Vikatan.com

www.vikatan.com would like to send you push notifications.

Notifications can be turned off anytime from browser settings.

ஏ.டி.எம்-களில் ஏன் இவ்வளவு சீக்கிரம் பணம் காலியாகிறது தெரியுமா?

நவம்பர் 8-ம் தேதி இரவில் தொடங்கிய மக்களின் சங்கடங்கள் இன்னும் ஓயவில்லை. பணத்தை மாற்ற முயற்சிக்கும் மக்கள் வங்கிகளில் வரிசையில் காத்திருக்கிறார்கள். தள்ளுமுள்ளுகளும், நெரிசல்களும் தான் இந்தியாவில் உள்ள பெரும்பாலான வங்கிகளில் இப்போதைய காட்சியாக இருக்கிறது. 

வங்கிகளில் மட்டுமல்ல ஏடிஎம்களிலும் இதே நிலைமைதான். பல மணிநேரம் வரிசையில் காத்திருந்து ஏடிஎம் இயந்திரத்தை நெருங்கும்போது பணமில்லாமல் போய்விடும் நிகழ்வுகளும் அரங்கேறுகின்றன. பிறகு வேறு ஏடிஎம்க்கு போனால், அங்கு நீண்டவரிசை நமக்கு முன்பே இருக்கிறது. பல ஏடிஎம்கள் பணமில்லாததால் மூடப்பட்டுள்ளன. இந்த நிலையில், அன்றாட செலவுக்கும், வியாபாரத்துக்கும் தேவையான பணத்தை எடுக்க முடியாமல் பெரும்பாலானோரின் இயல்பு நிலை பாதிக்கப்பட்டுள்ளது.

ஏன் இந்த நிலை?

இந்தியா முழுவதும் தற்போது இரண்டு லட்சம் ஏடிஎம் மையங்கள் உள்ளன. ஒரு ஏடிஎம் இயந்திரத்தில் பணம் வைக்க நான்கு, நான்கு அறைகள் இருக்கும். ஒரு அறையில் 22 கட்டு ரூபாய் நோட்டுகளை வைக்கலாம். நான்கு அறைகளிலும் 1,000 ரூபாய் தாள்களை வைத்தால் ரூ. 88 லட்சம் வரை வைக்க முடியும். ஆனால் தற்போது 500, 1000 ரூபாய் நோட்டுகள் செல்லாது என்று அறிவிக்கப்பட்டு புதிய 500, 2000 நோட்டுகள் வெளியிடப்பட்டுள்ளன.

தற்போதுள்ள ஏடிஎம்கள், இந்தப் புதிய நோட்டுகளை வெளியிடுவதற்கு தேவையான அம்சங்களைக் கொண்டிராததால், அவை தற்போது வங்கிகளில் மட்டுமே வழங்கப்பட்டு வருகின்றன. இந்த நிலையில் ஏடிஎம்களில், 100 ரூபாய் நோட்டுகளை மட்டுமே வைக்க வேண்டிய நிர்பந்தம் ஏற்பட்டுள்ளது. 100 ரூபாய் நோட்டுகளை மட்டுமே வைக்க முடியும் என்றால் ஒரு ஏடிஎம் இயந்திரத்தில் ரூ. 8.8 லட்சம் தொகையை மட்டுமே நிரப்ப முடியும். ஒரு வங்கிக் கணக்கில் ஒருவர் ஒரு நாளைக்கு ஏடிஎம்-லிருந்து 2,500 ரூபாய் எடுக்கலாம் எனில் 352 பேர் மட்டுமே எடுக்க முடியும். ஒருநாளைக்கு ஒருமுறைதான் பணம் நிரப்பப்படுகிறது. சிலர் 3 அல்லது 4 கார்டுகள் மூலம் 2,500 ரூபாய் வீதம் 10 ஆயிரம் ரூபாயை வித்டிரா செய்கிறார்கள். ஏடிஎம் வாசல்களில் வரிசையில் நிற்பவர்களின் எண்ணிக்கை ஆயிரத்துக்கும் மேல் இருப்பதன் காரணமாகவே, மற்றவர்களுக்குப் பணம் இல்லாமல் போகும் நிலை உண்டாகிறது. 

என்ன செய்ய வேண்டும்?

விரைவில் ஏடிஎம்களில் புதிய 500, 1000 ரூபாய் நோட்டுக்கள் கிடைக்கும் வகையில் வசதிகள் செய்யப்பட வேண்டும். ஏடிஎம்-களில் ஒரு நாளைக்கு குறைந்தபட்சம் மூன்றுமுறை பணம் நிரப்ப வகை செய்ய வேண்டும். அப்போதுதான் மக்கள் அனைவரும் தங்களுக்குத் தேவையான தொகையை எளிதாக எடுத்து தங்களது அத்தியாவசியத் தேவை மற்றும் வியாபாரத்தை சிக்கலில்லாமல் பூர்த்தி செய்ய முடியும்.

- ஜெ.சரவணன்  
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ