Vikatan.com

www.vikatan.com would like to send you push notifications.

Notifications can be turned off anytime from browser settings.

இந்த டிசம்பரில் பெருமழை வருமா...?

மழை

டகிழக்குப் பருவமழை டிசம்பர் 1-ம் தேதி முதல் தீவிரம் அடையும் என்று சென்னை வானிலை மையம் அறிவித்திருக்கிறது. கடந்த ஆண்டைப் போல சென்னையை புரட்டிபோடும் மழையாக இருக்கும் என வாட்ஸ்அப்புகளில் தகவல்கள் பரப்பப்படுகின்றன. அதில் எவ்வளவு தூரம் உண்மை இருக்கின்றது.  

மழை காலம்

தமிழ்நாட்டில் தென்மேற்கு பருவமழையால் வழக்கமாக 31 செ.மீ மழை பெய்யும். ஆனால் இந்த முறை 25 செ.மீ பெய்துள்ளது. அதாவது 6 சதவிகிதம் குறைவாகப் பெய்துள்ளது. வடகிழக்குப் பருவமழை மூலமாகத்தான் தமிழகத்துக்கு 60 சதவிகிதம் மழை கிடைக்கிறது. வடக்கிழக்குப் பருவமழை காலத்தில் கடந்த ஆண்டு தமிழகத்தில் 152 சதவிகிதம் மழை பெய்தது.

மழையில்லாத நவம்பர்

இந்த வருடம் கடந்த அக்டோபர் 30-ம் தேதிதான் வடகிழக்குப் பருவமழை தொடங்கியதாக சென்னை வானிலை மையம் அறிவித்தது. வழக்கமாக வடகிழக்குப்பருவமழை என்பது அக்டோபர் 21-ம் தேதி தொடங்கும். இந்த வருடம் 9 நாட்கள் தாமதமாகத்தான் வடகிழக்குப் பருவமழை தொடங்கியிருக்கிறது. ஆனால், வடகிழக்குப் பருவமழையின் தாக்கம் இது வரை பெரிய அளவில் இல்லை. குறிப்பாகச் சொல்ல வேண்டுமானால், நவம்பர் மாதம் கனமழை பெய்யவில்லை.

பொதுவாக வடகிழக்குப் பருவமழை காலங்களில் தென்மேற்கு வங்கக் கடல் பகுதியில் கிழக்கு பகுதியில்  காற்றழுத்த தாழ்வு நிலை உருவாகி மேற்கு நோக்கி நகர்ந்து அது மழையைத் தருவதாக இருக்கும். அதே போல மேற்கு பகுதியில் காற்றழுத்தத் தாழ்வு நிலை உருவாகி அதுவும் போதுமான அளவுக்கு மழையைத் தரும்.  இப்போது  வங்கக் கடலில் சில நாட்களுக்கு முன்பு உருவான காற்றழுத்த தாழ்வு நிலை  தெற்கு பகுதியில் மிகவும் கீழே உருவாகி அது அப்படியே நகர்ந்து விட்டது. இதனால் தமிழகத்துக்கு மழை கிடைக்காமல் போய்விட்டது. வடகிழக்குப் பருவமழை தொடங்கியபோது உருவான ரொனோன் புயல், காற்றில் இருந்த ஈரப்பதத்தை எடுத்துக் கொண்டு போய்விட்டது. இது தவிர  மேற்கு திசை காற்று என்று சொல்லப்படும் மித வெப்ப மண்டலத்தில் இருந்து வரும் மேலைக் காற்று கீழே வந்ததால் மழையின் தாக்கம் குறைந்து விட்டது.

மழை

லா நினோ காரணமா?

இது தவிர முக்கியமான ஒன்று. பசிபிக் பெரும் கடலில் சில நாட்கள் முன்பு லா நினோ உருவாகி உள்ளது. லா நினோ என்பது எல் நினோவுக்கு எதிரான ஒன்று. எல் நினோ என்பது  கனமழையைக் கொண்டு வரும். லா நினோ என்பது அதற்கு எதிரான செயலைச் செய்யும். இது கடல் பகுதியில் உருவானால் மழை குறையும். பனிப்பொழிவு அதிகமாக இருக்கும். இதன் காரணமாகத்தான் நமது வங்க கடலிலும் பாதிப்பு ஏற்பட்டது.  லா நினோவின் தாக்கம் இருப்பதால்தான் பனியின் தாக்கம் அதிகம் இருக்கிறது.

நெருங்கி வரும் காற்றழுத்த தாழ்வு நிலை

இப்போது தென்மேற்கு வங்கக் கடலில் குறைந்த காற்றழுத்த தாழ்வு நிலை உருவாகி இருக்கிறது.  அடுத்த ஒரு நாளில் இது ஆழ்ந்த காற்றழுத்த தாழ்வு நிலையாக மாறக் கூடும் என்று சென்னை வானிலை மையம் கணித்துள்ளது. இப்போதைக்கு இந்த காற்றழுத்த தாழ்வு நிலை தமிழகத்தில் இருந்து தூரத்தில் இருந்தாலும் கூட இந்த காற்றழுத்த தாழ்வு நிலை தமிழகத்தை நோக்கி வரும் என்றும்  எதிர்பார்க்கப்படுகிறது. இதனால் டிசம்பர் 1 முதல் சென்னை உள்ளிட்ட கடலோர மாவட்டங்களிலும், உள் மாவட்டங்களிலும் நிச்சயம் கனமழை பெய்யும் என்று சென்னை வானிலை மையம் கூறி உள்ளது.

கடந்த ஆண்டைப் போல இருக்குமா?

கடந்த ஆண்டு நவம்பர் மாதத்திலேயே குறைந்த காற்றழுத்த தாழ்வு நிலை உருவாகி தமிழகத்தை நோக்கி நகர்ந்து வந்ததால்தான் கனமழை பெய்தது. கடந்த ஆண்டு நவம்பர் பெய்த மழையின் காரணமாகத்தான்  நீர் நிலைகள் நிரம்பியிருந்தன. பின்னர் டிசம்பர் மாதமும் மழை பெய்ததால்தான், ஏற்கெனவே நிரம்பியிருந்த நீர்நிலைகள் மீண்டும் பெய்த மழைக்குத் தாக்குப் பிடிக்க முடியவில்லை. எனவே இந்த முறை இனிமேல் மழை பெய்தாலும், நீர் நிலைகள் அதை எதிர்கொள்ளும் அளவுக்கு காலியாக உள்ளன. எனவே கடந்த ஆண்டைப்போல பாதிப்புகள் இருக்காது என்றே கூறப்படுகிறது.

- கே.பாலசுப்பிரமணி

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ