Vikatan.com

www.vikatan.com would like to send you push notifications.

Notifications can be turned off anytime from browser settings.

தஞ்சை வாக்காளர்களுக்கு பணப்பட்டுவாடா: ரூ.41 ஆயிரத்துடன் 2 பேர் சிக்கினர்

தஞ்சாவூர் தொகுதியில் பணப்பட்டுவாடாவில் ஈடுபட்ட 2 பேரை தேர்தல் பறக்கும் படையினர் கைது செய்து விசாரணை நடத்தி வருகின்றனர். எந்த கட்சி வேட்பாளருக்காக இவர்கள் பணம் கொடுக்க முயன்றார்கள் என்பது குறித்து தீவிர விசாரணை நடத்தப்பட்டு வருகிறது. 

தஞ்சாவூர், அரவக்குறிச்சி, திருப்பரங்குன்றம் ஆகிய சட்டப்பேரவை தொகுதிகளுக்கு வரும் 19-ம் தேதி தேர்தல் நடைபெற உள்ளது. திமுக, அதிமுக, தேமுதிக வேட்பாளர்கள் தீவிர வாக்கு வேட்டையில் ஈடுபட்டு வருகின்றனர். இந்த மூன்று தொகுதிகளிலும் அனைத்து அமைச்சர்களும் பிரசாரத்தில் ஈடுபட்டுள்ளதால் பிரசாரம் அனல் பறந்து வருகிறது. 

இதனிடையே, அதிமுக, திமுக கட்சிகள் வாக்காளர்களுக்கு பணம் கொடுத்து வருவதாகவும், இதனால் இந்த தொகுதிகளில் தேர்தலை ரத்து செய்ய வேண்டும் என்று பாமக நிறுவனர் ராமதாஸ் வலியுறுத்தி வருகிறார்.

இந்த நிலையில், தஞ்சாவூர் தொகுதிக்குட்பட்ட பிள்ளையார்பட்டியில் வாக்காளர்களுக்கு பணப்பட்டுவாடா செய்ய முயன்ற 2 பேரை தேர்தல் பறக்கும் படையினர் இன்று கைது செய்துள்ளனர். அவர்களிடம் இருந்து 41 ஆயிரம் ரூபாயை பறிமுதல் செய்துள்ள பறக்கும் படையினர், தீவிர விசாரணை நடத்தி வருகின்றனர்.

எடிட்டர் சாய்ஸ்

ஜெயலலிதா வாழ்வின் சில ‘கடைசி’கள்!

MUST READ