Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

"அம்மையாரின் ஆட்சி இப்படித்தான் இருக்கும்" - கருணாநிதியின் சுவாரஸ்ய நேர்காணல்கள்!

கருணாநிதி

தி.மு.க தலைவர் கருணாநிதி தனது 94-வது பிறந்த நாளைக் கொண்டாடும் இத்தருணத்தில், அவரின் கேள்வி ஞானம் அளப்பரியது. பல்வேறு செய்தியாளர்கள் சந்திப்பின்போது சூட்சமத்துடன் கூடிய பதில்களானாலும், பதில் அளிப்பதற்கு மாறாக, செய்தியாளர்களிடமே எதிர்கேள்வி கேட்டு திணறடிப்பதாகட்டும் கருணாநிதிக்கு நிகர் அவரே தான்.

கருணாநிதி எத்தனையோ பேட்டிகளில் எண்ணற்ற சுவாரஸ்யமான பதில்களை நகைச்சுவையுடனும், அனைவரும் ரசிக்கும் விதமாகவும் பதில் அளித்து செய்தியாளர்களை இன்ப அதிர்ச்சியில் ஆழ்த்திய தருணங்கள் ஏராளம். அதுபோன்ற சுவாரஸ்யமான ஒருசில நேர்காணல்கள்...

2012-ம் ஆண்டு நவம்பர் 13... அது, தீபாவளிப் பண்டிகை நாள். தமிழகம் முழுவதும் இரண்டு மணி நேரம் முதல் நான்கைந்து மணி நேரம் வரை அறிவிக்கப்பட்ட மின்வெட்டு அமலில் இருந்த நிலையில், அறிவிப்பின்றி பல மணி நேரம் மின்வெட்டு நீடித்து வந்த காலம். அண்ணா அறிவாலயத்தில் தி.மு.க. தலைவர் கருணாநிதியிடம் செய்தியாளர்கள் கேட்ட கேள்வி.

கே: "ஜெயலலிதா ஆட்சிப்பொறுப்பேற்று ஒன்றரை ஆண்டுகள் ஆன பின்னரும், மாநிலத்தின் பெரும்பாலான மாவட்டங்களில் மின்வெட்டு நீடிக்கிறதே? தீபாவளி நாளன்றுகூட மின்வெட்டில் இருந்து விலக்கு இல்லையே?"

கருணாநிதி : "அம்மையாரின் ஆட்சியில் இப்படித்தான் இருக்கும்... மக்கள் அனுபவிக்கத்தான் வேண்டும் இந்த ஆட்சியை".

2ஜி அலைக்கற்றை வழக்கில் தி.மு.க. மாநிலங்களவை உறுப்பினர் கைது செய்யப்பட்டிருந்த சமயம்...

கே: "2ஜி வழக்கில் உங்கள் மகள் கனிமொழி கைது செய்யப்பட்டுள்ளாரே? உங்கள் மனநிலை எவ்வாறு உள்ளது?"

: "மகள் கைது செய்யப்பட்டால், ஒரு தந்தையின் மனநிலை எப்படி இருக்குமோ, அப்படித்தான் என் மனநிலையும் உள்ளது."

கே: "2ஜி வழக்கில் தொடர்புடைய ஆ.ராசாவுக்கு மீண்டும் நாடாளுமன்றத் தேர்தலில் போட்டியிட வாய்ப்பு வழங்கப்பட்டுள்ளதே?"

ப: "அந்த வழக்கில் அவர் மீது குற்றம்சாட்டப்பட்டுள்ளதே தவிர, அது நிரூபிக்கப்படவில்லை. எனவே, அவர் குற்றவாளி அல்ல."

கருணாநிதிடாஸ்மாக் மதுக்கடைகள் திறந்திருக்கும் நேரத்தை, முதல்வராக இருந்த கருணாநிதி ஒரு மணிநேரம் குறைத்தது குறித்து கருத்து தெரிவித்த பா.ம.க நிறுவனர் ராமதாஸ், "நான் செய்யச் சொன்னது அறுவை சிகிச்சை;
ஆனால், கருணாநிதி செய்திருப்பது முதலுதவி" என்றார்.

தற்குப் பதிலளித்த கருணாநிதி, "அறுவை சிகிச்சைக்கு முன்னர் முதலுதவிதான் அவசியம். சாதாரணமாக எல்லோருக்கும் தெரிந்த இந்த விஷயம், மருத்துவம் படித்த மருத்துவருக்கு புரியாமல் இருப்பது ஆச்சர்யம்" என்று கூறினார்.

முதல்வராக இருந்த கருணாநிதியை, நலிவடைந்த திரைக்கலைஞர்களுக்கு வீடு வழங்கக் கோரி நடிகை மனோரமா, நடிகர் ராதாரவி உள்ளிட்டோர் சந்தித்து மனு வழங்கினர்.

ப்போது செய்தியாளர்களிடம், "நானும் நலிவடைந்த திரைக்கலைஞர்தான். வீடுகோரி அளித்துள்ள மனுவில் என் பெயரை விட்டுவிட்டார்கள்" என்று கருணாநிதி கூறியதும், அனைவரும் சிரித்து விட்டனர்.

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close