Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'இரட்டை இலைக்கு மட்டும்தான் பன்னீர்செல்வம்!' - கொதிக்கும் 'கொங்கு லாபி'

எடப்பாடி பழனிசாமி

.தி.மு.க அணிகள் இணைப்பில் தொடக்கத்திலேயே முட்டிக் கொள்ளத் தொடங்கிவிட்டனர் எடப்பாடி பழனிசாமி-பன்னீர்செல்வம் அணியினர். "ஆட்சி அதிகாரத்தை பன்னீர்செல்வம் கையில் ஒப்படைக்க வேண்டிய அவசியமே எழவில்லை. இதுகுறித்து, பா.ஜ.க தலைமையின் கவனத்துக்கும் தெரியப்படுத்திவிட்டோம்" என்கின்றனர் கொங்கு மண்டல அ.தி.மு.கவினர். 

சசிகலா குடும்பத்தை அ.தி.மு.கவில் இருந்து ஒதுக்கி வைத்த பிறகு, இரண்டு அணிகளும் பேச்சுவார்த்தையைத் தொடங்க உள்ளன. அதற்குள்ளாகவே, ' பன்னீர்செல்வத்தை முன்னிறுத்த வேண்டும்' என்ற குரல்கள் எழும்பத் தொடங்கிவிட்டன. இன்று பத்திரிகையாளர்களை சந்தித்த முன்னாள் அமைச்சர் கே.பி.முனுசாமி, ' தினகரன் ஒதுங்கியதை வரவேற்கிறோம். ஜெயலலிதா மரணம் தொடர்பாக சி.பி.ஐ விசாரணைக்கு தமிழக அரசு பரிந்துரைக்க வேண்டும். சசிகலாதான் கட்சியின் பொதுச்செயலாளர் எனத் தேர்தல் ஆணையத்தில் தெரிவித்துள்ளனர். இதனை வாபஸ் பெற வேண்டும். பேச்சுவார்த்தைக்கு அழைப்பு விடுப்பதாகக் கூறி அமைச்சர்கள் தான்தோன்றித்தனமாகக் கூறி வருகிறார்கள். பேச்சுவார்த்தை என்று கூறி அழைப்பு விடுத்து, ஜெயக்குமார், சி.வி.சண்முகம் உள்ளிட்ட அமைச்சர்கள் அவமானப்படுத்தி வருகின்றனர்.  தினகரனை வெளியேற்றிவிட்டதாக நாடகமாடுகின்றனர். கருணாநிதியின் வெற்றிடத்தை பன்னீர்செல்வம் நிரப்புவார். மக்கள் செல்வாக்கு இல்லாமல் சசிகலா அணியினர் உள்ளனர். தேர்தல் நடந்தால், பன்னீர்செல்வம்தான் வெற்றி பெறுவார். நாங்கள் மக்களை சந்திக்கிறோம். பன்னீர்செல்வத்துக்கு வாக்களிக்க மக்கள் தயாராக உள்ளனர்.  பேச்சுவார்த்தை நடத்த வேண்டாம் என்று தொண்டர்கள் கூறி வருகின்றனர். சசிகலா தயவால் முதல்வரானவர் எடப்பாடி பழனிசாமி. அவரால் எப்படி செயல்பட முடியும்? எனக் கொதித்தார். இதனை எடப்பாடி பழனிசாமி தரப்பினர் எதிர்பார்த்தே காத்திருந்தனர். இதுகுறித்து நம்மிடம் பேசிய கொங்கு மண்டல அ.தி.மு.க நிர்வாகி ஒருவர், 

பன்னீர்செல்வம்" ஆட்சி அதிகாரத்தைப் பொறுத்தவரையில், எடப்பாடி பழனிசாமி நன்றாக செயல்பட்டு வருகிறார். பெரும்பான்மை உள்ள அரசு என்று நிரூபித்துவிட்டுத்தான் பதவியில் அமர்ந்திருக்கிறார். சசிகலா எதிர்ப்பு என்ற பிளஸ்ஸில்தான் பன்னீர்செல்வம் அரசியல் செய்து வந்தார். நாங்களோ, சசிகலா ஆதரவு என்ற மைனஸால் பாதிக்கப்பட்டோம். மக்கள் மத்தியில் கேள்விகளை எதிர்கொள்ள முடியாமல் அவதிப்பட்டோம். தற்போது பன்னீர்செல்வத்துக்கு மக்கள் மத்தியில் பெரிய அளவில் ஆதரவு இல்லை. அவரிடம் அவருடன் சேர்த்து 12 எம்.எல்.ஏக்கள் மட்டுமே அங்கு உள்ளனர். இப்படி இருக்கும்போது, எதை வைத்துக் கொண்டு பதவி கேட்கிறார் பன்னீர்செல்வம்? சசிகலாவையும் தினகரனையுமே கட்சியை விட்டு ஒதுக்கியது நாங்கள்தான். யாராலும் செய்ய முடியாத ஒன்றை எடப்பாடி பழனிசாமி சாதித்தார். நாங்கள் போர்வீரர்கள் கிடையாது. ஆனால், நேரம் வரும்போது எப்படி வீழ்த்த வேண்டும் என்பதும் தெரியும்.

' தினகரனை ஒதுக்கியது எடப்பாடி பழனிசாமிதான்' என்பது தெரிந்தும், தினகரனால் எதுவும் பேச முடியவில்லை. அமைச்சர்களைப் பேசவிட்டு ஒதுங்கிட்டார். இதுதான் கொங்கு மண்டல ஸ்டைல். சி.எம் பதவியை பன்னீர்செல்வத்துக்குக் கொடுத்தால், 'மீண்டும் வருமான வரித்துறை என்ற ஆயுதத்தை பயன்படுத்துவார்' என்ற அச்சமும் சில அமைச்சர்களுக்கு இருக்கிறது. சசிகலா குடும்பத்தை ஒதுக்கி வைக்காவிட்டால், பிரச்னை என்று சொன்னதால் அதையும் சாதித்தார் பழனிசாமி. அவர்களே ஒதுங்கிப் போன பிறகு பன்னீர்செல்வம் எல்லாம் ஒரு பொருட்டே அல்ல. அமைச்சரவைக்கு எந்த பாதிப்பும் இல்லாதபோது பன்னீர்செல்வத்தின் தயவும் தேவையில்லை. ஒன்றுபட்டால் இரட்டை இலை கிடைக்கும் என்பதால்தான் பழனிசாமி அமைதியாக இருக்கிறார்" எனக் கொதித்தார். 

நேற்று இளவரசி மகன் விவேக் ஜெயராமன் ஃபேஸ்புக்கில் பதிவிட்ட கமெண்ட் ஒன்றில், ' கழகம் சுக்குநூறாக சிதறப் போகிறது' எனக் குறிப்பிட்டிருந்தார். 'அதை நோக்கியே எடப்பாடி பழனிசாமியும் பன்னீர்செல்வமும் பயணிக்கிறார்கள்' என்கின்றனர் சசிகலா குடும்ப உறவுகள். 

-ஆ.விஜயானந்த்

Advertisement
Advertisement
Advertisement

எடிட்டர் சாய்ஸ்

“மாட்டின் மீதான அக்கறை, சிசுக்கள் மீது கிடையாதா?!” நெஞ்சு பொறுக்குதில்லையே #GorakhpurTragedy
Advertisement

MUST READ

Advertisement
[X] Close