Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பரப்பன அக்ரஹாரா சிறையில் சசிகலாவை சந்தித்தார் டி.டி.வி.தினகரன்!

பெங்களூரு பரப்பன அக்ரஹாரா சிறையிலிருக்கும் சசிகலாவை டி.டி.வி.தினகரன் இன்று சந்தித்து பேசினார்.

இரட்டை இலைச் சின்னம் பெற தேர்தல் ஆணையத்துக்கு லஞ்சம் கொடுக்க முயன்ற வழக்கில் டி.டி.வி.தினகரனை டெல்லி காவல்துறையினர் கைது செய்து சிறையில் அடைத்தனர். ஒரு மாத சிறைக்கு பின்னர் ஜாமீனில் விடுவிக்கப்பட்டார் தினகரன். நேற்று முன்தினம் சென்னை வந்த தினகரனை அவரது ஆதரவாளர்கள் சென்னை விமான நிலையத்தில் பிரமாண்ட வரவேற்பு கொடுத்தனர். இதையடுத்து, சென்னை அடையாறில் உள்ளது தனது ஆதரவாளர்களுடன் ஆலோசனையில் ஈடுபட்ட தினகரன் பின்னர் செய்தியாளர்களிடம் பேசும்போது, கட்சியில் இருந்து என்னை யாரும் நீக்கவில்லை என்றும், கட்சிப் பணியை தொடரப்போவதாகவும் அதிரடியாக அறிவித்தார்.

இந்தநிலையில், சிறையில் உள்ள சசிகலாவை பார்ப்பதற்காக இன்று காலை பெங்களூரு புறப்பட்டார் தினகரன். இதனிடையே, சென்னை தலைமைச் செயலகத்தில் 19 அமைச்சர்கள் திடீர் ஆலோசனையில் ஈடுபட்டனர். சுமார் ஒரு மணி நேரம் நடந்த ஆலோசனைக்கு பின்னர் முதல்வர் பழனிசாமியை அமைச்சர்கள் சந்தித்து ஆலோசனையில் ஈடுபட்டனர்.

இதனிடையே, மூன்று எம்.பி.க்கள் மற்றும் வெற்றிவேல், தங்கதமிழ்செல்வன், கதிர்காமு உள்ளிட்ட 10  கர்நாடக அதிமுக மாநில செயலாளர் புகழேந்தி ஆகியோருடன் தினகரன் தனது மனைவி அனுராதா ஆகியோருடன் பரப்பன அக்ரஹாரா சிறைக்கு சென்றனர். அங்கு சசிகலாவை தினகரன் தனது மனைவியுடன் சென்று சந்தித்தார். மற்றவர்கள் சிறை வளாகத்தில் காத்திருக்கின்றனர்.

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close