவர் சுதாரிப்பதற்குள் கண் இமைக்கும் நேரத்தில் மேம்பாலத்தின் தடுப்புசுவரை இடித்துத்தள்ளிய லாரி, 15 அடி உயரத்திலிருந்து தலைகீழாக விழுந்தது. மேம்பாலத்தின் கீழே உள்ள சாலையில் நிறுத்தப்பட்டு இருந்த ஆட்டோ, இரண்டு டாடா ஏஸ் வாகனங்களின் மேல் லாரி விழுந்ததில் மூன்று வாகனங்களும் சேதமடைந்தன.

 இதுகுறித்து பாண்டிபஜார் போக்குவரத்து புலனாய்வு போலீஸார் சம்பவ இடத்துக்கு விரைந்து வந்தனர். உடனடியாக எழும்பூர், தேனாம்பேட்டை உள்ளிட்ட 15 இடங்களிலிருந்து தீயணைப்பு வாகனங்கள் சம்பவ இடத்துக்கு வரவழைக்கப்பட்டன. ராட்சத கிரேன்கள் பயன்படுத்தி விபத்துக்குள்ளான டிப்பர் லாரி மற்றும் சேதம் அடைந்த வாகனங்கள் அகற்றப்பட்டன. மீட்பு பணிகள் அதிகாலை 4.30 மணி வரை நடந்தது.

 இந்த விபத்தில் அதிர்ஷ்டவசமாக டிப்பர் லாரி டிரைவர் மணிகண்டன் சிறு காயங்களுடன் தப்பினார். அவருக்கு முதலுதவி அளிக்கப்பட்டு கவனக்குறைவாக டிப்பர் லாரியை ஓட்டியதாக டிரைவர் மணிகண்டனை போலீஸார் கைது செய்தனர்.

 இதுகுறித்து போலீஸ் வட்டாரங்கள் கூறுகையில், "டிப்பர் லாரியை ஓட்டிய டிரைவர் மணிகண்டன் தாம்பரம், கடத்தேரியை சேர்ந்தவர். இவர், டிப்பர் லாரியில் குரோம்பேட்டையிலிருந்து ஜல்லி கற்களை ஏற்றிக் கொண்டு திருவொற்றியூருக்கு சென்றுள்ளார். பிறகு அங்கிருந்து தாம்பரத்துக்கு செல்லும் வழியில் டிப்பர் லாரி விபத்துக்குள் சிக்கியுள்ளது. ஆட்நடமாட்டம் இல்லாததால் பெரியளவில் விபத்து நடந்தாலும் உயிர்சேதம் இல்லை. டிரைவர் மணிகண்டனும், லாரியிலிருந்து குதித்து தப்பியுள்ளார். லாரி கீழே விழுந்ததில் சேதமடைந்த டாடா ஏஸ் வாகனம், அங்கு மரக்கடை நடத்தி வரும் ரியாஸ் என்பவரும், ஆட்டோ, ரவிக்குமாருக்கும் சொந்தமானது என்று தெரியவந்துள்ளது. மேம்பாலத்தில் 10 அடி அளவுக்கு தடுப்பு சுவர்கள் இடிந்து சேதமடைந்துள்ளது. அந்த பகுதியில் தற்காலிகமாக தடுப்புகள் ஏற்படுத்தப்பட்டுள்ளன. தற்போது அந்த பகுதியில் வாகனங்கள் வழக்கம் போல இயக்கப்படுகின்றன"என்றனர்.

 

 

 லாரி விழுந்ததைப் போல இதற்கு முன்பு அரசு பஸ் இதே மேம்பாலத்தின் தடுப்புச்சுவரை இடித்துத்தள்ளியது விபத்துக்குள்ளானது குறிப்பிடத்தக்கது.

எஸ்.மகேஷ்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ