Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

தொழில் முனைவராக விரும்பும் பெண்களின் கவனத்துக்கு 10 விஷயங்கள்!

சுயதொழிலில் பெண்கள்

ண்களுக்கு இணையாக பெண்களும் சுயதொழில் முனைவோராக அசத்திவரும் காலம் இது. பெண்கள் சுயதொழில் முனைவோராக வெற்றி பெற, முன்கூட்டியே தெரிந்துகொள்ள வேண்டிய முக்கியமான பத்து விஷயங்களைக் கூறுகிறார் சென்னை எம்.எஸ்.எம்.இ((MSME- Ministry of Micro, Small & Medium Enterprises) வளர்ச்சி மையத்தின் உதவி இயக்குநரான புனிதவதி.

1. படித்தவர்கள், படிக்காதவர்கள் என எல்லா பெண்களும் சுயதொழில் செய்யலாம். ஆனால் செய்யும் தொழில் பற்றி முழுமையாக தெரிந்துகொண்டிருக்க வேண்டியது கட்டாயம்புனிதவதி. முழுமையாக பயிற்சி பெறாத, அனுபவம் இல்லாத தொழில்களை தேர்வு செய்யவே கூடாது.

2. நாம் தேர்வு செய்யும் பிஸினஸ் நமக்கு உகந்ததாக இருக்குமா, வெற்றி பெற முடியுமா என்பது போன்ற பல சாதக, பாதக எண்ணங்கள் தொழில் தொடங்கும் முன்பு பல முறைகூட வரலாம். ஆனால் தொழில் தொடங்குவதற்கான முதல்கட்ட பணிகளை ஆரம்பித்த சமயத்தில் இருந்து ஒரு நெகட்டிவான எண்ணம்கூட நமக்கு தோன்றக்கூடாது.

3. மத்திய, மாநில அரசுகளின் தொழில் பயிற்சி நிறுவனங்களில், நாம் தேர்வு செய்த தொழிலுக்கான பயிற்சியை பெறலாம். தவிர, நாம் தேர்ந்தெடுத்த தொழிலை வெற்றிகரமாக செய்துவருபவர்களைச் சந்தித்தும், இணையதளத்தின் வாயிலாக நம் பிஸினஸை கொண்டு செல்லத் தேவையான தகவல்களை தெரிந்துகொள்ள வேண்டும்.

தொழில் செய்யும் பெண்கள்

4. நாம் பிஸினஸ் செய்ய நினைக்கும் இடம், அவ்விடத்தில் மக்களின் வாங்கும் திறன், விற்பனை வாய்ப்பு மற்றும் சந்தை வாய்ப்பு சிறப்பாக இருக்கிறதா என்பதைப் பற்றிய தகவல்களை நேரடி கள ஆய்வு மற்றும் மக்களை சந்தித்துப் பேசி அவர்களின் ஆர்வம் உள்ளிட்ட தகவல்களை தெரிந்துகொண்ட பின்னரே தொழில் தொடங்க வேண்டும்.

5. மத்திய, மாநில அரசுகள் வழங்கும் சலுகைகள், உதவிகளைப் பற்றி தெரிந்துகொள்ள வேண்டும். பிஸினஸ் செய்ய வங்கிக் கடனுதவி பெறுவதாக இருந்தால், நம் பிஸினஸ் பற்றிய முழுமையான தகவல்களுடன் கூடிய திட்ட அறிக்கையை தயார் செய்து மாவட்ட தொழில் மையம் மற்றும் வங்கியை அணுக வேண்டும். கடனுதவி பெறுவதற்கான எல்லா பணிகளும் முடிந்ததும் முழு முயற்சியுடன் தொழிலில் கவனம் செலுத்தி வெற்றி பெறும் முனைப்பில் ஈடுபட வேண்டும். 

6. நம் உற்பத்திப் பொருள் தரத்துடன் இருப்பதை உறுதிசெய்ய முன்கூட்டியே திட்டமிட வேண்டும். நம் பொருள் தரத்துடன் இருப்பதுடன், மற்ற போட்டியாளர்களை விட சற்று குறைந்த விலையில் உற்பத்தி பொருட்களை விற்பனை செய்து அதிக வாடிக்கையாளர்களை நம் பக்கம் ஈர்ப்பதுப் பற்றிய யோசனைகளை முன்கூட்டியே திட்டமிட வேண்டும்.

7. நம் வரவு, செலவு, ஆண்டு வருவாய், எதிர்கால முதலீடு, தொழில் பெருக்கம் உள்ளிட்ட பிற்கால தேவைகளையும் முன்கூட்டியே திட்டமிட்டு அதற்கான ஆக்கப்பூர்வ நடவடிக்கைகளையும் முன்கூட்டியே ஒருபக்கம் திட்டமிட்டுக்கொண்டே இருக்க வேண்டும். அப்போதுதான் போட்டியான உலகில், நமக்கான ஒரு நிரந்தர இடத்தை தக்க வைத்துக்கொள்ள முடியும்.

8. உற்பத்திப் பொருட்களை நேரடியாகவும், ஆன்லைன் உள்ளிட்ட மறைமுக வழியிலும் வாடிக்கையாளர்களுக்கு எப்படியெல்லாம்  விற்பனைச் செய்யலாம் என்பதை திட்டமிட வேண்டும். தவிர, எந்தெந்த வழிகளில் எல்லாம் நம் தயாரிப்புப் பொருட்களை விற்பனைச் செய்யலாம் என்பதையும் கால மாற்றத்துக்கு ஏற்ப புதுப்புது யுக்திகளை புகுத்தி புதிய வாடிக்கையாளர்களை எப்படியெல்லாம் ஈர்ப்பது என்பதுப் பற்றியும் திட்டமிட்ட வேண்டும்.

9. புதிய யுக்திகள், மாற்றங்கள், மக்களின் தேவை மற்றும் ரசனைகளை தெரிந்துகொள்ள தொழில் தொடங்கும் முன்பே பல்வேறு தொழில் நிறுவனக் கண்காட்சி, எக்ஸ்போக்களில் கலந்துகொண்டு நேரடி அனுபவங்களைப் பெற வேண்டும். இவ்வாறு செய்வதால், நமக்கு ஏராளமான தொழில் அனுபவங்களும், தொழில் நண்பர்களும் கிடைப்பார்கள்.

10. தொழில் தொடங்கும் முன்பே குடும்ப நபர்களின் ஒத்துழைப்பையும், தொழில் தொடங்கிய பின்னர் தொடர்ந்து  குடும்ப நபர்களின் தொடர் ஆதரவும் இருப்பதை உறுதி செய்துகொள்ள வேண்டும்.

- கு.ஆனந்தராஜ் 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close