Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'முதல்வர் எடப்பாடி அணியிலிருந்து வெளியேறுவேன்' : சூலூர் அ.தி.மு.க எம்.எல்.ஏ பகீர்

சூலூர் வெடி விபத்துக்கு காரணமானவர்கள் மீது நடவடிக்கை எடுக்காவிடின், முதல்வர்   எடப்பாடி பழனிசாமி அணியில் இருந்து வெளியேறி விடுவேன் என்று அ.தி.மு.க-வின் சூலூர் தொகுதி எம்.எல்.ஏ கனகராஜ் கூறியுள்ளார்.

Kanagaraj MLA

கோவை சூலூர் தாலுகா பெரியகுயிலி எனும் ஊரில் நடந்த கல் குவாரி வெடி விபத்து சம்பவத்தில் இரண்டு பேர் உயிரிழந்தனர். இது தொடர்பாக கோவை செட்டிபாளையம் போலீஸார் வழக்குப்பதிவு செய்து விசாரணை நடத்தி வருகின்றனர். இந்நிலையில், வெடி விபத்து ஏற்பட்ட அந்த கல் குவாரியை சூலூர் எம்.எல்.ஏ.கனகராஜ் ஆய்வு செய்தார்.

இதன் பிறகு அவர் செய்தியாளர்களைச் சந்தித்தார். அப்போது அவர் கூறுகையில், "இது ஒரு விபத்தே இல்லை. அவர்களுக்கு உரிய பாதுகாப்பு உபகரணங்கள் கொடுக்காததால்தான் அவர்கள் உயிரிழந்தனர்.  ஆனால், லஞ்சம் பெற்றுக் கொண்டு போலீசார், இதை விபத்து வழக்காகப் பதிவு செய்துள்ளனர். இந்த குவாரியின் உரிமையாளர்கள் மீது கொலை வழக்குப்பதிவு செய்ய வேண்டும்.

இது தொடர்பாக நான் சட்டசபையில் குரல் கொடுப்பேன். அந்த கல் குவாரியில் விபத்து நடக்க காரணமானவர்கள் மீது அரசு தக்க நடவடிக்கை எடுக்கவில்லை என்றால் எடப்பாடி பழனிசாமி அணியிலிருந்து வெளியேறி வேறு அணிக்குச் சென்று விடுவேன். உரிய நடவடிக்கை எடுக்காவிடின் எனது எம்.எல்.ஏ பதவியையும் ராஜினாமா செய்வேன். மூன்று மாதத்துக்கு ஒரு முதல்வர் வருவதால் அரசு அதிகாரிகள் மீது நடவடிக்கை எடுப்பதில்லை" என்றார்.

- தி.விஜய்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close