Vikatan.com

www.vikatan.com would like to send you push notifications.

Notifications can be turned off anytime from browser settings.

கோயில் உண்டியலுக்கும் 'கணக்கு'! -  ஆணையர் அதிரடி


கோயில் உண்டியல் கணக்கு விபரங்களைத் தினமும் காலை 10.30 மணிக்குள் மின் அஞ்சல் மூலம் தெரிவிக்க வேண்டும் என்று  அனைத்து கோயில்களுக்கும் அதிரடியாக உத்தரவு பிறப்பிக்கப்பட்டுள்ளது.

பழைய 500 மற்றும் 1000 ரூபாய் நோட்டுக்கள் செல்லாது என கடந்த 8-ம் தேதி இரவு மத்திய அரசு அதிரடியாக அறிவித்ததைத் தொடர்ந்து பணம் புழக்கம் முடங்கியதுடன், சில்லறை தட்டுப்பாடுகளும் அதிக அளவில் ஏற்பட்டுள்ளது. சில்லறை தட்டுப்பாட்டை போக்க மத்திய அரசு சார்பில் பல்வேறு நடவடிக்கைகள் தொடர்ந்து எடுக்கப்பட்டு வருகின்றன. அதன்படி தமிழ்நாட்டில் இந்து சமய அறநிலையைத் துறை கட்டுப்பாட்டில் உள்ள கோயில்களுக்கு சில கட்டுப்பாடுகள் அடுத்தடுத்து தொடர்ந்து விதிக்கப்பட்டு வருகிறது.

தமிழ்நாட்டில் இந்து சமய அறநிலையைத் துறை கட்டுப்பாட்டில் உள்ள எல்லாக் கோயில்களிலும் உள்ள உண்டியல்களை அன்று இரவு எண்ணி, கணக்கு பார்க்க வேண்டும் என்று இந்து சமய அறநிலையத்துறை ஆணையர் வீரசண்முகமணி அதிரடியாக உத்தரவு பிறப்பித்துள்ளார்.

"தமிழகத்தில் உள்ள பிரபல கோயில்கள் மற்றும் அதிகம் வருவாய் தரும் கோயில்களுக்குத் தேவைக்கு ஏற்ப கூடுதல் உண்டியல்களை நிறுவலாம். அதன்படி தினமும் எண்ணப்படும் கோயில் உண்டியல் காணிக்கை விபரங்கள் அனைத்தும், உடனுக்குடன் தெரியப்படுத்தி, சம்பந்தப்பட்ட ஆவணத்தில் பதிய வேண்டும். அதேபோல் கோயிலின் தினசரி வரவு செலவு கணக்குகளை தினமும் சரிபார்க்கப்பட்டு அனைத்தும், அதற்கான ஆவணத்தில் பதிய வேண்டும்.

இதில், தவறு மற்றும் குறைபாடுகள் நடந்தால், கடும் குற்றங்களாக கருதப்படும். இணை ஆணையர்கள் அனைவரும், தங்களுடைய மண்டலத்தில் உள்ள கோவில்களின் (பட்டியலில் சேர்ந்த, சேராத) உண்டியல் திறப்பு, வங்கியில் செலுத்திய தொகை விபரங்களைத் தொகுத்து, அதற்கான படிவத்தில் பூர்த்தி செய்து, மின் அஞ்சல் மூலம், தினமும் காலை, 10.30 மணிக்குள் இந்து சமய அறநிலையத்துறை ஆணையர் அலுவலகத்திற்கு அனுப்ப வேண்டும்.

அதிக வருவாய் இல்லாத குறிப்பிட்ட முதுநிலை கோயில்களின் உண்டியலைத் திறப்பதற்காக, அதிகாரிகளின் அனுமதிக்காகக் காத்திருக்காமல், மூன்று நாட்களுக்கு ஒருமுறை, உரிய அலுவலர் முன்னிலையில் திறந்து, வரவு இனங்களைக் கணக்கிட்டு, உடனடியாக, வங்கியில் முழுமையாகச் செலுத்த வேண்டும். மேலும், கோயில் சொத்துக்கள் மூலம் அன்றாடம் மற்றும் குறிப்பிட்ட நாட்களுக்கு ஒருமுறை பெறப்படும் வருவாய் கணக்குகளும் நாள்தோறும் முறையாக வரவு வைக்க வேண்டும்" என்றும் ஆணையர் வீரசண்முகமணி உத்தரவு பிறப்பித்துள்ளார்.

இந்து சமய அறநிலையத்துறையின் இந்த அதிரடி உத்தரவால், கருப்பு பணம் பதுக்கியவர்கள், கோயில் உண்டியல் பணத்தின் மூலம் வெள்ளை பணமாக மாற்றுவதை தடுக்க முடியும் என்று நம்பப்படுகிறது. மேலும், தமிழகத்தில் நிலவும் சில்லறை தட்டுப்பாட்டையும் நாளுக்கு நாள் வெகுவாக குறைக்க முடியும் என்றும் எதிர்பார்க்கப்படுகிறது.

-ரா.வளன் 
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ