Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஆப்கன் மீது வீசப்பட்டது 'வெடிகுண்டுகளின் தாய்'!

ஆப்கானிஸ்தானில் ஐ.எஸ் தீவிரவாதக் குழு இயங்கி வந்ததாகக் கருதப்படும் பகுதியில் அமெரிக்கா நேற்று விமானத் தாக்குதல் நடத்தியது. இந்த தாக்குதலின் போது, 'வெடிகுண்டுகளுக்கு எல்லாம் தாய் (Mother of all bombs)' என்று அழைக்கப்படும் GBU-43 வெடிகுண்டை அமெரிக்கா வீசியது.

அமெரிக்கத் தயாரிப்பில் அணுகுண்டுகள் இல்லாத ரகத்தில் இதுதான் மிகப் பெரிய வெடிகுண்டு. சுமார் 9,797 கிலோ எடை கொண்ட இந்த பிரமாண்ட வெடிகுண்டை ஈராக் போர் தொடங்குவதற்கு முன் கடந்த 2003-ம் ஆண்டு அமெரிக்கா பரிசோதித்துப் பார்த்தது. 20 அடி நீளம் கொண்ட இதில், 9 ஆயிரம் டன் வெடிபொருள்கள் அடங்கியிருக்கும்.ஆனால், இதுவரை எந்தப் போரிலும் அமெரிக்கா இந்த வெடிகுண்டை பயன்படுத்தியதில்லை. போர்விமானத்தில் எடுத்துச் சென்று வீசப்பட்டதும் இதுதான் முதன்முறை. GBU-43 வெடிகுண்டு பரிசோதனையின் போது, 32 கிலோமீட்டர் சுற்றளவிற்கு புகை மூட்டம் ஏற்பட்டது. 

பென்டகன் செய்தி தொடர்பாளர் ஆடம் ஸடம்ப் கூறுகையில், '' பாகிஸ்தான் எல்லையை ஒட்டியுள்ள ஆச்சின் பகுதியில் ஐ.எஸ் தீவிரவாதிகள் பதுங்கியுள்ள மலைக்குகைகளில் வெடிகுண்டு வீசப்பட்டது. ஆப்கன் நேரப்படி இரவு 7.32 மணிக்கு எம்.சி-130 ரக போர் விமானம் வெடிகுண்டை சுமந்து சென்று வீசியது. ஐ.எஸ் தீவிரவாதிகள் மலைக்குகைகளை கேடயமாக பயன்படுத்தி செயல்படுகின்றனர். அதனை தகர்க்கும் வகையில்  GBU-43 வீசப்பட்டது'' எனத் தெரிவித்துள்ளார். 

தாக்குதலில் உயிரிழப்புகள் குறித்து உடனடித் தகவல் எதுவும் இல்லை.  ஐ.எஸ் இயக்கத்தின் நிலைகள் முற்றிலும் தகர்க்கப்பட்டதாக தகவல் வெளியாகியுள்ளது. 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close