Vikatan.com

www.vikatan.com would like to send you push notifications.

Notifications can be turned off anytime from browser settings.

'ஏன் இப்படியொரு நிலைமை வந்தது?!' -கோபத்தில் தகித்த விஜயகாந்த்

விருகம்பாக்கத்தில் உள்ள வீட்டில் மிகுந்த கோபத்தில் இருக்கிறார் தே.மு.தி.க தலைவர் விஜயகாந்த். ' மூன்று தொகுதி தேர்தல் முடிவுகளும் இந்தளவுக்குச் சென்றதற்கு என்னதான் காரணம்?' எனக் கட்சியின் சீனியர்களிடம் கோபத்தைக் காட்டினார் என்கின்றனர் தே.மு.தி.க வட்டாரத்தில். 

தஞ்சை, திருப்பரங்குன்றம், அரவக்குறிச்சி தொகுதி தேர்தல்களில் மிகச் சொற்பமான வாக்குகளை வாங்கியிருக்கிறது தே.மு.தி.க. கடந்த பத்து ஆண்டுகளில் பங்கேற்ற அனைத்து இடைத் தேர்தல்களிலும் நல்ல வாக்குகளை வாங்கி வந்த தே.மு.தி.க, தற்போது மூன்று தொகுதி தேர்தலில் பா.ஜ.கவைவிடவும், குறைவான வாக்குகளைப் பெற்றிருப்பதை தே.மு.தி.க நிர்வாகிகள் எதிர்பார்க்கவில்லை. " காலையில் இருந்தே விருகம்பாக்கத்தில் உள்ள வீட்டில் அமர்ந்து தொலைக்காட்சியில் தேர்தல் முடிவுகளைப் பார்த்துக் கொண்டிருந்தார் கேப்டன். தேர்தல் முடிவுகள் வரத் தொடங்கிய நிமிடத்தில், முகத்தைக் கடுகடுவென வைத்துக் கொண்டார். தொலைபேசியில் அழைத்த எந்த நிர்வாகிகளுக்கும் பதில் சொல்லவில்லை.

ஒருகட்டத்தில், ' இதற்குத்தான் போட்டியிட வேண்டாம்' என அப்போதே சொன்னேன் என கொந்தளிப்பைக் காட்டினார். தேர்தல் முடிவை அவர் எதிர்பார்க்கவில்லை" என நம்மிடம் விவரித்தார் தே.மு.தி.க நிர்வாகி ஒருவர்,  " கடந்த ஐந்து ஆண்டுகளாக, புதுக்கோட்டை இடைத் தேர்தலைத் தவிர, வேறு எந்த இடைத் தேர்தலிலும்  தே.மு.தி.க போட்டியிடவில்லை. சட்டமன்றத் தேர்தல் படுதோல்விக்குப் பிறகு, இந்தத் தேர்தலில் போட்டியிட வேண்டும் என பிரேமலதா ஆர்வம் காட்டினார். ' போட்டியிடக் கூடிய அளவுக்கு நல்ல வேட்பாளர்கள் இல்லை. பிறகு பார்த்துக் கொள்ளலாம்' என சமாதானம் செய்தார் கேப்டன். எதையும் ஏற்கும் நிலையில் பிரேமலதா இல்லை. ஒருகட்டத்தில், தே.மு.தி.க சார்பில் போட்டியிடுவதற்கு எந்த மாவட்ட செயலாளரும் முன்வரவில்லை. ' தேர்தலுக்கு செலவு செய்ய பத்து பைசாகூட இல்லை' எனப் பலரும் ஒதுங்கிவிட, தொகுதிக்கு 25 லட்ச ரூபாய் என கைக்காசைக் கொடுக்க முன்வந்தார் விஜயகாந்த். 

அப்போதும் வேட்பாளர்கள் கிடைக்காமல், தஞ்சையில் போட்டியிட மலேசியாவைச் சேர்ந்த அப்துல்லா சேட்டை களமிறக்கினார். மற்ற இரண்டு தொகுதியிலும் வேட்பாளர்களை அறிவிப்பதற்குள் ஒருவழியாகிவிட்டார். ' எப்படியும் மூன்றாவது இடத்திற்கு வந்துவிடுவோம்' என நம்பிக்கையோடு இருந்தார். மக்கள் மத்தியில் கேப்டன் பிரசாரம் எடுபடவில்லை. ' மக்கள் ஏற்றுக் கொள்ளாததால், மக்கள் நலக் கூட்டணியில் இருந்து வெளியேறினேன்' என்றார். இதற்குப் பெரிதாக வரவேற்பு இல்லை. ஒரு மேடையில், ' முதல்வரை மருத்துவமனைக்குச் சென்று நான் ஏன் பார்க்க வேண்டும்?' எனக் கேள்வி எழுப்பினார். கட்சி வித்தியாசம் பார்க்காமல், அனைத்து தலைவர்களும் முதல்வரின் உடல்நலத்தை விசாரிக்கச் சென்றனர். ஆனால், கேப்டனின் எதிர்மறையான பேச்சு, மக்கள் மத்தியில் அதிருப்தியை ஏற்படுத்தியது.

பிரசாரம் தொடங்கியது முதல், தி.மு.கவை விமர்சிப்பதையே கொள்கையாக வைத்திருந்தார். குறிப்பாக, ஸ்டாலின் மீதுதான் அவருடைய தாக்குதல் அதிகப்படியாக இருந்தது. நேற்று சம்பந்தமில்லாமல், தி.மு.க தலைமையை விமர்சித்து அறிக்கை வெளியிட்டிருந்தார். எந்த ஒரு தேவையும் இல்லாத நேரத்தில் இப்படியொரு அறிக்கை வெளிவரக் காரணமே, எதையாவது சொல்லி மக்கள் மத்தியில் பேசப்பட வேண்டும் என்பதற்காகத்தான். இந்த அறிக்கையும் பிரேமலதா சொல்லித்தான் வெளியானது. நாடாளுமன்றத் தேர்தலை முன்வைத்து இந்தத் தேர்தலில் களமிறங்கினார். அதுவும், எதிர்பாராத தோல்வியைக் கொடுத்துவிட்டது" என ஆதங்கப்பட்டார் அவர். 

" தே.மு.தி.கவின் முக்கிய சீனியர்கள் அனைவரும் மாற்றுக் கட்சிகளுக்குச் சென்றுவிட்டனர். தலைமை நிலையச் செயலாளர் பார்த்தசாரதி உள்பட வெகுசிலர் மட்டுமே அவருடன் உள்ளனர். பழைய நிர்வாகிகள் அவருடன் இருந்திருந்தால், வலுவாகவே இந்தத் தேர்தலை எதிர்கொண்டிருப்பார். கட்சியை உடைத்ததில் தி.மு.கவுக்குப் பெரும் பங்கு இருப்பதாக நினைக்கிறார். அதன் எதிரொலியாகவே நேற்று அப்படியொரு அறிக்கை வெளியானது. இந்தத் தேர்தலில் ஊராட்சி வார்டு உறுப்பினர் பெறக் கூடிய வாக்குகளைக் கூட மூன்று தொகுதியிலும் தே.மு.தி.க வாங்கவில்லை. அடுத்து வரக் கூடிய உள்ளாட்சித் தேர்தலிலாவது, கணிசமான வாக்குகளை வாங்க முடியுமா என்ற ஆதங்கத்தில் இருக்கிறார் கேப்டன். இன்று காலை முதலே, கோபத்தை அடக்க முடியாமல் குடும்ப உறுப்பினர்களிடம் கொட்டி வருகிறார் கேப்டன்" என்கிறார் தே.மு.தி.க தலைமைக் கழக நிர்வாகி ஒருவர். 

-ஆ.விஜயானந்த்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ