Vikatan.com

www.vikatan.com would like to send you push notifications.

Notifications can be turned off anytime from browser settings.

‘வாக்கிங்... சாட்டிங்... செல்ஃபி...!’ ஸ்டாலினின் ‘நமக்கு நாமே’ சீஸன்-2


தஞ்சாவூர் : "பொதுமக்களோடு வாங்கிங், பேருந்து நிலைய கடையில் காபி, பொதுமக்களோடு உரையாடல், செல்ஃபி என நமக்கு நாமே ஸ்டைலில் தேர்தல் வாக்கு சேகரிப்பில் ஈடுபட்டுள்ளார் மு.க.ஸ்டாலின்.

தமிழகத்தில் ஒத்திவைக்கப்பட்ட தஞ்சாவூர், அரவக்குறிச்சி தேர்தல் மற்றும் திருப்பரங்குன்றம் இடைத்தேர்தல் வேலைகளில் தீவிரம் காட்டி வருகிறார் தி.மு.க. கட்சியின் பொருளாளர் மு.க.ஸ்டாலின். ஒவ்வொரு தொகுதியிலும் தீவிரமான வாக்கு சேகரிப்பில் ஈடுபட்டு வருகிறார். வழக்கமான வேனில் சென்று முக்கிய பாயின்ட்களில் பேசுவது என இல்லாமல், ரோட்டோர கடையில் டீ சாப்பிடுவது, ரோட்டில் செல்லும் மக்களிடம் பேசுவது என நமக்கு நாமே ஸ்டைலில் பொதுமக்கள் சந்திப்பையும் நிகழ்த்தி வருகிறார்.

அதன்படி தஞ்சாவூரில் வாக்கிங், பொதுமக்களுடன் செல்ஃபி, பஸ் ஸ்டாண்ட் கடையில் காபி பொதுமக்களை சந்தித்து என வாக்கு சேகரித்தார் ஸ்டாலின்.
தஞ்சாவூர் அண்ணா ஸ்டேடியத்தில் காலை 6 மணிக்கு வாக்கிங் செல்வதற்காக வந்தார் ஸ்டாலின். வாக்கிங் வந்தவர்களுடன் பேசியபடி, கைகளை குலுக்கியபடியே வாக்கிங் சென்றவர், அடுத்து பழைய  பேருந்து நிலையம் அருகே உள்ள பழமைவாய்ந்த உணவு விடுதி ஒன்றில் தனது சகாக்களுடன் காபி குடித்தார். "கலைஞர் இந்த தொகுதியில் நிற்கும்போது இங்கு வந்து தான் காபி குடிப்பார். நீங்களும் இங்கு வந்தது மகிழ்ச்சி" என்றார் அதன் உரிமையாளர். தொடர்ந்து பழைய பேருந்து நிலையம் அருகே ஸ்டாலின் வந்த தகவலை அறிந்து கூட்டம் கூட... அவர்களுடன் கைகளை குலுக்கி செல்ஃபி எடுத்துக் கொண்டார் ஸ்டாலின். இறுதியில் உதயசூரியனுக்கு அனைவரும் வாக்களிக்க வேண்டுமென கேட்டுகொண்டு விடைபெற்றார்.

நம்ம ஆட்சியில கொண்டு வந்த உழவர் சந்தை எங்கே இருக்கிறது என கேட்டு, உழவர் சந்தைக்கு சென்றவர், பொதுமக்களிடம் பேசியவர், அங்கிருந்து வேளாண் அதிகாரிகளிடமும் பேசினார். உழவர் சந்தை ஏன் டல்லா இருக்கு என ஸ்டாலின் கேட்க... அதெல்லாம் நல்லா தான் போயிட்டிருக்கு சார். இன்னும் கொஞ்சம் டெவலப் செய்யணும்' என சொன்னவரிடம், அதுக்கென்ன நிச்சயமா செய்யலாம்' என சொல்லி விட்டு புறப்பட்டார்.

தொடர்ந்து காமராஜ் மார்க்கெட்டிலும் காரை நிறுத்தி இறங்கி பொதுமக்களை சந்தித்து வாக்கு சேகரித்தார். அங்குள்ள சில கடைகளுக்கு சென்றவர், கடையின் உரிமையாளர்கள் கேட்டுக்கொண்டதற்கிணங்க உரிமையாளர்கள் சீட்டில் அமர்ந்து போஸ் கொடுத்தார். தஞ்சை தி.மு.க.வின் கோட்டை. அதை இந்த தேர்தலில் உறுதிப்படுத்திட வேண்டும் என்ற வேண்டுகோளை மட்டும் மறக்காமல் சொல்லி வாக்கு சேகரித்தார்.

ஸ்டாலினின் இந்த நமக்கு நாமே ஸ்டைல் பிரசாரம், தி.மு.க.வினரிடையே உற்சாகத்தை கொடுத்திருக்கிறது.

- ஏ. ராம்

படங்கள் : கே. குணசீலன்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ